إعـــــــلان

Collapse

.

,
See more
See less

محتاج استشاره من الكبار لان دى اول مره اشترى عربيه زيرو

Collapse
X
 
  • Filter
  • الوقت
  • Show
Clear All
new posts

  • محتاج استشاره من الكبار لان دى اول مره اشترى عربيه زيرو

    اولا انا لا استطيع ان اشكر كل اعضاء المنتدى و الكبار لان الشكر مش كفايه
    ثانيا انا انشاء الله هستلم الجين2 خلال الاسبوع ده مانيوال وبصراحه دى اول تجربه لى مع الزيرو ومش عارف المفروض اجرب ايه وبص على ايه و اسأل على ايه وايه المنيوال اللى بستلمه ده
    ثالثا ياريت لو فى حاجه المفروض اعلمها ياريت حد يقول لى
    واخيرا وليس اخرا وكما قلت مش كفايه كلمه شكرا عليكم
    :k10:

  • #2
    اولا .. الف مبروك و ربنا يبارك لك فيها ..
    ثانيا : مادام انت هتشترى زيرو يبقي اكيد فى ضمان 3 سنين او 100.000 كيلو على ما اعتقد ...يبقي خايف من ايه اى حاجه هتحصل فى العربية عندك التوكيل على طول فمتخافش ..
    وفى كمان صيانه ال 5000 كيلو وكده .. هتكشف على العربية ولو فيها حاجة هتتصلح على طول ...
    بس انت خلى بالك من العربية ومن السواقة والالتزام وكله هيبقي تماام ...
    اما بقي بالنسبة لعيوب التقفيل والحاجات دى ... يعنى تلاقى زجاج العربية بيتهز بعد سرعة معينه ولا خامات الصالون مش عاجباك ولا اى حاجة .. فمالكى السيارة اللى هيفيدوك فيها .. وان شاء الله متقابلش حاجه من دى خالص ..

    Comment


    • #3
      أولاً الف مبروك، و الأكيد إن شاء الله إنك هتدخل في تجربة ممتعة (بغض النظر عن نوع العربية ) بامتلاكك عربية زيرو و في الغالب هيصبح الموضوع ده عندك إدمان، يعني إنك إن شاء الله موش هتشتري غير زيرو بعد كدة.

      المهم افتكر كويس قوي إنك تتعامل مع العربية بحنية زيادة عن اللزوم في أول الف كيلو و ابعد عن القرص عليها، و أوعى بتاتاً تغير زيت العربية قبل ميعاده و لو حتى بكيلو واحد، لما يتأخر شوية موش مشكلة، علشان تدي فرصة لترسيب الكربون داخل المحرك.

      ثالثاً: كان لي استفسار، واحد قاللي إن ما فيش في مصر حاليا ( الكلام ده كان قبل العيد ) جين2 مانيوال. فيا ترى ممكن تقولنا انت حجزتها فين؟ و يا ترى هي 2008 و لا 2009؟
      [RIGHT][FONT=Arial][B]مع وافر تحياتي،[/B][/FONT][/RIGHT]
      [RIGHT][B][FONT=Arial][URL="http://saidbakr.blogspot.com"]سعيد بكر[/URL][/FONT][/B][/RIGHT]
      [RIGHT][FONT=Courier New][SIZE=2][COLOR=indigo]معاً نؤيد حملة [FONT=Tahoma][SIZE=3][COLOR=seagreen][B]خلوها تصدي[/B][/COLOR][/SIZE][/FONT] ، من أجل مجابهة الجشع و الاستخفاف بالعقول.[/COLOR][/SIZE][/FONT][/RIGHT]

      Comment


      • #4
        [grade="00008B FF6347 008000 4B0082"]الف مبرووك مقــدماً و ربنا يكتب لك اللي فية الخــــير :

        1 - استلم العربية في فترة النهار ، و ياسلام لو تحطها في مكان الشمس ملعله فية : و دة عشان تكشف لو فى خدوش / فروق فى الرفرف / خبطة / تطبيقة / نقرة .....

        2 - عـــــــــداد العربية في حدود 50 ك ...

        3 - مراجعه كافة وصلات الكهرباء : فوانيس / فوجات / لمبة الصالون / تابلو / لمض التابلوة / الانتظار / المساحات / .............

        3 - راجع الفرش و حط ايديك علية و مشيها عشان لو فى فروق و اقعد على كل الكراسي و الكنبة و اطنط كمان .... محدش لة حاجة عندك ( مش فاضل غير اقولك بلطج ) .

        4 - قزاز الكهرباء جربة مرة فردي ، مرة زوجي .

        5 - المرايات الكهرباء ( ان شاء الله تلعب بلاي استيش .... شوفهم كويس)

        6 - التكييف ( شوف سرعاتة + صوتة )

        7 - السي دي ( خد معاك CD Mp3) و جرب السماعات .

        8 - جرب المالتي فانكشن اللى في الدركسيون كوووووووويس .

        9 - شوف جنط العربية كويس .

        10 - مرفقات السيارة ( اريال الراديو + كاتلوج السي دي + مانيوال العربية + دوسات العربية + عدة تغير الاستبن )

        11 - و العب بالكلاكس شوية ( بس ما تفتكرش نفسك في زفــة .... بلاش فضايح ) .[/grade]
        [align=center][img]http://img114.imageshack.us/img114/1091/maz2ot9.jpg[/img][/align]
        [align=center]:049::049:[/align]

        Comment


        • #5
          كلام جميل يا مزانجنجي باشا، بس افترض انه ظهرت مشكلة في حاجة او اكتر من اللي قولتهم دول؟!!! هل اخبط برجلي في الأرض و أقول موش واخد العربية دي، ولا أعمل ايه؟

          و لو قالولي ان دي مشاكل عادية و بتتعمل في الضمان مجاني، ارود عليهم و أقول ايه؟

          يعني باختصار ايه اللي بيحصل في حالة ظهور مشكلة عند الاستلام؟
          [RIGHT][FONT=Arial][B]مع وافر تحياتي،[/B][/FONT][/RIGHT]
          [RIGHT][B][FONT=Arial][URL="http://saidbakr.blogspot.com"]سعيد بكر[/URL][/FONT][/B][/RIGHT]
          [RIGHT][FONT=Courier New][SIZE=2][COLOR=indigo]معاً نؤيد حملة [FONT=Tahoma][SIZE=3][COLOR=seagreen][B]خلوها تصدي[/B][/COLOR][/SIZE][/FONT] ، من أجل مجابهة الجشع و الاستخفاف بالعقول.[/COLOR][/SIZE][/FONT][/RIGHT]

          Comment


          • #6
            المشاركة الأصلية كتبت بواسطة Terrible_DaRsH مشاهدة المشاركة
            اولا .. الف مبروك و ربنا يبارك لك فيها ..
            ثانيا : مادام انت هتشترى زيرو يبقي اكيد فى ضمان 3 سنين او 100.000 كيلو على ما اعتقد ...يبقي خايف من ايه اى حاجه هتحصل فى العربية عندك التوكيل على طول فمتخافش ..
            وفى كمان صيانه ال 5000 كيلو وكده .. هتكشف على العربية ولو فيها حاجة هتتصلح على طول ...
            بس انت خلى بالك من العربية ومن السواقة والالتزام وكله هيبقي تماام ...
            اما بقي بالنسبة لعيوب التقفيل والحاجات دى ... يعنى تلاقى زجاج العربية بيتهز بعد سرعة معينه ولا خامات الصالون مش عاجباك ولا اى حاجة .. فمالكى السيارة اللى هيفيدوك فيها .. وان شاء الله متقابلش حاجه من دى خالص ..
            الله يبارك فيك بس انا قصدى على خدش قطع فى الفرش الحاجات دى بره الضمان مش صح؟
            انا مش غاوى جرى ولعب انا هادى وملتزم متقلقش

            saidbakr
            أولاً الف مبروك، و الأكيد إن شاء الله إنك هتدخل في تجربة ممتعة (بغض النظر عن نوع العربية ) بامتلاكك عربية زيرو و في الغالب هيصبح الموضوع ده عندك إدمان، يعني إنك إن شاء الله موش هتشتري غير زيرو بعد كدة.

            المهم افتكر كويس قوي إنك تتعامل مع العربية بحنية زيادة عن اللزوم في أول الف كيلو و ابعد عن القرص عليها، و أوعى بتاتاً تغير زيت العربية قبل ميعاده و لو حتى بكيلو واحد، لما يتأخر شوية موش مشكلة، علشان تدي فرصة لترسيب الكربون داخل المحرك.

            ثالثاً: كان لي استفسار، واحد قاللي إن ما فيش في مصر حاليا ( الكلام ده كان قبل العيد ) جين2 مانيوال. فيا ترى ممكن تقولنا انت حجزتها فين؟ و يا ترى هي 2008 و لا 2009؟

            الله يبارك فيك انا حاجز من عز العرب فى الاسكندريه على اول الطريق الزراعى موديل 2009 مانيوال بس انا حاجز من قبل العيد

            mazagnge

            الف مبرووك مقــدماً و ربنا يكتب لك اللي فية الخــــير :

            1 - استلم العربية في فترة النهار ، و ياسلام لو تحطها في مكان الشمس ملعله فية : و دة عشان تكشف لو فى خدوش / فروق فى الرفرف / خبطة / تطبيقة / نقرة .....

            2 - عـــــــــداد العربية في حدود 50 ك ...

            3 - مراجعه كافة وصلات الكهرباء : فوانيس / فوجات / لمبة الصالون / تابلو / لمض التابلوة / الانتظار / المساحات / .............

            3 - راجع الفرش و حط ايديك علية و مشيها عشان لو فى فروق و اقعد على كل الكراسي و الكنبة و اطنط كمان .... محدش لة حاجة عندك ( مش فاضل غير اقولك بلطج ) .

            4 - قزاز الكهرباء جربة مرة فردي ، مرة زوجي .

            5 - المرايات الكهرباء ( ان شاء الله تلعب بلاي استيش .... شوفهم كويس)

            6 - التكييف ( شوف سرعاتة + صوتة )

            7 - السي دي ( خد معاك CD Mp3) و جرب السماعات .

            8 - جرب المالتي فانكشن اللى في الدركسيون كوووووووويس .

            9 - شوف جنط العربية كويس .

            10 - مرفقات السيارة ( اريال الراديو + كاتلوج السي دي + مانيوال العربية + دوسات العربية + عدة تغير الاستبن )

            11 - و العب بالكلاكس شوية ( بس ما تفتكرش نفسك في زفــة .... بلاش فضايح )

            الله يبارك فيك
            طبعا انا مش عارف اشكرك ازاى مش على الموضوع ده بس على كل مواضيعك
            إن شاء الله انا هعمل كل اللى انت قلت عليه عدا موضوع الكلاكس هلعب فيه لعب فضايح
            هسمع اسكندريه كلها

            Comment


            • #7
              المشاركة الأصلية كتبت بواسطة saidbakr مشاهدة المشاركة
              كلام جميل يا مزانجنجي باشا، بس افترض انه ظهرت مشكلة في حاجة او اكتر من اللي قولتهم دول؟!!! هل اخبط برجلي في الأرض و أقول موش واخد العربية دي، ولا أعمل ايه؟

              و لو قالولي ان دي مشاكل عادية و بتتعمل في الضمان مجاني، ارود عليهم و أقول ايه؟

              يعني باختصار ايه اللي بيحصل في حالة ظهور مشكلة عند الاستلام؟

              - لو حاجة بسيطة ممكن التغاضي عنها يتم أثباتها لتظبيطها فى صيانة 1000 ك
              - لو حاجة فيها لعب زي فك تابلو / كهرباء/ طلاء ..... ، مش تخبط فى الارض لأ دة أنت تعمل لهم ميت و ما تستلمش و يا يجيب لك واحدة تانية يا تلغي الحجز و تجيب من معرض برة يا تستنى لما يجي اللى انت عايزة هى الفلوس حد بيلاقيها فى الزمن دة .... و ثانياً كفاية أحساسك النفسي بوجود شيء غير سليم .
              [align=center][img]http://img114.imageshack.us/img114/1091/maz2ot9.jpg[/img][/align]
              [align=center]:049::049:[/align]

              Comment


              • #8
                الف شكر يا مزاجنجى باشا على الاجابة الوافية دى انا كان عندى نفس السؤال
                تعصى الاله وانت تزعم حبه هذا لعمرك فى المقال بديع
                لو كنت تصدق حبه لاطعتــه ان المحب لمن أحب مطيع

                عمرو راشـــــــــد

                Comment


                • #9
                  خد بالك من المسافه الى بين الرفرف و الاكسدام- ساعات مش بتبقى مظبوطه-. وياريت لو فى عربيتين جنب بعض عشان تعرف تقارن كويس.
                  [url=http://www.postimage.org/image.php?v=aVrKvKA][img]http://www.postimage.org/aVrKvKA.jpg[/img][/url]
                  [SIGPIC][/SIGPIC]

                  Comment


                  • #10
                    مبرووك يا باشا على قرب استلامك و تستلم على خير إن شاء الله .. و ابركلك لما تجبها .. و مزاجنجى باشا قام بالواجب طبعا ..
                    [CENTER][FONT=Comic Sans MS][COLOR=#0033ff][B]The car that make you dream of it when you are awake[/B][/COLOR][/FONT][/CENTER]



                    [CENTER][SIGPIC]http://www.nilemotors.net/Nile/signaturepics/sigpic18817_5.gif[/SIGPIC][/CENTER]

                    Comment


                    • #11
                      الله يبارك فيكم جميعا و الف الف شكر للكل
                      بس عايز اسال مفيش حد استلم الجين2 2009 من الاسكندريه

                      Comment


                      • #12
                        مبروك عالحجز وان شاء الله تستلم على خير وربنا يحافظلك عليها ومن شر الطريق.
                        بالنسبة للنقاط اللي كاتبها مزوج فهي بجد فيها كل حاجة محتاجة يتراجع عليها, انا طبعتها وراجعت على نقطة نقطة فيها, علشان متنساش حاجة وتبقي قلقان.
                        [CENTER][IMG]http://www.proton-edar.co.id/showroom_gen2/img_gen2/hd_gen2.gif[/IMG][/CENTER]
                        [CENTER][FONT="Fixedsys"][FONT="Palatino Linotype"][I]Eng Michael Nabil[/I][/FONT][/FONT][/CENTER]

                        Comment


                        • #13
                          المشاركة الأصلية كتبت بواسطة nanas مشاهدة المشاركة
                          الله يبارك فيكم جميعا و الف الف شكر للكل
                          بس عايز اسال مفيش حد استلم الجين2 2009 من الاسكندريه
                          من فضلك لما تستلم العربية المانيوال جين2 اللي قولت عليها، تقولنا على طول. أصل الراجل اللي كان قاللي إن مافيش منها مانيوال قبل العيد، رجع و أكد لي المعلومة دي تاني النهاردة.
                          [RIGHT][FONT=Arial][B]مع وافر تحياتي،[/B][/FONT][/RIGHT]
                          [RIGHT][B][FONT=Arial][URL="http://saidbakr.blogspot.com"]سعيد بكر[/URL][/FONT][/B][/RIGHT]
                          [RIGHT][FONT=Courier New][SIZE=2][COLOR=indigo]معاً نؤيد حملة [FONT=Tahoma][SIZE=3][COLOR=seagreen][B]خلوها تصدي[/B][/COLOR][/SIZE][/FONT] ، من أجل مجابهة الجشع و الاستخفاف بالعقول.[/COLOR][/SIZE][/FONT][/RIGHT]

                          Comment


                          • #14
                            ؟؟؟؟
                            مخازن الصحراوي فيها جين 2 مانيوال غير اللى موجودة فى مخازن الاسكندرية و مش هاتنزل الا بعد العيد يعنى خلال اسبوعين على الاقل لغاية ما الاستوك اللي في مخازن الصحراوي يفنش
                            أنت بتحجزوا منين يا جماعه ؟؟
                            [align=center][img]http://img114.imageshack.us/img114/1091/maz2ot9.jpg[/img][/align]
                            [align=center]:049::049:[/align]

                            Comment

                            Working...
                            X