النترا hd

[ahmed51]

كنت عايز اسأل عن النترا اتش دي عشان حكاية انها تقفيل مصري وكده فعايز اعرف ايه نظامها من ناحية جودة الخامات والعزل والتقفيل.
ولو جبتها هتكون بنفس جودة النترا 2010؟؟
وهي ولا اكسنت جديدة؟؟

[profimh]

الخامات معقولة بس البلاستيك أقل فى الجودة من اللى كانت مستوردة (أقصد الكورى)
العزل الحرارى شرحه و عزل البودى من تحت سىء جدا
التقفيل وحش قوى وتقدر تتاكد من ده فى أى معرض بداية من العضة اللى موجودة فى فتح الابواب ونهاية بموكيت الارضية.
لا طبعا 2010 برقبتها واى موديل كورى برقبتها
بالنسبة للسؤال الاخير الاتنين ما يتركبوش

[Omar Sarray]

الى اعرفه هيا هيا الى انتجت سنه 2008 بس فيها ليدات وشويه بلوتوث على شويه فتحه سقف اعلى فئتين ده الى اعرفه مفهاش حاجه خياليه زى ad يعنى وبس

[eljafari]

انا معايا لسه مكملتش ال 1000 طبعا هي مش زي الالنترا الكوري الجديدة
الاكسنت اقيم منها لكن صغيرة الالنترا اتش دي كبيرة
كسواقه معقولة وكخامات بالنسبة لتمنها معقولة
وعيوب التقفيل المصري معروفة مش محتاجة رغي كتير سواءا من خامات فرش وجلد وتقفيل فواصل
لكن مقارنة بسعرها والمنافسين ليها في الفئة السعرية ممتازة
طبعا احسن من الفيرنا والعربيات الصغيرة ورايي انها اعتمادية اكتر من العربيات الصيني لانك بتاخد مكنة وفتيس كوري وكجودة اقل من الكوري متقارنش بالكوري في فرق

الشاسية بيقولو صيني لكن مش متاكد

اذا ميزانيتك حدود ال 160 فهي اختيار جيد ولو اقل شوية زود وهاتها
اذا معاك مبلغ اكبر وعايز حاجة مريحة بغض النظر عن التكلفة خد حاجة اعلى