اعلان مقابلة شهر ديسمبر العامة للأعضاء نايل موتـورز

[الإداره]

بسم الله الرحمن الرحيم

السادة أعضاء نـايـل مـوتـورز الكرام، تحية طيبة وبعد...

لقد تقرر اجراء المقابلة الشهرية للمنتدى للشهر الجاري "شهر ديسمبر" يوم الجمعة الموافق 26-12-2008 وذلك لاتاحة الفرصة لأكبر عدد من الأعضاء للحضور بعد انقضاء عيد الأضحى المبارك اعادة الله علينا دائماً بالخير واليمن والبركات.

لقد تقرر اقامة المقابلة بكافيتيريا الربوة خلف موقف اتوبيسات النقل العام بزهراء مدينة نصر. يقام اللقاء في الساعة الثانية والنصف ظهراً ولا يوجد موعد محدد لنهايتة.

سيكون برنامج اللقاء باذن الله كالتالي:

1- من الساعة الثالثة يستطيع الأعضاء اجراء اختبارات قيادة - بعد الاتفاق مع مالكي السيارات بالطبع - وذلك حتى الساعة الرابعة عصراً.

2- بعد الانتهاء من تجارب القيادة سيجرى نقاش حول السيارات التي تم نجربتها من الجميع من الممكن بعد ذلك سرد مواضيع على صفحات المنتدى بنتائج تلك التجارب بشكل عام.

3- عند الساعة الخامس مساءً سنقوم جميعاً باذن الله بتناول احد اهم المواضيع المطروحة على الساحة في الاونة الاخيرة الا وهو "أسعار السيارات بمصر ومستقبل سوق السيارات المصري".

4- رابعًا سنقيم احد الأنشطة الجديدة الا وهي تناول خبرات مالكي سيارات مصنعة من قبل شركة محددة، فسنستمع لتجاربهم مع السيارات التي تنتجها الشركة ونعرف منهم انطباعهم عنها وخبراتهم ةتجاربهم سواء مع التوكيل أو مراكز الصيانة، ولقد قمنا بتحديد شركة "رينو" هذه المرة على أن يطرح الموضوع للاستفتاء في المرات القادمة باذن الله.

5- خامساً واخيراً نقاش اجتماعي حر بين الاعضاء للتعرف على بعض اكثر.

واخيراً وجب علينا تمني التوفيق لزملائنا الطلبة حيث سيكون الكثير منهم يجرون امتحانات نصف العام الدراسي.

كما نحب توجية دعوة خاصة لاعضاء المنتدى من مالكي سيارات رينو ليشاركونا خبراتهم.

الدعوة عامة....

(إ.م.2)

[مصراوي جدا]

جاي باذن الله

اجمل حاجه وجود جدول أعمال للمقابلة

[Nile_Storm]

هجي باذن الله بس ليا بعض التعقيبات
ليه المره دي مكنش فيه تصويت عن معاد اللقاء كالعاده " كان بيكون افضل علشان نوصل لمعاد يرضي الكل و نراعي ظروف بعض و كده " مع العلم ان زي ما مكتوب انه فيه ناس مش هتقدر تيجي علشان الامتحانات يبقي ليه نحدد معاد و احنا عارفين ان فيه ناس كتير مش هتجيه ؟؟

ثانيا فكره تناول شركه معينه جيده بس ليه اخترتهم رينو مش كان احسن يتم التصويت خصوصا ان الاخوه المواظبين علي حضور المقابلات من رينو مش كتير علي عكس بعض الماركات الاخري مثل ااوبل او ميتسوبيشي او دايهاتسو او هيونداي

ثالثا ليه المره دي كان الاعلان باكونت الاداره ماطول عمرنا متعودين التنويه يكون عن طريق نادر او كريم منير و كان بتبقي Friendly اكثر بدلا من اللون الاحمر و " لقد تقرر " " و تحدد " و الكلام ده

دي مجرد ملحوظات مش اكتر حبيت اقولها
______________
هل ترى الموضوع عدائي عند طرحة باسم ادرة المنتدى؟
(إ.م.2)

[Sharky]

إن شاء الله موجود فى المقابلة

[KoDaK_Gti]

يا ادارة لو سمحتو معاد 26 و27 الشهر ده الاوتوكروس
ايه الحل ؟؟

_____________
اول وثاني جمعة معظم الاعضاء هيكونوا مسافرين او بيقضوا اجازة العيد مع اهلهم وبعد العيد هيكون في امتحانات العملي ووالميد ترم لطلبة. عموماًمقابلة شهر يناير ستكون في اول الشهر باذن الله وموعد المقابلة ممتد حتى المساء حتى يتمكن اكبر قدر من الاعضاء الحضور.
(إ.م.2)

[د.محمود صلاح]

جدول ممتاز وأهداف محددة للقاء ,, كان فين من زماان الكلام ده

[abdelaziz-waleed]

ياه انا هاوصل مصر يوم 25 يالليل ان شاء الله
ان شاء الله اكون موجود معاكم

[ضيف]

تحية تقدير و إعزاز لما تقوم به الإدارة من مجهودات لما فيه المصلحة العامة و ما قد يترتب عليه من تقارب في وجهات النظر في اللقاء (أثناء اللقاء أعتقد توضيح بعض وجهات النظر قد تكون أفضل من الكتابة بوجه عام من خلال الإنترنت),و بالتالي يخرج الجميع (غالبا) بجو يسوده الدفء و المودة.
للإدارة مني تحياتي و للسادة الأعضاء.

[Nader]

هجي باذن الله بس ليا بعض التعقيبات
ليه المره دي مكنش فيه تصويت عن معاد اللقاء كالعاده " كان بيكون افضل علشان نوصل لمعاد يرضي الكل و نراعي ظروف بعض و كده " مع العلم ان زي ما مكتوب انه فيه ناس مش هتقدر تيجي علشان الامتحانات يبقي ليه نحدد معاد و احنا عارفين ان فيه ناس كتير مش هتجيه ؟؟

ثانيا فكره تناول شركه معينه جيده بس ليه اخترتهم رينو مش كان احسن يتم التصويت خصوصا ان الاخوه المواظبين علي حضور المقابلات من رينو مش كتير علي عكس بعض الماركات الاخري مثل ااوبل او ميتسوبيشي او دايهاتسو او هيونداي

ثالثا ليه المره دي كان الاعلان باكونت الاداره ماطول عمرنا متعودين التنويه يكون عن طريق نادر او كريم منير و كان بتبقي Friendly اكثر بدلا من اللون الاحمر و " لقد تقرر " " و تحدد " و الكلام ده

دي مجرد ملحوظات مش اكتر حبيت اقولها
______________
هل ترى الموضوع عدائي عند طرحة باسم ادرة المنتدى؟
(إ.م.2)

المقابلة العامة علشان لازم تكون يوم جمعة فمكانش هينفع تتعمل في ايام تانية علشان الاعياد والامتحانت كل سنة وانت طيب وكمان انت عندك مقابلة هيونداي يوم 5 وبعدين العيد وبعدين مقابلة بيجو تقريباً او مش فاكر مين، الشهر دة كومبلية :)

[human]

شغل ممتاز و بروفيشنال و يبسط بجد
ز مبسوط من حكايه الرينو طبعا
و مافيش مشكله الاداره او اى حد يقول
المهم المعلومه توصل
و انا شايف ان كده Professional

[Medos]

الميعاد مناسب جدا و خاصة انه بعد الاعياد
و جدول ممتاز من ادارة محترمة
و مش فارق فعلا يكون من الادارة او غيره المهم المعلومة توصل

معاكم فى المقابلة ان شاء الله

[Nile_Storm]

انا مقلتش انه عدائي
هناك فرق بين كون الخطاب formal او كونه friendly
و احنا هنا اصحاب و ليه في شركه لكي يكون الخطاب formal
و بعدين انا بتكلم في شئ كان معتاد في المنتدي من ساعه اول مقابله مش حاجه جديده بخترعها
اما بالنسبه للمواعيد الكومبليه نادر باشا فدي مقابلات فرعيه سواء هيونداي او بيجو يعني الميعاد الاساسي للمقابله يتم دراسته
و باقي روابط مشجعي الماركات توضب نفسها عليه لاننا لو عملنا كده مش هنعمل مقابله واحده يقبل عليها الاعضاء لان ماشاء الله الروابط كتير و كل اسبوع فيه رابطه مجتمعه

هو ايه الي اساسي مقابله المنتدي و لا المقابلات الفرعيه

عامه براحتكم قبل ما ابقي انا اللي مبوظ الدنيا

[Nile_Storm]

:QUOTE=Medos;532327]الميعاد مناسب جدا و خاصة انه بعد الاعياد
و جدول ممتاز من ادارة محترمة
و مش فارق فعلا يكون من الادارة او غيره المهم المعلومة توصل

معاكم فى المقابلة ان شاء الله[/QUOTE]

اخ ميدوس اذيك
بقالي كتير مشفتش مشاركاتك من ايام الشكاوي

منتظر اتعرف عليك شخصيا مادام الميعاد مناسبك


بالنسبه لموضوع رينو ارجو بعد كده يبقي فيه تصويت عاوزين تمشوها رينو رينو ماشي
منتظرين برنامج جامد من شاركي

[human]

لو حد من الاعضاء اللى قال الميعاد و اعلن عنه كانوا قالو ليه هو مافيش اداره و لما الاداره تقول يبقى الحكايه فورمال و مش فريندلى

الحكايه بقت حلزونيه خالص

نكبر دماغنه شويه مش هيفرق مين
و بعدين اختارو رينو خلاص ممكن نعمل اقتراح ان الموضوع يكون بالتشاور بعد كده و التصويت و خلاص

و روقوا المهم نشوف الناس الحلوه و نتعرف على بعض

المشاكل كلها ثانويه و مالهاش لازمه

[Nile_Storm]

استاذ human اولا انا مش معترض و الحكايه مش حلزونيه ولا حاجه
الموضوع مش كبير زي مانت متصور

الحكايه بس لو حضرتك تابعت المقابلات السابقه كان احد اعضاء الاداره يعمل الموضوع و يحط المواعيد المقترحه و نتفق كلنا

حوار الفورمال ده يمكن لاني اعرف كل اعضاء الاداره تقريبا و علاقتي بهم جيده فاستغربت طريقه تحديد الميعاد


و بانتظار التعرف عليك ياباشا في المقابله