ممكن افادتى فى حل هذه المشكلة ومعرفة السبب

[عماد]

السلام عليكم ورحمة الله وبركاته
انا عربيتى هيونداى اكسنت ١٥٠٠ cc انجيكشن
فجأة وانا رايح الشغل بعد ٢٠ كم لقيت العربية برجلت وكأنها متلته وهاتبطل والعربية سخنت ومية القربة بتغلى اتجننت وقولت ايه اللى حصل ولما روحت الشغل وفتحت الكبوت لقيت كمان مروحة التكييف شغالة كمان من غير ما أشغل التكييف ( انا عارف انها بتشتغل طوارىء كمان ) سيبت العربية تبرد ونزلت بعد ساعتان لقيت المية نقصت كتير علما بأنى لسه شارى رادياتير جديد من ١٠ أيام وغطاء رادياتير
والنهاردة الصبح بصيت على الميه كانت زى الفل قبل ما أروح الشغل
المهم زودت مية وانتظرت اشوف ايه الموضوع لقيت العربية زى الفل مفيش برجلة والمروحة تشتغل وتفصل تمام قفلت العربية وانتهى ميعاد الشغل نزلت بصيت على المية تمام توكلت على الله على البيت ٢٥ كم من الشغل
وقبل ماأوصل للبيت لقيت العربية برجلة اوى وبدأت تسخن المؤشر مش بيعدى النصف خالص بس المروحة مش بتفصل خالص والقربة بتغلى والموتور مبرجل خالص
انا مش عارف العيب ده
طلمبة مياة ام عيب فى البوجيهات علما بأنى لسه عامل تغيير سرفيس كامل للعربية من اسبوعان ام موبينة ام بوجية فيه مشكلة
مش عارف اعمل ايه ارجوكم قولولى انا مش عايز اروح للميكانيكية يشتغلونى وعقبال مايوصل اكون دفعت دم قلبى واحنا داخلين على مصاريف المدارس الخاصة

[د.معتز ماجد]

وعليكم السلام يا استاذ عماد

اللي بتقوله حضرتك معناه ان في مشكلة في تنظيم دورة المية...بس هل العربية سخنت والمؤشر الحرارة رفع معاك ؟
وهل لما سخنت حضرتك بتقول مشيت عليها لغاية ما وصلت الشغل والمية بتغلي ...بصيت علي الزيت ؟
ولما حضرتك زودت مية ..كانت العربية شغالة ولا مبطلة ؟
والعربية دلوقتي وضعها ايه ؟

مؤشر الحرارة شغال ولا لا ...

[borio1704]

أتوقع المشكلة من الرادياتير الجديد.. أو من تركيب الرادياتير .. بدليل إن المية نقصت بكمية كبيرة

ده معناه إن عندك تسريب كبير في الدايرة... والعربية لما برجلت ما كانش فيه مية موجودة تقريبا في الدايرة.

احتمال كبير يكون عندك خرطوم من خراطيم الرادياتير مش مربوط كويس... أو ممكن يكون الرادياتير نفسه فيه تسريب.

للأسف .. الوضع ده احتمال كبير يدخلك في جوان وش سلندر.. لازم تروح تكشف عن ميكانيكي كويس.


...

انت بعد ما غيرت الريداتير الصنايعي اخد هواء من دورة التبريد؟
ترموثتات الكوعه اخبارها ايه ؟
بص علي الزيت وشوفه عامل ايه

[عماد]

وعليكم السلام يا استاذ عماد

اللي بتقوله حضرتك معناه ان في مشكلة في تنظيم دورة المية...بس هل العربية سخنت والمؤشر الحرارة رفع معاك ؟ الحمد لله مؤشر الحرارة تمام
وهل لما سخنت حضرتك بتقول مشيت عليها لغاية ما وصلت الشغل والمية بتغلي / وقفت نصف ساعة لغاية ماتبرد
...بصيت علي الزيت ؟ تمام
ولما حضرتك زودت مية ..كانت العربية شغالة ولا مبطلة ؟ زودت وهى شغالة

مؤشر الحرارة شغال ولا لا .. شغااال

والعربية دلوقتي وضعها ايه ؟
اولا اشكرك على المشاركة
الحمد لله ودتها للميكانيكى بعد ما أتصلت به وشرحتله كل حاجة قالى ده جوان وش السليندر وبالفعل روحتله كشف على البوجيهات لأن العربية كانت متلتة لقى بوجيه فيه ميه واكد انه جوان وش السليندر وقالى ان الموضوع لسه فى الاول ولما فك غطاء التكيهات شوفت الزيت مطحن على خفيف و الحمد لله اشتغل فيها وعديت عليه تانى يوم واخذتها والحمد لله عمل اللازم

[د.معتز ماجد]

وعليكم السلام يا استاذ عماد

اللي بتقوله حضرتك معناه ان في مشكلة في تنظيم دورة المية...بس هل العربية سخنت والمؤشر الحرارة رفع معاك ؟ الحمد لله مؤشر الحرارة تمام
وهل لما سخنت حضرتك بتقول مشيت عليها لغاية ما وصلت الشغل والمية بتغلي / وقفت نصف ساعة لغاية ماتبرد
...بصيت علي الزيت ؟ تمام
ولما حضرتك زودت مية ..كانت العربية شغالة ولا مبطلة ؟ زودت وهى شغالة

مؤشر الحرارة شغال ولا لا .. شغااال

والعربية دلوقتي وضعها ايه ؟
اولا اشكرك على المشاركة
الحمد لله ودتها للميكانيكى بعد ما أتصلت به وشرحتله كل حاجة قالى ده جوان وش السليندر وبالفعل روحتله كشف على البوجيهات لأن العربية كانت متلتة لقى بوجيه فيه ميه واكد انه جوان وش السليندر وقالى ان الموضوع لسه فى الاول ولما فك غطاء التكيهات شوفت الزيت مطحن على خفيف و الحمد لله اشتغل فيها وعديت عليه تانى يوم واخذتها والحمد لله عمل اللازم

عشان كده سألت حضرتك مشيت عليها وهي ساخنة ولا ...

الحمد لله انها جت علي اد كده ...خد بالك بس من الزيت والمية ...والا السخونة

تحياتي

[عماد]

اشكركم جميعا على المشاركة والمساعدة جزاكم الله مافيه خيرا لكم
الحمد لله زى ماقولت لسيادتكم ان المشكلة طلعت فى جوان وش السليندر وتم اصلاحها والان مياة الرادياتير ماشاء الله والزيت والتبريد ماشاء الله
اشكركم مرة تانية