مشكلة غريبة اوى فى اكسنت ار بى 2014

[DISHA2013]

المشكلة كان فى واحد صاحبى عطل و اديته وصلة من البطارية
وبعديها الساعه عندى بدأت تخرف خالص اظبطها تأخر و توقف ساعات
بعديها توقفت تماما و شيلت كابل البطارية مدة و وصلته تانى برضو نفس الكلام
تفتكروا ايه حل المشكلة دى ؟؟

[tasaka]

لما تعمل توصيله لحد .. ليها ترتيب معين انا موش متذكره اوى ( هل نبدأ بالسالب اولا ام الموجب اولا ؟ )

- بس على ما اتذكر هو كالتالى .. ( باعتبار ان السياره الاخرى هى المتعطله )

- وصل موجب فى السياره الاخرى .. ثم موجب فى سيارتك

- ثم وصل سالب فى السياره الاخرى .. ثم سالب فى سيارتك

- ثم يتم تدوير السياره الاخرى

- بعد التدوير .. يتم فك الكابلات عكس ترتيب التركيب .. يعنى تبدا بفك السالب عندك ثم من السياره الاخرى .. ثم الموجب عندك ثم الموجب من السياره الاخرى

تجنب حدوث شرز عند تركيب التوصيلات .. و التوصيل يجب ان يكون محكم

[borio1704]

بداية.. راجع على الفيوزات

وثانيا... وزي ما قاللك أستاذ tasaka... تركيب الوصلة له ترتيب ﻻزم تلتزم بيه وإلا ممكن يحصللك مشاكل زي دي على الأقل..

الترتيب كالتالي (من كتالوج عربيتي .. وهتلاقيه هو نفسه مكتوب في كتالوج عربيتك):

1- وصل الكابل الأحمر في الموجب في العربية العطلانة (البطارية الفاضية).
2- وصل الطرف الثاني للكابل الأحمر في موجب بطارية العربية السليمة (البطارية القوية).
3- وصل الكابل الأسود في السالب في البطارية القوية
4- وصل الطرف الثاني للكابل الأسود في جسم السيارة العطلانة. . في جسم السيارة وليس سالب البطارية... يعني اشبكه في قاعدة الموتور مثلا.


وقبل ما توصل أي حاجة.. اتأكد إن العربية العطلانة مش مشغلة أي حاجة بتستهلك كهربا.

وبعد ما توصل شغل العربية اللي فيها البطارية القوية ودوس بنزين وخليك دايس بحث إن الموتور يبقى شغال على حوالي 2000 RPM (علشان بطاريتك تشحن وما تضعفش)...

وبعد ده كله.. ابقى دور العربية العطلانة.


...

بداية.. راجع على الفيوزات

وثانيا... وزي ما قاللك أستاذ tasaka... تركيب الوصلة له ترتيب ﻻزم تلتزم بيه وإلا ممكن يحصللك مشاكل زي دي على الأقل..

الترتيب كالتالي (من كتالوج عربيتي .. وهتلاقيه هو نفسه مكتوب في كتالوج عربيتك):

1- وصل الكابل الأحمر في الموجب في العربية العطلانة (البطارية الفاضية).
2- وصل الطرف الثاني للكابل الأحمر في موجب بطارية العربية السليمة (البطارية القوية).
3- وصل الكابل الأسود في السالب في البطارية القوية
4- وصل الطرف الثاني للكابل الأسود في جسم السيارة العطلانة. . في جسم السيارة وليس سالب البطارية... يعني اشبكه في قاعدة الموتور مثلا.


وقبل ما توصل أي حاجة.. اتأكد إن العربية العطلانة مش مشغلة أي حاجة بتستهلك كهربا.

وبعد ما توصل شغل العربية اللي فيها البطارية القوية ودوس بنزين وخليك دايس بحث إن الموتور يبقى شغال على حوالي 2000 rpm (علشان بطاريتك تشحن وما تضعفش)...

وبعد ده كله.. ابقى دور العربية العطلانة.


...

+1 .. شكرا للتصحيح

.. و مهم جدا ان الزميل ينتبه لكلام المهندس بوريو للتوصيل فى جسم العربيه و ليس فى السالب للعربيه العطلانه

[salam100100]

سبب التوصيل فى جسم العربيه و ليس فى السالب
عشان بيخافوا لو البطاريه اللى راكبه من النوع الحامضى وليست الجافه ممكن تكون حواليها غازات او ابخره بتاعت الحامض واحتمال انه يحصل شراره عند التوصيل تؤدى الى انفجار البطاريه

[رامي مصطفى]

ايه كم المعلومات ده كله
ربنا يباركلكم

[tasaka]

سبب التوصيل فى جسم العربيه و ليس فى السالب
عشان بيخافوا لو البطاريه اللى راكبه من النوع الحامضى وليست الجافه ممكن تكون حواليها غازات او ابخره بتاعت الحامض واحتمال انه يحصل شراره عند التوصيل تؤدى الى انفجار البطاريه

طبعا اللى انت ذكرته شيئ مهم جدا

بس اعتقد السبب غير كده .. لان فيه عربيات بيكون الموجب ظاهر و السالب موش ظاهر ( مخفى لا تستطيع الوصول اليه ) .. و فيه شبه مسمار فى جسم العربيه للسالب .. يعنى مقصود انه يمنعك من استعمال سالب البطاريه لسبب ما .. ( اعتقد ممكن خوفا على الكمبيوتر ) ؟؟

الموضوع ده شفته فى عربيه اخى مرسيدس 450 gl موديل حديث ( يعنى اكيد بطاريتها جافه )