صوت الموتور عالي قوي مع السرعة فوق 70

[mohamedMohYass]

السلام عليكم
عندي عربية ماتريكس 2005 اوتوماتيك لما بمشي اقل من 50 صوت الموتور بيبقى عادي لكن الصوت بيعلى قوي من 60 و انت طالع من ان عدد لفات الموتور بتبقى 2000 او اقل كمان و الصوت بيزيد مع دوسة البنزين مع وجود نتشة بسيطة مع الفرامل على السرعات الاقل من 20 (يعني لما ادوس فرامل و اسيب, احس العربية بتنتش بسيط خصوصا لو رجعت دوست بنزين خفيف) (النتشة كانت موجودة من قبل كده بس زادت قوي الفترة دي لانها كانت بتعمل كده 4 او 5 مرات في مشوار ساعتين لكن دلوقتي 10 مرات في مشوار اقل من نص ساعة)
روحت لبتاع الشكمان و قالي مفيهوش حاجة و كنت مغير فلتر هوا من اقل من 3 شهور مع البوجيهات و ساعتها برضه نضفت البوابة و غيرت زيت الفتيس و زبت الموتور مع الفلتر بتاعه (من 2000 كم). فالاعراض دي ممكن تكون من ايه؟

[م/أحمد عبد الفتاح]

العلاقة بين الفرامل والموتور هى السيرفو - بمعنى ان اى دوسة فرامل تسبب رعشة او تقطيعه فى الموتور يبقى ممكن يكون خراطيم الفاكيوم اللى واصله من الموتور للسيرفو فيها حاجه مثلا فيه خرطوم مشقوق او مفكوك سواء من ناحية السيرفو او من ناحية الموتور فيستحسن الاول تكشف على خراطيم السيرفو والسيرفو كمان بالمرة لان لو الدايافرام بتاعه اتخرم حايعمل نفس الاعراض

حضرتك ممكن تتواصل معايا علي الرقم 0101655516 اقولك علي سبب المشكله والحل ان شاء الله

[mohamedMohYass]

م/أحمد عبد الفتاح
شكرا لمشاركة حضرتك و ان شاء الله هشوف موضوع السيرفو مع اني شاكك في الفتيس علشان بتحصل على سرعات واطية بس (أقل من 20)
mohamed sedaa
كلمت الرقم اللي حضرتك كاتبه و طلع رقم غلط. اتمنى لو حضرتك عندك اقتراح لسبب المشكلة تقوله هنا او على الخاص

[Colin Chapman]

م/أحمد عبد الفتاح
شكرا لمشاركة حضرتك و ان شاء الله هشوف موضوع السيرفو مع اني شاكك في الفتيس علشان بتحصل على سرعات واطية بس (أقل من 20)
mohamed sedaa
كلمت الرقم اللي حضرتك كاتبه و طلع رقم غلط. اتمنى لو حضرتك عندك اقتراح لسبب المشكلة تقوله هنا او على الخاص

منقول
النترا 2008 اتوماتيك
السلام عليكم
عندى النترا 2008 البداية كانت مشكلة بالفلاتر والعربية لما بتسخن بتطلع ثالث وطبعا ان كنت مشيت عليها المهم غيرت الفلاتر فكان فيه نتشه على كل الغيارات غيرت الفالف بودى فالف ظهرلى عيب غريب وهو ان العربية لما بتبقى بارده الصبح بيبقى فيه هبده على D او R المهم العربية غيرتلها اكتر من بلف لكن العيب نفسه فى الاخر غيرت الفتيس كله بس كان فيه نتشه على بن الثالث والرابع حطيتها على الجهاز قريت P0734 عملنا ريسيت والعربية بقيت تمام وجربت العربية امبارح العربية هبدت جامد بين الغيار الثالث والرابع وكتمت ولما بقف تماما واطلع بتكركر كانها متلته وبعدين تهبد بطلت العربية ودورتها تانى اتظبطت لكن النتشه وساعات تفويته بتكون بين الثالث والرابع وحطيتها على الجهاز تانى نفس العطل P0734 (4TH GEAR INCORRECT RATIO ايه العمل افيدونى
ملحوظه تم تغيير الزيت للفتيس والفلتر للفتيس اكثر من مره