تجربتى مع استعدال جنوط ١٦ النترا md

[Nashaat Rady]

السلام عليكم،
بعد معاناة طويلة مع رجة العربية بعد ال١٢٠كم/الساعة قررت استعدل الجنوط. العربية كانت واخدة كام نقرة علي الطرق المصرية العظيمة.
انا طول عمري مقتنع ان الجنوط السبور ما بترجعشي لحالتها الأصلية حتي لو الحج جنط شخصيا هو اللي صلحها و مع ذلك قولت احاول و انا اتنين أصدقاء بعربيات مختلفة. احنا الثلاثة روحنا لثلاث أماكن مختلفة يترواح اسعارها من ١٠٠ الي ٢٥٠ للجنط الواحد..

النتيجة باختصار: زفت... فشل زريع.. كلنا خارجين من الورش زي الاول او تغيير بسيط. مع العلم ان قبل التصليح كان في رفة واضحة علي الجهاز و بعد التصليح الرفة بتختفي و مع ذلك الجنط مازال غير متزن.. التصليح كان بطرق مختلفة، بمعني ان فيه منا اللي سخن و دقدق و فيه اللي حطها علي مكبس و التالت دقدق علي البارد..

الخلاصة: الجنط السبور لا يستعدل. ده غير انه في خطورة علي سلامة الجنط بعد التصليح...

دلوقتي انا في مرحلة شراء جنوط جديدة و ماعنديش اي خبرة في الماركات والخامات.
الجنط الأصلي تمنه في التوكيل ٣٠٠٠ جنيه/جنط.
"اللي يعرف يفيدنا افادكم الله."

حسبي الله و نعم الوكيل في الطرق المصرية ولا عزاء لاصحاب الجنوط السبور.

شكرًا

اشتري جنوط حديد افضل بس جداد

[svneleven]

حضرتك انا صلحت جنوط اسبور قبل كده مرتين و الاتنين جنوط 17 و الدنيا ضبطت زي الفل لكن الخبطات ما كانتش جامدة لدرجة ان الجنط يشرخ او يتاثر من التصليح.