كثافه البنزين

[hi_nmr]

الاخوه الكرام
السلام عليكم ورحمه الله وبركاته

عربيتي مو 2011 والجير الجديد ومن حوالي شهر حسيتها بتاكل بنزين ولما ركزت معاها لقيتها بتعمل 390-400 كيلو في التأنك بالكامل فكنت عاوز اسال اهل الخبره
هل لان الجو حر كثافه البنزين بتقل فتاكل بنزين اكتر ؟ ام يوجد سبب اخر مثل البوجيهات مثلا؟

قولولي عربياتكم بتعمل كام كيلو في الصفيخه او التانك في الحر ده ولا المشكله مشكله بوجيهات ولا حاجه تانيه ولا ايه

مع الشكر

[svneleven]

اعتقد 400 كيلو في التانك مش وحش خصوصا في الزحمة بتاعتنا و تشغيل التكييف المتواصل. الي جانب ناس كتير قالت انك لو مونت و الجو حر بتاخد فعليا بنزين اقل من لو مونت ساعة الفجر مثلا او و الجو بارد.

[hi_nmr]

انا فاكر ان عربيتي كانت بتعمل حوالي 500 في التانك فلما تقل تقل كل ده ؟؟
انا مش متأكد من نفسي عشان كده سالت

[tasaka]

على فكره

انا لاحظت ان كتير من الزملاء لهم نفس الشكوى ( بدون سبب ) .. و فى عربيات اقتصاديه .. و ماركات متنوعه .. و عربيات محترمه

انا اصبح عندى شك الان فى نوعيه البنزين اللى بتتعمل عندنا ( موش فى غش محطات البنزين )

[borio1704]

الجو الحر بيزود استهلاك البنزين.. حتى من غير ما تشغل التكييف..

السبب ماهواش البنزين خالص..

السبب هو... الهوا


الهواء بيتمدد مع ازدياد الحرارة.. وده بيقلل كمية الأكسجين مقارنة مع الهوا البارد اللي له نفس الحجم..


طيب ده يفرق معانا في إيه؟؟؟

الأكسجين هو العنصر المساعد على الاشتعال .. ومن غيره مش هتاخد احتراق جيد...

علشان كده.. تلاقي العربية فايقة الصبح بدري.. ﻹن ده أكتر وقت بارد أثناء اليوم.. وكمية الأكسجين عالية ... على عكس فترة الظهر.

حاجة تانية بتقلل من سحب العربية (=بتزود استهلاك البنزين) .. اللي هي محبس الegr.. وده مهمته إنه يعيد تدوير جزء من العادم (بالذات غير المحترق جيدا) اللي بيزيد مع أوقات الحر والظهيرة .. وده بيقلل كمان من كمية الأكسجين.


أنا عندي استهلاك العربية في الصيف بيعمل متوسط حوالي 8.7 لتر/100 كم ... في حين إنه في الشتا بيعمل حوالي 7.4 لتر/100 كم...
مع العلم بإني ساكن في جدة والجو هنا مفيهوش شتا.. الشتا هنا مجرد جو ربيعي من بتاع مصر.

فالمسألة طبيعية


...

انا كمان معاك في الدمام والمتوسط عندي فعلا في الشتا اقل بس اليومين دول عندي المتوسط من 10 ل 11 كل 100 كيلو ده كومبيوتر العربيه ولما ركزت شويه اكتشفت ان الوضع اسواء من كده لان التانك كله 52 لتر بيعمل معايا 400 كيلو بس ده معناه ان النسبه الحقيقيه تقريبا 12 لتر لكل 100 كيلو كده الفرق كبير فبفكر اغير بوجيهات مع اني مغيرها من 20 الف كيلو توع ngk

[tasaka]

In reality, most cars will use more fuel than the combined figure published.

Kia's urban fuel figures for the Cerato sedan are 10.5L/100km for the manual and 10.4L/100 for the auto.

The combined figure is 7.5L/100 for the manual and 7.7L/100 for the auto

--------------------------------------------

رابط
2011 Kia Cerato Mileage

Based on data from 5 vehicles, 47 fuel-ups and 23,221 km of driving, the 2011 Kia Cerato gets a combined Avg L/100km of 8.56 with a 0.38 L/100km margin of error.

رابط استهلاك تفصيلى
Cerato 1.6 EX (Kia Cerato) | Fuelly

[tasaka]

انا كمان معاك في الدمام والمتوسط عندي فعلا في الشتا اقل بس اليومين دول عندي المتوسط من 10 ل 11 كل 100 كيلو ده كومبيوتر العربيه ولما ركزت شويه اكتشفت ان الوضع اسواء من كده لان التانك كله 52 لتر بيعمل معايا 400 كيلو بس ده معناه ان النسبه الحقيقيه تقريبا 12 لتر لكل 100 كيلو كده الفرق كبير فبفكر اغير بوجيهات مع اني مغيرها من 20 الف كيلو توع ngk

لا .. تبقى 13 لتر لكل 100 كم .. احسبها كويس ..52 قسمه 4

انا بقى باحلم باليوم اللى العربيه عندى تعمل الرقم ده .. ساعتها حاطير من الفرحه

[tasaka]

لان التانك كله 52 لتر بيعمل معايا 400 كيلو بس

على الانترنت سعه التانك 55 لتر

يبقى ازاى انت بتحط 52 لتر ؟؟

اكيد اللمبه بتنور على 8 او 10 لتر فى التانك .. يبقى انت ساعتها حتحط 45 او 47 لتر

[عبدالله برعى]

- لا علاقة بين استهلاك البنزين فى السيراتو وكثافته
-حساب الاستهلاك من خلال التانك غير دقيق بالمرة
-حساب الاستهلاك من خلال الكومبوتر اللحظى غير دقيق بالمرة
- السيراتو ف العموم استهلاكها عالي مع الفتيس اربع نقلات ويقل الاستهلاك مع الفتيس الجديد
- افضل طريقة لحساب الاستهلاك يتم املاء التانك وتصفير عداد trip A وبعدها يتم املاء التانك ويتم قسمة المسافة المقطوعه على عدد الكيلو مترات ثم الضرب فى 20
مثال : تم ملاء التانك وبعد يومين مشيت مسافة 250 كم على trip a وذهبت مرة اخرى لاملاء التانك واخذت 23 لتر
النتيجة حتكون عدد الكيلو متر = 250
كمية البنزين = 23
250 ÷23 = 10.8 ك لكل لتر
لكي احسب استهلاك صفيحة البنزين 10.8 *20 = 216
اذن السيارة بتعمل 216 كم للصفيحة
- اسباب استهلاك البنزين فى السيراتو كثيرة جدا ولا يسع المقال لشرحها ولكن الظاهر منها الفلاتر دورة الوقود مصفاة طرمبة البنزين الخ