إعـــــــلان

Collapse

.

,
See more
See less

تفاصيل الفروق بين بيكانتو الشكل القديم و الجديد...بالصور!

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تفاصيل الفروق بين بيكانتو الشكل القديم و الجديد...بالصور!

    منذ حوالي الشهر قام صديقي بشراء سيارة كيا بيكانتو زيرو 2009 من التوكيل... و كانت فرصة جيدة للتعرف عليها من قرب و تجربتها....

    الباور:

    الفرق اللي لاحظته و انا سايقها (كانت لسه عاملة 120 كم تقريبا) ان الباور الجديد الكهرباء سئ للغاية...و غيرمريح بتاتا...يعني تيجي تلف و انت داخل علي ناصية و تسيب الدركسيون عشان يرد....مايردش...لازم ترجعه بايدك تاني...
    نفس الكلام علي الطريق...لو حاولت تنقل لحارة تانية,,,لازم ترجع الدركسيون بايدك تاني....
    بس شهادة حق...في السرعات البطيئة ناعم جداااااا...و أثناء الركن متعة!!
    العيب ده كان مدايق صاحبي جدا لكن بعد حوالي 3000 كيلو الباور رجع لطبيعته تاني...و بقي زي العادي بالظبط...هي كانت مشكلة تليين فقط

    غير كده العربية كميكانيكا و عفشة هي هي..و نفس الإحساس أثناء السواقة و كل حاجة...كان فيه فرق استعمال بس ما بين عربيتي و عربيته

    نيجي بقي للفروق الشكلية....طبعا بغض النظر عن الفوانيس و الإكصدمات اللي كلنا شايفنها من بره...كان الأهم اني أتناول الفروق الداخلية بين السيارتين و أغلبيتها في المقصورة الداخلية

    ملحوظة: بالنسبة لسيارتي...انا لست متأكد ان جميع ما بها كان معمم علي جميع البيكانتو الشكل القديم...لأنها خليجي...فا ياريت أي حد من ملاك البيكانتو القديم يأكد المعلومات دي

    البيكانتو ال 2009 تم تغيير اسطمبات التابلوه و الكنسول الأوسط بين الكرسيين الأماميين....و لأسباب تافهة و عبيطة...لا تعتبر أسباب أساسا....يعني التابلوه ماشي...شكل أحدث...لكن الكونسول ماكنش مستاهل خالص يكلفوا تصميم و تصنيع اسمطبة جديدة...ما علينا!

    1- التابلوه: (الجزء الأعلي):

    تم تغيير أماكن الأزرار و أشكالها...و زر تسخين الزجاج الخلفي أصبح مكان الإنتظار

    2- التابلوه ( الجزء السفلي)


    تغييرات بسيطة...لكنها أضفت شكلا جماليا...و خدوا بالكم ان كل حاجة فيها اختلاف ولو بسيط جدا

    3-الكونسول الأسفل: (منطقة الولاعة)



    تم تغيير مكان الولاعة و تصغير مساحة مكان التخزين!!

    4-أسفل الدركسيون:


    كان هناك رف خفي جميل...محدش من بره العربية يعرف يشوف فيه ايه...و كان بيشيل حاجات كتير...طبعا بخلاف الرف الصغنن اللي فوق....
    في ال2009 أزالوا هذا الرف...و كبروا الرف الصغير شوية...و حطو طبيتين لزراير معرفش ايه لازمتهم اساسا!!!

    5- العدادات:


    العدادات الجديدة مقرفة باليل....لونها البرتقالي قوي جدا و مؤذي للعين بعد فترة
    6-الشماسات:


    الشكل القديم كان في كل شماسة فيه مراية بغطاء فيه مكان ممكن حفظ الرخص به....لكن تم ازالة المرايتين من الشماستين و أصبحوا قرعة!!
    (متاخدوش في بالكم من المنديل اللي عندي...انا حاطة عشان البلاستيكة اتكسرت من جوه و عمالة تتكتك:))

    7-هوايات المرايات الجانبية:


    من ضمن الحاجات اللي مخلياني متعصب...ليه يصرفوا فلوس في عمل تعديل أهبل زي ده؟؟؟!

    8- مقابض الأبواب الداخليه:


    غيروا الإسود الجميل بالرمادي...و أصبحت المنطقة أكثر عرضه للإتساخ

    9-أحزمة الأمان:


    تم ازالة امكانية تعديل ارتفاع الحزام.....ولا تعليق!!!

    10-مقابض السقف:


    الشكل القديم كان المقبض الأمامي به سوستة....و الخلفيين عادة....الجديد بقي كله عادة!

    ننتقل للشنطة:
    11- لمبة الشنطة و خطاف الشبكة و الشبكة!!

    لمبة الشنطة مش موجودة في الجديدة لكن احنا جبنها
    (هابقي أعمل موضوع عنها)

    12- مكان التخزين أسفل الشنطة:


    مكان تحفة و مقسم تخزن فيه حاجات كتير...تمت ازالته...و منك للإستبن!!

    13-مقبض قفل الشنطة:


    لا تعليق...

    14-خزان زيت الباور:

    تمت ازالته في الجديد طبعا لوجود الباور الكهربائي


    ----------------------------------------------
    ده بصراحة كل اللي قدرت أحصره من الأختلافيات بين الشكلين القديم و الجديد...

    و أرجو من كل المالكين للبيكانتو بشكليها لو عندهم إضافات يذكروها بالموضوع ده...

    شكرا لكم:k10:
    [CENTER][SIGPIC][/SIGPIC][/CENTER]
    الكلمات الدلالية (Tags): 1500, 20, 2009, 50, احنا, التو, التوكيل, الجديدبالصور, الجديدة, السقف, الشكل, الشنطة, الفروق, القديم, اللي, الي, اوبشن, بدون, بيع, بيكانتو, بين, تاتا, تعديل, تغيير, تفاصيل, توكيل, حساس, خليجي, زيت, زيرو, سوست, سول, سيارة, شراء, شنطة, صور, عداد, عدادات, عربية, عرض, عفشة, عن, غطاء, فرق, فروق, فوانيس, في, فيات, كرسي, كل, كيا, كيا بيكانتو, مشكلة, مصر, مع, معلومات, ملاك, من, هل, هنا, هي, وكيل
  • #2
    موضوع جميل جدا و كان فعلا نفسى اعرف الفرق , بس كدة يبقى شكل التابلوه مش زى اللى موجود على الsite بتاع كيا خالص , التابلوه اللى فى الsite شكله احسن كتير .
    طيب ممكن الخليجى 2009 يكون التابلوه بتاعها زي اللى فى الsite ؟ و ياريت لو حد يعرف الفرق بين الخليجى و التوكيل من حيث الoptions و السعر ؟

    Comment

    • #3
      موضوع هايل يا نادر كالمعتاد ، و ليا بعض الملاحظات :

      1- انا عندى لمبة فى شنطة العربية ، هما شالوها من ال 2009 و لا ايه ؟؟؟

      2- الباور الكهربا فعلا وهمى ، بس انا كان عندى مشكلة التزييق على السرعات القليلة اوى و وانا بركن و كنت كتبت عنه هنا قبل كده ، بس دلوقتى راحت خالص ، بس الباور عندى معملش فى الاول زى عربية صديقك ، كان بيرد عادى فى الملفات و كله ، بس فعلا واضح انه بيحتاج تليين ( انا عاملة لحد دلوقتى 1500 كيلو )

      3- موضوع المراية اللى مش موجودة فى الشماسة ده معصبنى جداااااا
      Everything's not lost..

      Comment

      • #4
        نادر باشا ممتاز موضوعك كعادتك دائما :k32:

        شكرا على المقارنة الفعالة دى

        بس اعتقد ان عربيتك بما انها خليجى فبتيجى بكتير من الاوبشنز اللى الوكيل المصرى بيشفطها من العربيات طمعا فى زيادة مكسبه اللى هو زيادة اصلا ومش فارقة معاهم ان العربيات تطلع قرعة

        شكرا مرة تانية استمتعت بتقيمك المميز
        [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


        [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
        [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

        [/CENTER]
        [/CENTER]
        [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

        [CENTER] _______________[B]
        [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

        [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
        [/CENTER]
        [B][COLOR=Blue][B][SIZE=2]
        اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

        _______[COLOR=Blue]_______________
        [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

        Comment

        • #5
          طول عمرك معلم...تسلم ايدك على المعلومات القيمة
          [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

          Comment

          • #6
            bgd ya nader el mawdoo3 gamed gedan
            [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

            Comment

            • #7
              هي عربيه صاحبك فول اوبشن ولا لأ؟
              تفتكر ممكن تفرق؟

              Comment

              • #8
                شكرا جداااااااا

                الف شكر يا نادر بجد موضوع تحفه زى ما حضرتك معودنا دايما.. راجل ذوق و دايما تفيدنا بدون مقابل.
                كمان الشكل القديم اعتقد فيه مساحات و فوج لايت و فرشها كان لذيذ و فيه الوان جامده.. بس كنت عايز اعرف اللون السفلى للتابلوه هل تم تغييره؟؟ انا بحس انه بقى رمادى افتح من القديم بس اللى فى الصوره باين لونه بيج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هل ده من النور فى الصوره. و التغيير فى الكونسول السفلى اللى فيه ال cup holders ده علشان فى الجديده بتنزل بره ب usb and ipod connection فى المكان ده هحاول احط صوره لها. انا كنت ناوى اجيب ال cd الاصلى بتاعها ال double din علشان والدى مسافر و هيعدى على كوريا مش عارف هيبقى كويس ولا ممكن يعرضلى العربيه للسرقه؟؟؟ انا محتار جدا لو عندك اقتراح يا ريت تقولى. شكرا يا نادر طولت عليك


                Comment

                • #9
                  العربية فول اوبشن ،بس أنا عايز ألفيت نظركو لحاجة ،،
                  عربية نادر يا جماعة خليجييييييييييييييييييييييييييييييي وانا عربتي وكيللللللللللللللللللللللللللللللللللللللللللللللل لللل
                  اوع تنسو الفرق الكبير دة عشان في ناس كتير متحسرة على فرق الأؤبشنز إلي عندهم فالعربية بتاعت الوكيل وعربية نادر،،،،،،دة عادي والفرق دة كان موجود من زمان بس كان على أخف شوية
                  عل عموم بالنسبة للناس إلي جابو بتاعت الوكيل ممكن أقولهم ازاي يجيبو بعض الحاجات الناقصة .

                  Comment

                  • #10
                    كلمة حق ياستاذ NaderNabil

                    انت يجب ان يطلق عليك استاذ دكتور البيكانتو فى مصر والعالم العربى

                    انا بعد ما كنت كرهت الموديل داه بالذات بعد الى كتبه احد الاعضاء على العربية بس بعد شرحك الوافى غير فكرتى خالص عن العربية

                    Comment

                    • #11
                      شكرا على المقارنة

                      Comment

                      • #12
                        حمد الله على السلامه يا نادر باشا
                        نشكرك على المقارنة ........بس تعقيب صغير نور العدادات برتقالي وجميل ومريح بالنسبة لي وكمان مقابض الابواب الداخلية عندي سوداء مش رصاصي مع العلم ان العربية اللي معاي وكيل و2009

                        Comment

                        • #13
                          المشاركة الأصلية كتبت بواسطة m.abdeen مشاهدة المشاركة
                          حمد الله على السلامه يا نادر باشا
                          نشكرك على المقارنة ........بس تعقيب صغير نور العدادات برتقالي وجميل ومريح بالنسبة لي وكمان مقابض الابواب الداخلية عندي سوداء مش رصاصي مع العلم ان العربية اللي معاي وكيل و2009
                          باشا ازاي حضرتك

                          يارب تكون بخير

                          الموضوع من 12 2008

                          ولسه نادر مظهرش لعل المانع خير
                          [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                          Comment

                          • #14
                            شكرا نادر باشا على المقارنة بس انا مش شايف صور
                            مقابلة جديدة للطنطاوية
                            http://www.nilemotors.net/Nile/259689-a.html

                            Comment

                            • #15
                              هي الصور فين

                              Comment

                              السابق 1 2 template التالي
                              Working...
                              X