تظبيط البيتلز فين وبكام؟؟

[drramisalama]

لوسمحتم يا جماعة كنت عايز اسال شوية حاجات عن البيتلز
معلش جديد بقى:)
انا مشوارى للشغل 50 كيلو على الطريق الزراعى يوميا
هل البيتلز تستحمل المشوار دة ؟ ولا تسخن او تعطل منى فىالطريق
عموما انا ناوي اعملها تجديد
واية اخبار قطع الغيار متوفرة فين واسعارها

مش مهم الفلوس بس عابز حاجة نظيفة بجد

اسعار الحاجات دى كام و عند مين

موتور1500 استيراد حالة ممتازة

سمكرة ودوكو
عفشة سبور تنفع للبيتلز
تظبيط كهربا
جنوط سبور وكاوتش عريض (بلاش صينى) ومقاسهم كام انسب حاجة
فرش داخلي (سقف - ابواب -دواسات- كراسى جديدة -شنطة)
لو ممكن تعديل الفوانيس الامامية(رينج+عدسة) فين وبكام

معلش طولت عليكم بس انا عايز عربية شكلها شبابي واداءها كويس

مشكووووووووووور للجميع

[ابوهاشم]

انصحك تنزل السوق ودور على بيتلز فيها كل اللى انت عاوزه واشتريها جاهزه من غير تكاليف

[ahit]

لوسمحتم يا جماعة كنت عايز اسال شوية حاجات عن البيتلز
معلش جديد بقى:)
انا مشوارى للشغل 50 كيلو على الطريق الزراعى يوميا
هل البيتلز تستحمل المشوار دة ؟ ولا تسخن او تعطل منى فىالطريق
عموما انا ناوي اعملها تجديد
واية اخبار قطع الغيار متوفرة فين واسعارها

مش مهم الفلوس بس عابز حاجة نظيفة بجد

اسعار الحاجات دى كام و عند مين

موتور1500 استيراد حالة ممتازة

سمكرة ودوكو
عفشة سبور تنفع للبيتلز
تظبيط كهربا
جنوط سبور وكاوتش عريض (بلاش صينى) ومقاسهم كام انسب حاجة
فرش داخلي (سقف - ابواب -دواسات- كراسى جديدة -شنطة)
لو ممكن تعديل الفوانيس الامامية(رينج+عدسة) فين وبكام

معلش طولت عليكم بس انا عايز عربية شكلها شبابي واداءها كويس

مشكووووووووووور للجميع

السلام عليكم و رحمة الله و بركاته
أخى العزيز
ربنا إن شاء الله يقدرك و تجيب العربية اللى فى بالك و يباركلك فيها

على العموم ممكن تشوف الموضوعين دول و تشاركنا بأسألتك و مقترحاتك

عشاق و مالكى البيتلز بالمنتدى

أفضل صنايعية للبيتلز

بالنسبة لموضوع إنها تستحمل مشوارك فهى إن شاء الله تستحمل طبعاً و أحب أقول لحضرتك إنى و الحمد لله و ما شاء الله بروح بيها إسماعيلية رايح جاى فى نفس اليوم و 4 مرات فى الأسبوع.
أيضاً البيتلز ما شاء الله فى قوة تحملها و صبرها و متانتها
قطع غيارها أغلى بشىء بسيط جداً عن الفيات فى بعض المكونات و البعض الآخر أرخص أحياناً من الفيات و دا عن تجربة
و قطع الغيار متوفرة جداً عند ناس كتيير و كمان فى الوكالة و فى شارع فيصل و الجيزة و التوفيقية و غيرها
المواتير أسعارها حسب الحالة و حسب السعة اللترية ( 1200-1300-1500-1600 ) و بتكون فى رنج 2500 جنية إلى 4000 جنية للإستيراد و كمان فى مواتير جديدة ممكن توصل إلى 20000 جنية و لا تقل عن 17000 جنية
المواتير موجودة فى الوكالة و فيصل و بور سعيد و جسر السويس

و لكن ليه 1500cc بالتحديد ؟؟؟

أما باقى الأسئلة تتوقف إجابتها على حالة السيارة و نوعها كموديل ( يعنى عفشة ولا دنجل ) و حسب حالة الصاج و حسب زوقق و إمكانياتك و كمان حسب المكان اللى بتشترى منه

و أرجو إنى أكون أفدتك
و مرحباً بيك عضو جديد معانا فى النايل موتورز و فى أصدقاء البيتلز
و شكراً

[amrvw]

hالسلام عليكم
اااهلا بيك فى نادى اصدقاء البيتلز
طبعا انا ميكانيكى متخصص بيتلز
بالنسبه لموضوع انك تمشى بيها 50 كيلو كل يوم مافيش اى مشكله وهى البيتلز اصلا بترتاح اكتر فى المشواير الطويله والطرق المفتوحه لانها كل لما تجرى كل لما يكون التبريد افضل طبعا انت عارف انها تبريد زيت داخلى وهوا انت بتلاحظ ان العربيه بتبقى مرتاحه من ورا وهى بتجرى وده بيخلى الماتور يستقبل الهوا من تحت والجناب والزيت بيبرد من خلال التوربين الداخلى غير ان العربيه البيتلز هى الوحيده بتنين وش سلندر كل وش مستقل ب2 بستم طبعا اتنين بستم على الجنب اليمين واثنين على الجنب الشمال ده نفهم منه ان الحرارة اللى طالعه من 2 بستم بتكون اقل بكتير لما تكون حرارة طالعه من 4 بستم على وش سلندر واحد ده اللى بيكون فى العربيات التانيه
غير ان المعدن اللى بيتصنع منه ماتور البيتلز هو المونيوم صواريخ وده ضد السخونه وبيفقد الحرارة بسرعه فائقه
المفيد من الكلام انسى ان البيتلز تكون بتسخن مادام الماتور مظبوط
سافر بيها ياعم كل يوم لاسكندريه وماتخافش
لو عايز عربيه كويسه انا بحكم شغلى فيها بيقع قدامى عربيات كويسه كلمنى وقولى طلبك بس تصبر عليا شويه اجيبلك ان شاء الله عربيه كويسه

[drramisalama]

متشكر جداااااا يا جماعة مش عارف اشكركم ازاى
مكنتش متوقع الرد بالسرعة دى
وكمان الناس فى منتهى الذوق
واضحة كدة اي حد بيحب البيتلز بيحب الناس اللي بتحبها كمان:k10:

[ihab]

يا ترى وصلت لايه فى العربية طمنا

[ihab]

تقريبا صاحب الموضوع هاجر خلاص و مشى

[ابوهاشم]

هو ايمن كده
يفتح الموضوع من دول وبعد كده يسيبو من غير مايقولنا عمل ايه ووصل لايه
ياريت ياايمن باشا تقولنا عملت ايه وايه اخبار العربيه
ونتمنى نشوفك يوم الجمعه

[hoda3010]

عاوز اعرف ازاي اركب كابل امبير السرعة

[ابوهاشم]

انا رديت علي حضرتك فى الموضوع التانى

[hoda3010]

يا جماعة عاوز اتعلم تركيب كابل عداد السرعة بنفسي عربيتي موديل 64

[hoda3010]

يا استاذ ابو هاشم عاوز اتعلم تركيب كابل عداد السرعة بنفسي لو سمحت موديل 64 وياريت لو فيه رسم بياني

[hoda3010]

يا استاذ احمد حسن وسالم وحسيني وابوهاشم عاوز اتعلم تركيب كابل عداد السرعة بنفسي لو سمحتم موديل 64 وياريت لو فيه رسم بياني

[hoda3010]

ايه يا جماعة محدش عاوز يساعدني

[ahit]

للأسف مش هاقدر أفيدك يا أخى الكريم
لأنى ماركبتوش بإيدى قبل كده
لكنه تركيبه سهل من ناحية الأمبير لكن من ناحية العجل بيركب فى الطبق و بعدين فى الصاموله الخاصة بيه.
و ممكن تريح نفسك و تروع لأى ميكانيكى يركبهولك أول مرة و بعدين تشوفه بيركبه إزاى و ممكن تفكه بعد كده و تركبة بنفسك تانى