تويوتا كورولا 2016 .. رأيكم لو تفضلتم (بالأخص طبعا اللى عن تجربه)

[M.Mostafa_82]

السلام عليكم و رحمه الله وبركاته

لو سمحت أنا بفكر أشترى تويوتا كورولا 2016 و أكيد طبعا يهمنى رأيكم و بالذات طبعا اللى جرب العربيه بنفسه..

شكرا جزيلا مقدما

[mozart face777]

زبالة التويوتا وموتور مش حلو

[ahmad--ezzat]

هتدفع فيها 280 الف
حرام
العربيه خفيفه جدا ومتستهلش كل ده

[M.Mostafa_82]

زبالة التويوتا وموتور مش حلو

بس دى أول مره حسب معلوماتى إنى ألاقى حد يشتكمى من الموتور.. هل فعلا الكلام ده عن تجربه؟

[M.Mostafa_82]

هتدفع فيها 280 الف
حرام
العربيه خفيفه جدا ومتستهلش كل ده

بالنسبه للسعر : أنا بفكر فى حدود 200-250 ألف .. إيه البديل اللى ممكن تنصحنى بيه لو سمحت؟
أما الوزن أنا مسمعتش خالص إنه كان مشكله فى التويوتا.. هل تقصد فى السرعات العاليه أوى؟

[vetozza]

كنت لسه في نفس موقف حضرتك بنفس ال package، ولقيت منافس واحد بس محترم للكورولا وهوة الأوبل أسترا، وطبعاً ٣ ثواني تفكير ان وكيلها منصور وروحت جبت الكورولا، العربيه معايا بقالها شهر، مبسوط من الأداء، الموتور قوي، العربية أخف من اللي قبلها ومن الأسترا بس مش الخفه اللي تخلي العربية مش ثابتة (العربية فيها traction system ) مش موجود في الأسترا، مش مريحة قوي من جوة زي الألماني او الأسترا، بس في الرانچ ده خرام تجيب سيراتو او چوك ، الكورولا عربية محترمة، فعلاً متستهلش ٢٥٠ الف بس احنا بنتكلم علي ال ٢٥٠ الف من منظورنا القديم، دلوقتي ومع الوضع الأقتصادي ال٢٥٠ الف قيمتهم قلت

ربنا يوفقك

[M.Mostafa_82]

كنت لسه في نفس موقف حضرتك بنفس ال package، ولقيت منافس واحد بس محترم للكورولا وهوة الأوبل أسترا، وطبعاً ٣ ثواني تفكير ان وكيلها منصور وروحت جبت الكورولا، العربيه معايا بقالها شهر، مبسوط من الأداء، الموتور قوي، العربية أخف من اللي قبلها ومن الأسترا بس مش الخفه اللي تخلي العربية مش ثابتة (العربية فيها traction system ) مش موجود في الأسترا، مش مريحة قوي من جوة زي الألماني او الأسترا، بس في الرانچ ده خرام تجيب سيراتو او چوك ، الكورولا عربية محترمة، فعلاً متستهلش ٢٥٠ الف بس احنا بنتكلم علي ال ٢٥٠ الف من منظورنا القديم، دلوقتي ومع الوضع الأقتصادي ال٢٥٠ الف قيمتهم قلت

ربنا يوفقك

مشكور جدا لوقتك و للتوضيح ..

أنا فعلا كنت فكرت شويه فى أوبل أسترا بس (بعيدا عن وكيلها منصور اللى من الواضح إن سمعته مش أد كده) بس اللى عرفته إن اوبل تقيله و بالأخص هتبان جوه البلد و أنا شايف إن دى مش حاجه عمليه خصوصا إن معظم مشاويرى كده..
بالنسبه للسعر: للأسف الجنيه مبقاش له قيمه و لو فكرت فى حاجه أقل من كده (خصوصا إن حابب اليابانى) مش هلاقى حاجه (على الأقل ماسكه نفسها و لها إسم و عمليه)
بالنسبه لإمكانيات الكورولا: من كلام حضرتك عنها واضح إنك معجب بيها بشكل عام و ربنا يباركلك فيها.
لكن لو سألتك إيه عيوبها.. هتكون إيه؟ و هل اللى يأسمعه مثلا عن إن العربيه واطيه كعيب من ضمن العيوب و إن لازم تاخد المطبات على 3 هل ده صحيح؟

شكرا جزيلا مقدما

[vetozza]

انا محستش خالص بموضوع الوطيان علي الارض ده، العربيه عليت وفعلاً باخد بيها مطبات بنفس الطريقة اللي كنت بخدها بالأڤيو ومبحكش، عيوب تانية مش هقدر افيدك دلوقتي، عندي مشكلة مع السماعات بس دي شكلها مشكلة فرديه هشوفها في صيانة الألف، حاسس ان البدي مش قوي، بس بعد تفكير هيفرق في ايه الصاج القوي من الضعيف، بعد الشر لو خبط كله بيطبق والتأمين بقي اهم حاجة دلوقتي

[M.Mostafa_82]

انا محستش خالص بموضوع الوطيان علي الارض ده، العربيه عليت وفعلاً باخد بيها مطبات بنفس الطريقة اللي كنت بخدها بالأڤيو ومبحكش، عيوب تانية مش هقدر افيدك دلوقتي، عندي مشكلة مع السماعات بس دي شكلها مشكلة فرديه هشوفها في صيانة الألف، حاسس ان البدي مش قوي، بس بعد تفكير هيفرق في ايه الصاج القوي من الضعيف، بعد الشر لو خبط كله بيطبق والتأمين بقي اهم حاجة دلوقتي

ربنا يحفظنا جميعا من كل شر و سوء .. و شاكر جدا لوقتك

و لو إفتكرت أى معلومه عن الكورولا أو ظهرت معاك أى حاجه تانيه سواء إيجابا أو لا قدر الله سلبا .. أبقى شاكر جدا

[M.Mostafa_82]

انا محستش خالص بموضوع الوطيان علي الارض ده، العربيه عليت وفعلاً باخد بيها مطبات بنفس الطريقة اللي كنت بخدها بالأڤيو ومبحكش، عيوب تانية مش هقدر افيدك دلوقتي، عندي مشكلة مع السماعات بس دي شكلها مشكلة فرديه هشوفها في صيانة الألف، حاسس ان البدي مش قوي، بس بعد تفكير هيفرق في ايه الصاج القوي من الضعيف، بعد الشر لو خبط كله بيطبق والتأمين بقي اهم حاجة دلوقتي

معلشى أنا عاوز أستفسر أكتر بخصوص الإرتفاع و المطبات.. هل معنى كلامك إنها كويسه حتى لو فيه معاك عدد يعنى شخصين أو تلاته؟ عن تجربه يعنى؟