سؤال بخصوص مساعدين byd f3

**ahmedalqat** · 30-11-2008 05:17 PM

طلبوا منى فى التوكيل فى صيانة 20 الف تغيير المساعدين الامامية سالت على الثمن قالوا 1000 جنية الامامين قلت اجيب بتاع التويوتا يا ريت حد يقولى سعرهم كام واى موديل اجيب وهل حد غير المساعدين قبل كدة علما بان السيارة تمشى اكثر الوقت على طرق غير ممهدة

**Hacker5** · 30-11-2008 09:41 PM

واضح اوى ان التوكيل دة بيستعبط
عربية تغير مساعدين بعد 20000كيلو؟؟؟؟؟؟؟؟
لاء و فى الصيانة كمان :)
انا اعرف فى الصيانات تغير زيت - فلاتر -سيور - تيل كدة يعنى

لكن مساعدين كمان ؟؟؟ جديدة دى :)

يا باشا روح لاى حد بتاع عفشة كويس يشوفها محتاجة تتغير فعلا ولا لاء
لان حرام بجد المساعديت يتغيروا دلقت و اسالوا برضو اذا كانت عفشة الويوتا ينفع تركب ولا لاء

و على فكرة لو المساعدين فيهم حاجة المفروض يتغيروا على حساب التوكيل مش عليك

**pharonicking** · 30-11-2008 09:51 PM

ياباشا هو دة الصينى"" يديك عربيات رخيصة زى اللعب بتاعتهم بتنور وتزمر وتجرى """وشوية تبتدى كل حاجة تخرب فيها وقابلنى فى التوكيل عشان نعوض فرق سعر العربية ويسحبو الفلوس بالراحة""
المشكلة بننصح الناس بلاش الصينى يقولولك لا ازاى دى زى الكورى واحسن""
ربنا معاك""

**bateka555** · 01-12-2008 01:04 PM

يا باشا أنا معايا f3-rو زى الفل بس المساعدين نشفين شوية لكن ينفع تركب بتوع التيوتا كرولا بس مش عارف بكام بس روح لبتاع عفشة فعلاً و أعرف الصح:)

**ahmedalqat** · 02-12-2008 09:59 AM

الف شكر على الردود ياجماعة

**muslem** · 18-12-2008 01:24 PM

اجيب بتاع التويوتا يا ريت حد يقولى سعرهم كام واى موديل اجيب وهل حد غير المساعدين قبل كدة علما بان السيارة تمشى اكثر الوقت على طرق غير ممهدة

يا ريت الاخوة اللى يملكوا تويوتا يقولوا لنا ثمن المساعدية كام
و اظن لو استيدلوا بمساعدين ناشفين زي بتوع عربية اخونا
bateka555 اظن يستحملوا الطرق الغير ممهدة اللى حضرتك بتمشي فيها كتير دى و يا ريت طبعا تغيرهم بتويوتا لان دى هى الميزة اللى فى العربية دي و لازم نستخدمها بقي

ربنا يستر عندى لانى برضوة عندى المنطقة متكسرة خالص و مطينة بسبب انهم دخلوا المية و كسروا الارض و بقت زي الزفت عايزة عربية فور باى فور
حتى فى واحد جارىعنده تريوس الجديدة جراند بيركنها بره علشان ميدخلش بيها الحتة المكسرة و يدخل على رجله

**adel_21381** · 18-12-2008 10:59 PM

السلام عليكم ورحمة الله وبركاتة
يا أخى المساعدين هما تويوتا كورولا 2005 2006 2007
والثمن
المساعدين كاملين أمام 700 جنية
المسعدين فارغ 400 جنية
وهتلقيهم فى الحرفيين
أى خدمة