الفريون يبنسرب كل تلات شهور

[drabdulrahman]

السلام عليكم ورحمة الله
انا معايا فيرنا 2009 عامله 85 الف كيلو و عندي مشكلتين

المشكله الأولى التكييف.. انا شحنت التكييف اول الصيف في شهر مارس... كان فاضي خالص لاني عملت حادثة و غيرت السربنتينه.... المهم على شهر 7 كده كان التبريد قل جدا و بقي زي قلته

شحنت التكييف تاني و الفني كشف عالسربنتينه و نضف الفلتر.
قالي انتا عندك تسريب ميت. السربنتينه مفهاش مشكله المشكله من التلاجة لان التسريب الميت غالبا من التلاجة اللي هي دوره البارد.... قالي كمان تلاجة الفيرنا بتجيب بارومة بسرعه... ودي حاجة معروفة في الفيرنا واني هشحن كل صيف مرتين ياما اجيب تلاجة جديدة

ايه مدي صحة كلامه يا جماعه


المشكله التانيه بقي

اني لما بفول سعات بحس بريحة بنزين وانا سايق خصوصا وانا فاتح الشباك

[تامر.محمد]

غالبا كلامه صح للأسف

ريحة بنزين حاجتين
يا إما تنك البنزين غطاه مش محكم
ممكن الهوا بيتقلب في العربية أما تفتح الشباك فتحس بالريحة
يا إما الشكمان مشروخ