ممكن أسعار السيراتو الأخيرة خليجي

[Salah_sr]

لو سمحتم ممكن أسعار السيراتو خليجي كام و مواصفتها .. لاني راجع من الخليج و عايز اعرف انزل عربيتي و ادفع شحن و جمرك و لا اريح دماغي و ابيعها و اشتري زيرو من مصر

[Salah_sr]

لو سمحتم محتاج ضروري أٍعرف السيراتو خليجي بعد الأرتفاع الأخير قبل نزولي لمصر حتي أقرر أنزل سيارتي و لا أشتري جديد من مصر و خاصة إن التوكيل رفع الأسعار إرتفاع كبير مرة واحده .... لو سمحتم لو حد عنده آخر الأسعار و المواصفات و مين بيبعها و هل سمير ريان كويس

[Omar Sarray]

بصراحه انا مضمنش الخليجى الى بيجى مصر حتى لو كانت اجمد وحده فيهم وبسعر مغرى انا شايف توكل على الله واشترى زيرو من مصر احسن ومن توكيل مش المعارض

[mohamedaghali]

احسب جمركها ومصاريف النقل وتمنها عندك لوهتبيعها هيكون كام واعمل حسابك ان اقل الفئات هنا مش اقل من 180000 وانت طالع وطبعا شوف عربيتك انهى فئة وانت مرتاح مع كماليتها ولا لا وعايز حاجة اعلى و خلي بالك ان العربيات دلوقتى غالية جدا واحيانا مش موجودة

[hi_nmr]

انا عندي نفس الموضوع ومحتار زيك بالضبط

[borio1704]

هي موديل كام؟؟؟
علشان بيبقى عندك خصم في الجمرك (سيف وارد) على سنوات الاستخدام 10% على أول سنة و5% على كل سنة بعد كده بحد أقصى 9 سنوات..

ليها حسبة كده لازم تبقى عارفها علشان تاخد قرار صح.


...

انا اقول وده راى شخصى يعنى اشترى من توكيل الدوله احسن

[tasaka]

و كان احد الاعضاء ذكر تجربته من السعوديه اعتقد ؟ .. و اتبهدل شويه حلوين فى الورق فى مصر و دفع كتير و العربيه وقفت اغلى من مصر .. اعتقد كانت بى ام .. موضوع كويس و كان فيه معلومات مفيده جدا جدا لو تعرف تلاقيه فى المنتدى


ده رد المشرف العام فى المنتدى .. مبدئيا يعطيك فكره عامه لما انت مقبل عليه .. و ما اعرفش ان كانت القوانين اغيرت ام لا
و ده الرابط ..
http://www.nilemotors.net/Nile/465019-a.html

هي في كل الأحوال الحسبه مش بسيطه ودايما في الواقع بتفرق عن الأرقام اللى بتتحسب عالورق

بس مبدأيا هي ليها حاجات ثابته

الكلام طبعا عالمواتير ال 1600 سى سى او اقل

أولا تحسب تمن العربيه المكتوب في الفاتوره بالمصرى ( مثلا عربيه تمنها 50 الف ريال يبقى بالمصرى 100 الف جنيه )

تضيف ليهم تكاليف الشحن ( النولون + التأمين + التفريغ ) واللى هايطلع هو دا المبلغ اللى هاتدفع عليه الجمرك ، يعنى كمثال برضه لو افترضنا تكاليف الشحن 10 الاف جنيه يبقى الإجمالى 110 الف جنيه دول اللى تحسب عليهم الجمرك

الجمرك 40 % ضريبة وارد + 15 ضريبة مبيعات + 3 % رسم تنميه

وهنا طريقة الحساب اول حاجه بتعمل لخبطه لان ليها طريقتين

اول طريقه

110 الف * 40 % = 44 الف

110 الف * 15 % = 16.5 الف

110 الف * 3 % = 3.3 الف

يبقى إجمالي الجمرك 63.8 الف جنيه

وفى الطريقه التانيه واعتقد هي اللى بتستخدم انهم بيحسبوا الجمارك بشكل تراكمى

بمعنى

110 * 40 % = 44 الف

تجمع ال 44 الف على التمن الاصلى للسياره وتضربهم في ضريبة المبيعات

يبقى 154 الف * 15 % = 23.1 الف

تجمعهم برضه مع اللى فات وتضربهم في رسم التنميه

يعنى 177.1 * 3 % = 5.3 الف

يبقى إجمالي الجمرك 72.4 الف جنيه

دا بالإضافه لو عربيتك مجهزه بأوبشنز عالى ليها حساب تانى لوحده معرفش طريقته

[borio1704]

طريقة الحساب التانية هي الصح

سرقة علني

وعلى فكرة... الخصم اللي بيعملوه على الجزء الأولاني بس من الحسبة (بتاعت ال40%).


...

طريقة الحساب التانية هي الصح

سرقة علني

وعلى فكرة... الخصم اللي بيعملوه على الجزء الأولاني بس من الحسبة (بتاعت ال40%).


...

ما هو الخصم ده ممكن ياخذوا اكتر منه على الكماليات

- عربيه فيها استبن مثلا .. و دى حاجه موش لازمه علشان العربيه تمشى .. يبقى عدد 1 استبن كماليات
- عربيه فيها نور واطى .. وكمان نور عالى .. يبقى كماليات على 2 فانوس ملهمش لازمه
- عربيه فيها اكره فى كل باب فى العربيه .. يبقى كماليات على ال 3 اكر اللى مالهمش لازمه ( واحد يدخل من الباب ابو اكره و يفتح الباقيين من جوه )
و احتمال بقى يقولك .. كفايه باب واحد الناس كلها تدخل منه .. و الثلاثه الزياده دول كماليات

يعنى بالمره .. علشان تكمل .. الاتاوه

مفتقدينك فى المنتدى .. بس رمضان اولى باهتمامك