الدبدبة الجامدة واستهلاك البنزين للنيو كارينز

[ahmed mousa]

السلام عليكم ورحمة الله وبركاته
الحمد لله اشتريت كارينز 2017 وكيل الفئة التانية وعندى بعض الملاحظات اللى مخليناى اقفل من العربية
اولا : استهلاك البنزين عالى حتى بعد ما عملت صيانة ال 1000 كم واشتكيت من الموضوع ده فى التوكيل وما خدتش منهم رد الاستهلاك بيوصل ل 13 لتر/100كم فى المتوسط مشى سريع وبطى
ثانياً : الواحد وهو ماشى بالعربية باحس بكل دبة فى الطريق وهزه جامدة مع انى زابط نيتروجين على 33 وبرده لما قولت الكلام ده فى التوكبل قالولى ده علشان العفشة رياضية والجنط ال17
هل دى مشاكل دائمة وشكوى من جميع الاعضاء المحترمبن وهل فيه حلول
شكراًًً

[adel1212]

مبروك على العربية و يارب تشوف معايا ايام هنية
- وزن العربية كبير و ده بيستهلك بنزين اكتر فى الاستخدام العادي وبيقل شوية مع مرور الوقت لغاية 5000 كم بيكون الاداء الافضل لاستهلاك البنزين (بس مش هيقل كتير اوي) وده شيئ طبيعى
- حاول تقلل ضغط الاطارات شوية 30-31 مثلا (عارف ان الصح 33) بس العيب في طروقنا الجميلة و بردوا اداء العفشة حيتحسن كتير مع الاستخدام
العربية رائعة جدا استمتع بها

[ahmed mousa]

مبروك على العربية و يارب تشوف معايا ايام هنية
- وزن العربية كبير و ده بيستهلك بنزين اكتر فى الاستخدام العادي وبيقل شوية مع مرور الوقت لغاية 5000 كم بيكون الاداء الافضل لاستهلاك البنزين (بس مش هيقل كتير اوي) وده شيئ طبيعى
- حاول تقلل ضغط الاطارات شوية 30-31 مثلا (عارف ان الصح 33) بس العيب في طروقنا الجميلة و بردوا اداء العفشة حيتحسن كتير مع الاستخدام
العربية رائعة جدا استمتع بها

الف شكرا يا باشا على رد سعادتك ويا رب العربية فعلا تزبط علشان الواحد مقلق جدا من النقط دى
واحد قالى غير لجنوط ل 16 هتحس بفرق كبير فى العفشة هلا ده صح وله ايه

[borio1704]

الف شكرا يا باشا على رد سعادتك ويا رب العربية فعلا تزبط علشان الواحد مقلق جدا من النقط دى
واحد قالى غير لجنوط ل 16 هتحس بفرق كبير فى العفشة هلا ده صح وله ايه

بردو مش للدرجة...

الأساس في المسألة دي هو مساعدين وسست العربية.. مش الكاوتش.

وعموما.. استهلاك البنزين بيبقى مضبوط أكتر لو ضبطت الضغط على البارد.. يعني قبل ما العربية تتحرك (بعد ركنة طول الليل).. ولو قللته استهلاك البنزين هيزيد

وبالنسبة للنيتروجين... مش بيفرق إلا بنسبة بسيطة جدا... ما يستاهلش تدفع فيه فلوس.


عموما.. بالنسبة لاستهلاك البنزين والدبدبة... فلازم تعرف كذا حاجة...


عربيتك 6 نقلات... وده معناه إن الأول بتاع العربية أبطأ من الأول بتاع أي عربية تانية 5 أو 4 سرعات...

فلو بتمشي على الأول كتير.. يبقى هتستهلك بنزين أعلى.

طيب إيه فايدة الـ6 نقلات كده... دول بيقولوا بيوفر في البنزين...!!!!!

هو بيوفر فعلا في البنزين أثناء التسارع أو تزويد السرعة .. لإنه بيخليك توصل للسرعة الثابتة في وقت أسرع.. ويختار النقلة الأصح والأنسب لسرعتك لو ماشي بسرعة ثابتة.


إنما في الزحمة... المسألة بالعكس.


تاني حاجة.. وزن العربية أعلى من قدرة الموتور..

علشان كده هتلاقي نفسك مضطر تدوس بنزين زيادة علشان تاخد تسارع معقول من العربية.... خصوصا على وضع D في الفتيس...

جرب تستخدم الوضع اليدوي في الفتيس (+/-).. خصوصا لو كنت ماشي بسرعة متوسطة (50-60).. وشوف فرق تسارع العربية.


تالت حاجة... العربية مش بتاعت جري... العربية عائلية أساسا.

دي حاجة لازم تحطها باستمرار في دماغك... العربية العائلية بتدور على القيادة الهادية اللي ما تخليش اللي راكبين معاك في العربية يتضايقوا... وكمان ثباتها مش هو الأولوية في تصميم العربية.. إنما الأولوية للمساحة والراحة الداخلية.

فمؤكد لو بتدور على عربية أداءها أسرع يبقى أكيد مش الكارينز... هاتلك سيدان.


رابع حاجة... عفشة العربية عاملة حسابها على اللي راكبين معاك.

يعني لو العربية بتدبدب وهي فاضية.. ده طبيعي لإنها مصممة إنها تستحمل الأوزان اللي هتبقى فيها لما كل أفراد العيلة يركبوا ومعاهم شنطهم وانت مسافر.



ولا حضرتك عايز العربية تعوم منك وانت معاك عيلتك؟؟؟؟



رأيي تعيد تفكير في طلباتك واحتياجاتك من العربية أصلا... لإن ده المفروض يكون سبب اختيارك أساسا... مش السعر ولا الشكل ولا الأوبشنز.


أنصحك تعدي على الموضوع ده:
http://www.nilemotors.net/Nile/329150-a.html


...

[salam100100]

اعتقد استهلاك البنزين هيتحسن معاك مع الوقت مش عشان العربيه بتلين لكن بسبب تاقلم حضرتك عليها

انا بفترض كدا عشان دا حصل معايا شخصيا- فالاول لسه مش حاسس بالعربيه بظبت ومش عارف امكانياتها ورد فعلها بالاخص انها اوتوماتيك وانا متعود على المانيوال فكنت متكتف فالجرى

بردو مش للدرجة...

الأساس في المسألة دي هو مساعدين وسست العربية.. مش الكاوتش.

وعموما.. استهلاك البنزين بيبقى مضبوط أكتر لو ضبطت الضغط على البارد.. يعني قبل ما العربية تتحرك (بعد ركنة طول الليل).. ولو قللته استهلاك البنزين هيزيد

وبالنسبة للنيتروجين... مش بيفرق إلا بنسبة بسيطة جدا... ما يستاهلش تدفع فيه فلوس.


عموما.. بالنسبة لاستهلاك البنزين والدبدبة... فلازم تعرف كذا حاجة...


عربيتك 6 نقلات... وده معناه إن الأول بتاع العربية أبطأ من الأول بتاع أي عربية تانية 5 أو 4 سرعات...

فلو بتمشي على الأول كتير.. يبقى هتستهلك بنزين أعلى.

طيب إيه فايدة الـ6 نقلات كده... دول بيقولوا بيوفر في البنزين...!!!!!

هو بيوفر فعلا في البنزين أثناء التسارع أو تزويد السرعة .. لإنه بيخليك توصل للسرعة الثابتة في وقت أسرع.. ويختار النقلة الأصح والأنسب لسرعتك لو ماشي بسرعة ثابتة.


إنما في الزحمة... المسألة بالعكس.


تاني حاجة.. وزن العربية أعلى من قدرة الموتور..

علشان كده هتلاقي نفسك مضطر تدوس بنزين زيادة علشان تاخد تسارع معقول من العربية.... خصوصا على وضع d في الفتيس...

جرب تستخدم الوضع اليدوي في الفتيس (+/-).. خصوصا لو كنت ماشي بسرعة متوسطة (50-60).. وشوف فرق تسارع العربية.


تالت حاجة... العربية مش بتاعت جري... العربية عائلية أساسا.

دي حاجة لازم تحطها باستمرار في دماغك... العربية العائلية بتدور على القيادة الهادية اللي ما تخليش اللي راكبين معاك في العربية يتضايقوا... وكمان ثباتها مش هو الأولوية في تصميم العربية.. إنما الأولوية للمساحة والراحة الداخلية.

فمؤكد لو بتدور على عربية أداءها أسرع يبقى أكيد مش الكارينز... هاتلك سيدان.


رابع حاجة... عفشة العربية عاملة حسابها على اللي راكبين معاك.

يعني لو العربية بتدبدب وهي فاضية.. ده طبيعي لإنها مصممة إنها تستحمل الأوزان اللي هتبقى فيها لما كل أفراد العيلة يركبوا ومعاهم شنطهم وانت مسافر.



ولا حضرتك عايز العربية تعوم منك وانت معاك عيلتك؟؟؟؟



رأيي تعيد تفكير في طلباتك واحتياجاتك من العربية أصلا... لإن ده المفروض يكون سبب اختيارك أساسا... مش السعر ولا الشكل ولا الأوبشنز.


أنصحك تعدي على الموضوع ده:
http://www.nilemotors.net/nile/329150-a.html


...

الف شكرا لحضرتك على الرد الوافى الحقيقة انا جايب العربية علشان السبع كراسى بس المشكلة انا بركبها كتير لوحدى فبحس بالدب الكتير

[acs]

الف مليون مبروك ياباشا
بالنسبة مش هتحس بتحسن حتى بعد فترة اللى ممكن يخليك تحسن بتحسن ان تفول من بنزينة محترمه تكون معروفة
دى انا ملحظها جامد جدا معاية
اما العفشة اعتقد لو جنط 15 مش هتحس بحاجة والنيتروجين بيفرق جامد بس مش بيبان الفرق الا فى الطرق المكسرة جامد

[m_zizo620]

طيب انا يا جماعه عربيتي ٢٠١٥ و مشكلتها معايا طبا باستثناء الدب بسسب الجنوط حاجتين الاولانيه خروج هوا سخن من فتحات التكييف مع المشي فتره حتى لو الجو بره حلو مع اني قافل زرار دخول الهوا من برا
المشكله التانيه ان في مسافه فاضيه ما بين التابلوه و البرابريز الامامي بتكتك في المطبات بطريقه رخمه لازم ازنقها بحاجه عشان اقلل منها هل حد عنده حلول