دليلك الشامل حول اول زياره عند صيانه منصور

[احمد عز]

اولا احب اشكر المهندس /محمود حنفى والمهندس / شريف على ناس بجد محترمه وعندها زوق عالى
ثانيا انا عملت الموضوع ده علشان يبقى مرجع لكل واحد حيروح الضمان اول مره وياريت يعجبكم الموضوع
اول حاجه عملتها اتصلت بخدمه العملاء بتاعت منصور ورقمها 16424 علشان احدد ميعاد وردت عليا وحده وسالتنى شويه اساله(رقم التليفون والموبايل رقم العربيه رقم الشاسيه الحاجلت الى بتشتكى منها فى العربيه ) وبعد كده حددتلى ميعاد وادتنى رقم الدور بتاعى قالتلى رقمك 17 وتكون هناك الساعه 1.5 وبالفعل رحت فى الميعاد والعنوان هو الهرم ال 4.5 طريق مصر اسكندريه الصحراوى ( على اليمين وانت جاى من الهرم ) وانا داخل كانوا سيبين خبر ان انا جى على الباب ولا اكنى داخل الوزاره وواحد كده سالنى انت رقمك كام قلتله اتاكد من الاسم ورقم العربيه وقلى اتفضل دخلت فى الاستقبال قبلنى المهندس محمود حنفى وعمل وكتب كل حاجه كنت عاوز اعملها فى العربيه وشاف كل حاجه انا بقول عليها وبعد كده قلى اعمل امر شغل دخلت مكان شيك جداااااا و اخدو منى كتاب الضمان الى بييجى مع العربيه وده شكله

وختم على صيانه ال5000 زى الى فى الصوره
]
وقلى استريح عقبال ما يخلصو العربيه
وادانى امر شغل من نفس المكان الى بيتختم فيه الضمان والامر زى ده مكتوب فيه كل حاجه انت عاوز تعملها فى العربيه
]
دخلت فى مكان محترم اخر حاجه وطربيظات وتليفيزيون بس خلى بالكو ممنوع التدخين بس فى شاى وقهوه ونسكافيه كله ببلالالالالالالالالالالالالاش
وعلى الساعه 4.15 جه واحد نده عليا وقلى تعالى شوف العربيه بسم الله ما شاء الله اتغيرت تمامااااااااااااااااااااا غسلوا الماتور كله بعد ما اشتغلو فيه من غير ما اقول لهم وده الماتور بعد التعديل

وظبطوا كل حاجه الحمد لله وجربت العربيه وكله تمام :k32: وبعد كده دخلت الحسابات دفعت الفلوس و متنسوش تخدوا تصريح الخروج علشان مش حيخرجوكوا
اما بالنسبه للفلوس انا دفعت 132 تغيير زيت موبيل وان 5000 كيلو وفلتر وضريبه وبعد كده استلمت العربيه من المكان ده
]
وكلمت المهندس شريف وانا هنا وقابلته هو انسان محترم جدا ربنا يباركلو
طبعا كل واحد وهو رايح يشيل اى حاجه مهمه من العربيه علشان ميحصلت موقف من لطيف ولى حاجه وبعدين اهم حاجه كمان وهو ده الموضوع كله متنسوش كتاب الضمان الى موجود فوق فى الصور علشان من غيره مش حتعرف تعمل اى حاجه
ارجو الا اكون طولت عليكم واى حد عنده اى استفسار يتفضل وانا ان شاء الله حرد عليه

[patshi]

احمد باشا.. انت بجد راجل تمام و ربنا يوفقك و يكرمك علي كل حاجه .. بجد موضوع تمام و جامد و شيك .. و الحمد لله ان ربنا وفقك في التوكيل و الف مبروك علي اول صيانه و بسم الله ماشاء الله الموتور شكله بيبرق :>.. ربنا يحفظهالك و يصونهالك و يكفيك شرها ...

[shady_elkady]

صدقنى من تجربى الكتيرة مع الناس الى جوا التوكيل دة كلهم كويسين المشكلة الكبير فى الورشة و الصنيعية الى جوا انت يمكن علشان لسا محصلتلكش مشكلة حاسس ان كل حاجة وردى لكن لسا يعنى لو عندك مساعد ضارب الصنيعى هوا الى بيقرر دة يتغر و لا و طبعا دة مش لله

[احمد عز]

احمد باشا.. انت بجد راجل تمام و ربنا يوفقك و يكرمك علي كل حاجه .. بجد موضوع تمام و جامد و شيك .. و الحمد لله ان ربنا وفقك في التوكيل و الف مبروك علي اول صيانه و بسم الله ماشاء الله الموتور شكله بيبرق :>.. ربنا يحفظهالك و يصونهالك و يكفيك شرها ...

ربنا يخليك يا باشا على كل الكلام الجميل ده وعقبالك كده ان شاء الله لمى تروح تعمل الصيانه و ربنا يوفقق فيها

[احمد عز]

صدقنى من تجربى الكتيرة مع الناس الى جوا التوكيل دة كلهم كويسين المشكلة الكبير فى الورشة و الصنيعية الى جوا انت يمكن علشان لسا محصلتلكش مشكلة حاسس ان كل حاجة وردى لكن لسا يعنى لو عندك مساعد ضارب الصنيعى هوا الى بيقرر دة يتغر و لا و طبعا دة مش لله

اولا شكرا يا باشا على الرد بس انا شايف ان كل الحاجات الى كنت بشتكى منها راحت خالص ذى
1- تقل فى الفيتيس (يعنى لمى باجى انقل مش بتنقل على طول لازم احاول كذا مره )
2- لمبه الاتشك (كل ما اعمل مشوار محترم يعنى مسافر الاسكندريه تنور لوحدها وتقفل لوحدها من غير اى سبب)
3-عداد لفات المحرك RPM (كان كل شويه بتعلى لوحده من غير ما ادوس بنزين ولا اى حاجه )
4- كان صوت العربيه عالى اوى
كل ده الحمد لله اتحل تماما وبعد ما خلصت الصيانه اخت العربيه وطلعت بيها على اكتوبر علشان اجربها لقتها تمام الحمد لله ممكن تكون المشكله الى عندك كبيره

[M.Mokhtar]

منصور من التوكيلات اللى لسه بتحاول تحترم عملائها
وبجد بيحاولوا يطوروا من نفسهم
بس ايام ما كنت بروح ماكنش الشاى والنسكافيه ببلاش :(

الف مبروك ياباشا الموتور شكله تحفه ونظيييف جدا

[hazem76kd]

الف مبروك يا احمد باشا وشكراً جداً على المجهود انت شجعتنى اروح الصيانة انا كنت شايل هم اليوم ده بس معندكش فكرة ممكن يصينوها قبل اتمام ال5000 ولا لازم تتمهم

[fady.bekatcho]

الف مبروك يا غالى على الصيانة

عقبالنا كدة لما نروح نشرب الشاى والنسكافية :b4_033:

[hulk]

مبروك عليك يا باشا :)
وزى ما قولتلك انتا فعلا انسان محترم جداااا
وبجد مجهود رااائع ف الموضوع جزاك الله كل خير على كل الى عملتة
بس انا عاوز اسأل زى الاخ الى قال هل لو ممكن عندى مشكلة وعامل 2000 كيلو مثلا ممكن اروح الصيانة ولا لاء ؟
كمان الموضوع الى اثرتة قبل كدة من انى اركب انزار او سنتر او العب ف الدفيرة او مغير الجنط ؟؟ هل كل دة يخرجنى برة الضمان ! ولا الاجزاء الى انا لاعب فيها بس هية الى هتخرج؟ ... سؤال تانى انا عندى الزيت قليل جداااااا ف القياس علية وضح انة على العلامة الى تحت خالص هل دة طبيعى ولا لازم الزيت يكون max
ولتانى مرة بشكرك جداااااااا على الموضوع

[احمد عز]

منصور من التوكيلات اللى لسه بتحاول تحترم عملائها
وبجد بيحاولوا يطوروا من نفسهم
بس ايام ما كنت بروح ماكنش الشاى والنسكافيه ببلاش :(

الف مبروك ياباشا الموتور شكله تحفه ونظيييف جدا

عندك حق يا M.Mokhtar باشا على الى كنت بسمعه كان مكان مش كويس الى الناس بتقعد فيه وكان الصيانه بتاعت النقل والملاكى فى مكان واحد اما دلوقتى فصلوهم ومعامله كويسه اخر حاجه

[KHALED AYMAN]

طيب يا جماعه انا عربيتى استرا (ضمان منصور عشان كده بكتب هنا) و مش لاقى معاها كتاب الضمان ده او جايز هو مش جاى معاها مش عارف بس انا بروح اعمل صيانه و كل حاجه و كمان فى حاجات غيرتها فى الضمان زى الفوانيس بدون ميطلبو كتاب الضمان؟؟؟؟؟
و المشكله انى كنت بسال المهندس شريف (فعلا لراجل محترم) على هل عربيتى ليها ضمان ضد الصدا ولا لا قالى مكتوب فى كتيب الضمان ؟؟؟؟؟؟؟؟

[احمد عز]

الف مبروك يا احمد باشا وشكراً جداً على المجهود انت شجعتنى اروح الصيانة انا كنت شايل هم اليوم ده بس معندكش فكرة ممكن يصينوها قبل اتمام ال5000 ولا لازم تتمهم

الله يبارك فيك يا باشا والله انا برده كنت خايف اروح :k40:من كتر الكلام الى انا سمعته بس الحمد لله عدت على خير وعقبالك ان شاء الله اما بالنسبه للصيانه بيكون العربيه معديه ال4500 فما فوق يعنى مترحش وانت عامل 2000 علشان صيانع ال5000 بس لو فيها اى حاجه ممكن تروح قبل الميعاد عادى

[Hosam_Optrawy]

ابن حلال لسه النهارده عامل صيانة ال 5000 واول مره اروح طبعا
وكنت ناوى اعمل موضوع كويس اديك وفرت عليا :)
انا عملت زيك بالظبط تقريبا نفس الخطوات
كلمت 16424 وحجزت ميعاد الساعه 2 ورحت وسلمت العربيه للمهندس هانى عادل
رجل محترم اوى بجد وكتب اللى هاعمله فى العربيه
وهو بس صيانة ال 5000 وتغيير زيت موبيل 1 10000
ودخلت جبتله امر شغل وابتدا فيها 2 وربع ودخلت قعدت فى الاستراحه وشربت شاى ببلاش :)
المفاجاه بالنسبه ليا ان العربيه خلصت 3 وربع !! مكنتش مصدق
دخلت جوا عشان ادفع والذى منه اخدت حوالى ربع ساعه ودفعت 276 ونص دول تمن الزيت والفلتر
وختمت الضمان
وكنت 3 ونص ماشى من هناك مكنتش مصدق السرعه دى
بجد من انضف واشيك واحسن التوكيلات

[احمد عز]

طيب يا جماعه انا عربيتى استرا (ضمان منصور عشان كده بكتب هنا) و مش لاقى معاها كتاب الضمان ده او جايز هو مش جاى معاها مش عارف بس انا بروح اعمل صيانه و كل حاجه و كمان فى حاجات غيرتها فى الضمان زى الفوانيس بدون ميطلبو كتاب الضمان؟؟؟؟؟
و المشكله انى كنت بسال المهندس شريف (فعلا لراجل محترم) على هل عربيتى ليها ضمان ضد الصدا ولا لا قالى مكتوب فى كتيب الضمان ؟؟؟؟؟؟؟؟

اولا حضرتك تنور فى المنتدى فى اى وقت
ثانيا بالنسبه لكتاب الضمان حضرتك ممكن تروح منصور الى فى شارع جامعه الدول العربيه ومعاك الرخصه وهم هناك حيدوك الكتاب مش مشكله خالص

[احمد عز]

ابن حلال لسه النهارده عامل صيانة ال 5000 واول مره اروح طبعا
وكنت ناوى اعمل موضوع كويس اديك وفرت عليا :)
انا عملت زيك بالظبط تقريبا نفس الخطوات
كلمت 16424 وحجزت ميعاد الساعه 2 ورحت وسلمت العربيه للمهندس هانى عادل
رجل محترم اوى بجد وكتب اللى هاعمله فى العربيه
وهو بس صيانة ال 5000 وتغيير زيت موبيل 1 10000
ودخلت جبتله امر شغل وابتدا فيها 2 وربع ودخلت قعدت فى الاستراحه وشربت شاى ببلاش :)
المفاجاه بالنسبه ليا ان العربيه خلصت 3 وربع !! مكنتش مصدق
دخلت جوا عشان ادفع والذى منه اخدت حوالى ربع ساعه ودفعت 276 ونص دول تمن الزيت والفلتر
وختمت الضمان
وكنت 3 ونص ماشى من هناك مكنتش مصدق السرعه دى
بجد من انضف واشيك واحسن التوكيلات

الف مبروك يا باشا انا لو كنت اعرف كنا رحنا مع بعض بس تتعوض ان شاء الله المره الى جايه