كورولا جنوب افريقي

[sherif1988]

لو سمحتم
انا عايز اشترى عربية موديل 2010 او 2011

ومن ضمن الاختيارت قدانى التيوتا الجنوب افريقى

ياترا اخبار العربية اية لانى سمعت كلام كتير
وناس بتقول ابعد عنها كلها مشاكل
وناس تقول لا كويسة
كمان فرق السعر الكبير اللى بينها وبين الياباني مقلقنى
العربية اخبارها اية
قطع الغيار اية أسعارها
إعادة البيع بتعتها
الأعطال
والاعتمادية بتعتها للعمل الشاق اية ظروفها

[tasaka]

كمان فرق السعر الكبير اللى بينها وبين الياباني مقلقنى

لو العربيه دى mmt Manual transmission .. دى عربيه فتيسها مانيوال فيه اسطوانه و ديسك .. بس بينقل زى الاوتوماتيك ..

فرق السعر الكبير برضه كان فى الزيرو وقتها بينها و بين الاوتوماتيك

اعتقد كان 20 الف جنيه او 30 الف وقتها او اكتر .. الاسعلر دى للزيرو وقتها بس موش متأكد السعر كان كام بالظبط

اعتقد ما كانتشى محبوبه اول ما طلعت .. ما اعرفشى دلوقتى سمعتها ايه

[mody112]

الجنوب افريقي مشاكلها تتلخص فى الفتيس ( mmt) حاجة زي الايزى ترونيك كده وده مشكلته اتحلت ان تويوتا اعطت ضمان مدى الحياة للفتيس والمشكلة التانية ان اسعار قطع غيار الجنوب افريقي غالية جدا مقارنة بالخليجى او اليابانى لكن مع كده فيها اوبشن كتيييير اكتر من اليابانى .

[sherif1988]

طيب
يعنى لو قدامى حاجة جنوب افريقى اتوكل على الله و اجبها
انا مش هجيب الا اتوماتيك
فية بعض الإعلانات بشوفها بيقولو فتيس متغير في التوكيل ؟ دى كدة فيها مشاكل ؟

[sherif1988]

?????????????????

[svneleven]

حضرتك لو كانت كلمة "مغيرة فتيس في التوكيل" مش كويسه ما كانش صاحب الاعلان كتبها. معني انه غير الفتيس ان المشاكل تقريبا انتهت و ان الفتيس عليه ضمان مدي الحياه. لو ما غيرش الفتيس يبقي احتمال الفتيس الاصلي يبوظ مع حضرتك بعد اما تشتريها و تظطر انت تغيره مع التوكيل. نصيحة خد العربية و اطلع علي التوكيل افحصها و بالمرة اتاكد ان الضمان مدي الحياه علي الفتيس و ان الفتيس اتغير عندهم.

[tasaka]

طيب
يعنى لو قدامى حاجة جنوب افريقى اتوكل على الله و اجبها
انا مش هجيب الا اتوماتيك
فية بعض الإعلانات بشوفها بيقولو فتيس متغير في التوكيل ؟ دى كدة فيها مشاكل ؟

اعتقد ان الجنوب افريقى كله mmt ( فتيس مانيوال بس بينقل زى الاوتوماتيك ) .. بس موش متأكد

انا اتفرجت على العربيه دى زيرو اول ما ظهرت .. و كان الاوتوماتيك الموجود وقتها يابانى ( بدون ستيب ترونك ) على ما اتذكر

[tasaka]

اقرأ الموضوعين دول فى المنتدى عن الكرولا الجنوب افريقى .. علشان تكون فكره اوضح عن العربيه

http://www.nilemotors.net/Nile/37338-a.html

http://www.nilemotors.net/Nile/321906-a.html