شنطة السيراتو الشكل الجديد

[hanyghazal]

السلام عليكم:
انا الحمد لله اشتريت سيراتو 2016 وكيل بس لحظت ان الشنطة لما باجى اقفلها بتبا تيقلة يعنى لازم ارزعها شويه . انا كان معايا سيراتو2010 و كانت الشنطة بتقفل اسهل من كده: هل مثلا لان السيراتو الجديدة الشنطة اصلا لما بتفتاح بترفع لفوق غير القديمة و كملن علشلن لسة زيرو مثلا و لا هيا بطبيعتها تقيلة شوية فى قفلها و لا كده فيها مشكلة: ارجو الرد؟

[mr_green]

هى قفلتها جامده سنة عادى لا تقلق

و بالنسبة لصوت الزنة فى موضوعك التانى مش فاهم تقصد صوت زنة أول ما بتفتح الكونتاكت قبل الدوارة ولا و العربية دايرة ؟

و مبروك العربية و لا تقلق إستمتع و كفاية وسوسة :)

[pepo2011]

لو تقيلة شوية ده عادي لكن لو بزيادة ممكن تروح لحد يظبطها بتاع ابواب

[mr_green]

أعتقد هى تقيلة يقصد إنه بيرزعها سنة صغيره عشان تقفل لكن مش تقيله فى الطلوع و النزول - ياريت يصححلى لو غلطان

[hanyghazal]

شكرا لرد حصرتك. انا فعلا اقصد فى قفل الشنطة تحس انك بترزعها سنة.
اما بالنسبة لموصوع الزنة . هى فعلا لما تفتح الكونتكت و تيتمر و العربية دايرة
اصن ده صوت طرمبة البنزين بس مستغرب ليه بتزن بعد لما العربية تبا دايرة اقصد الثوت بيبا واضح بردو

[mr_green]

الشنطة كده تمام مفيش قلق

الزنة دى طرمبة بنزين بس صراحة مجربتش أركز فى صوتها و العربية دايرة أعتقد صعب تتسمع

إنت فى الضمان لو فيها حاجة و دى أشك فيها هاتبان بعد حبه - كبر دماغك و إستمتع بعربيتك

[hanyghazal]

الشنطة كده تمام مفيش قلق

الزنة دى طرمبة بنزين بس صراحة مجربتش أركز فى صوتها و العربية دايرة أعتقد صعب تتسمع

إنت فى الضمان لو فيها حاجة و دى أشك فيها هاتبان بعد حبه - كبر دماغك و إستمتع بعربيتك

شكرا جزيلا

[borio1704]

الشنطة محتاجة تترزع رزعة بسيطة جدا.. وممكن تقللها لو حبيت...

أي عربية بيبقى فيها في غطا الشنطة والكبوت صوابع كاوتش علشان تمنع أصوات الاهتزاز والحديد ما يلمسش بعضه أثناء ما بتقفل أو أثناء الحركة..



وليها أماكن تبات فيها في جسم العربية..



الصوابع دي متركبة قلاووظ... تقدر تعليها أو توطيها بمجرد لف الصوباع في مكانه.. كإنك بتلف أي مسمار قلاووظ,



حاول تقلل ارتفاع الصوابع الكاوتش دي .. وإن شاء الله الرزعة هتقل.


...