عيب موتور في كيا ريو ٢٠١٢

**Hassan Ghoz** · 20-10-2016 03:30 AM

السلام عليكم
عربيتي كيا ريو ٢٠١٢ ماشيه ٤٨ الف و عامل صيانه ال ٤٠ الف ف التوكيل ... العربيه كانت تمام و الزيت و كل حاجه تمام ... فجاه في صوت في الموتور .. طلعت تاني يوم علي التوكيل و قالي هتبات العربيه عشان افحصها فسبتها .. تاني يوم بيكلمني بيقولي في عيب ف الموتور و محتاجين نفكه .. قلتله فك .. بعدها قالي ده عيب موتور و قالي انا عملت اوردر بالموتو. و هيجي من كوريا و الكلام ده من شهر و كل ما اكلم المهندس يقولي الحاجه مجتش و ما يعرفش هتيجي متي .. دلوقتي انا حقوقي ايه كمستهلك و اعمل ايه مع التوكيل و المفروض اروح لمين ف التوكيل كده و حوار العربيه البديله اللي باخدها لحد ما يخلصوا تصليح ؟

**lidosasa** · 20-10-2016 03:59 PM

أكيد هما مستلمين منك العربية بورق ويا سلام لو فيه ورقة بتقول إن الموتور فيه عيب صناعة . تقوم واخد الورق ده وطالع على أقرب فرع لجهاز حماية المستهلك تسجل شكوى .. الجهاز بدوره بيفحص الشكوى ولو لم يتم حلها بيحيل التوكيل لنيابة الشئون المالية والتجارية المختصة ولو إستمرت المشكلة النيابة بتحيل المسئول عن التوكيل إلى المحكمة الإقتصادية وحضرتك وقتها ممكن تحضر وتطالب بالتعويض

**gebreel** · 20-10-2016 06:48 PM

المفروض لو هتتاخر يدوك عربية بديله، على الاقل في رينو لو العربية هتاخد اكثر من اسبوعين بسبب تأخير من عندهم او قطعه غيار مش موجودة بيدوك عربية ثانية من نفس الفئة بديله