كل مــا تريــــد معرفته عن الأوكتـــافيــــا A4

[د./اليشع ثابت]

على نفس نمط بتاع( كل مــا تريــــد معرفته عن الأوكتـــافيــــا A5)

بجد نتمنى ان نعرف كل شىء عن بلدياتها ال A4

انا شخصيا معنديش اى معلومات عنها مثلا عيوبها و مميازتها و صيانتها و قطع غيارها

فهل الاخوة مالكو ال A4 يستطيعوا ان يفتحوا لها هذا الموضوع لتعم الاستفادة للجميع

و تقبلوا حبى و تقديرى للجميع مقدمااااااااااااا

[lawyer2006]

انا اقدر اقولك بعض الملاحظات عنها انا معايا a4 موديل 2009
1- المميزات
1- ثبات ممتاز علي السرعات المختلفه
2- عاليه عن الارض
3- فيها فرامل abs
4- فيها ايرباج واحد للسواق
5- فيها شاشة عرض كمبيوتر جميله جدا
6- سحب واستجابة العربيه ممتاز انا معايا مانيوال وفيها مثبت سرعه
7- شنطه كبيرة بشكل وهمي
8- عربيه الماني ذات اعتماديه عاليه واغلب مكونتها مكتوب عليها vw فولكس فاجن
9- كراسي مريحه جدا جدا
10- الباور بتاعها جميل لاخفيف ولا تقيل بس تقدر تقول انك تحس انه سلس التوجيه والحركه
11- جنوط 15 عاديه مش اسبورت مع كاوتش عريض
12- كاسيت العربيه سي دي ماركة سكودا
13- فيها مخدع في منتصف بين كرسي السائق والجنبه
14- لما كنت بفكر اغير عربيتي واشتري عربيه جديده ومقارنه بين السيارات الموجوده في السوق واسعارها وسعر الa4وجدت انها تكسب لاكتر من سبب انك بتشتري عربيه الماني ذات سمعه محترمه وان العربيات الموجوده في نفس الفئة السعريه صناعه كوري او ياباني تقفيل مصري
15- عربيتي السابقه كانت اسكودا فلشيا وكانت معايا من سنة 1997 كنت ساحبها زيرو من ارتوك اوتو اقدر اقولك اني مفتحتش الكبوت بتاع العربيه لمدة 9 سنوات الا عشان اغير الزيت وفلتر الزيت والبنزين الشكمان اتغير فيه العلبه الخلفيه بعد 9 سنوات كامله وانا مش بقارن بين العربيتين لانه شتان ما بينهم لكن بو ضحلك انها عربيات معمره انا بعت الفلشيا بعد 11 سنه استعمال وقبل ما بعها كانت محتاجه كبالن فقط لاغير وممكن مساعدين كمان للعلم انا كنت بستخدمها استخدام قاسي وبروح بيها مزرعتي وسط طرق مكسرة تقطم عفشة احسن عربيه وبالرغم من كده عفشة العربيه كانت ممتازه
16- بالسؤال عن اسعار قطع الغيار وجدت انها رخيصة بالمقارنة بالكوري والياباني تخيل
17- سعر اعادة البيع معقول جدا ومش هتخسر فيها
18- صاج العربيه تقيل وناشف ويتحمل اي خبطات ولا قدر الله لو حصل هتلاقي الف سمكري يشتغل فيها بدون ما يقولك غير رفرف ولا غيره
19- عربيه شكلها الخارجي بيعجبني اكتر من الa5 وان كانت مسئلة ازواق بس اقدر اقولك انها فخمه وبتديك برستيج
20- عفشه ممتازه ومتحسش باي مطبات


عيييوب العربيه
1- مكان ارجل الركاب الخلفي ضيق يعني لو واحد طويل قعد خلفك ممكن يحس انها ضيقه من وره وده طبعا بسبب وسع الشنطه المهول
2- مفيش اماكن تخزين كتيره تفي بطلباتك لدرجة اني مش عارف احط الموبايل فين
3- شكل التابلوه قديم
4- تقل في الغيار الثالث في عربيتي بس ممكن اقول عشان لسه جديده هيخف شويه بعد الاستعمال
5- مفيهاش غير ايرباج واحد
6- مفيهاش غير سماعتين من قدام
7- مفيهاش مكن رفع للزجاج
8- مفيهاش جهاز انذار
9- فرش واتر بروف مش جلد ومشابه للكان في الفلشيا
10- مفيهاش كونسول في نص العربيه
11- مفيهاش مخدع في منتصف الكنبه
دي اعتقد مش عيوب بس حجات نقدر نقول عنها مش موجوده لان في وجهة نظري ان العيوب هي العيوب الميكانيكيه او عيوب في الكهرباء او التقفيل او الثبات والعربيه الحمد الله مفيهاش اي عيب من ده
اتمني اكون افدتك وتحت امرك في اي سؤال

[د./اليشع ثابت]

الله عليك حبيب قلبى lawyer2006
جازاك الله كل الخير ويعطيك العافية
تقييم هايل جداااااااااااااااا
ويارب الكل يدخل بحيث نجمع كل شىء عن العربية
وكمان الاتوماتيك منها لانى لو جبت انا بفضل الاوتوماتيك
وشكرااااا لسيادتك كمان مرة وربنا يسترك طريقك ويكون معك ويبارك لك فيها امين يارب

[ramylanos]

انا اقدر اقولك بعض الملاحظات عنها انا معايا a4 موديل 2009
1- المميزات
1- ثبات ممتاز علي السرعات المختلفه
2- عاليه عن الارض
3- فيها فرامل abs
4- فيها ايرباج واحد للسواق
5- فيها شاشة عرض كمبيوتر جميله جدا
6- سحب واستجابة العربيه ممتاز انا معايا مانيوال وفيها مثبت سرعه
7- شنطه كبيرة بشكل وهمي
8- عربيه الماني ذات اعتماديه عاليه واغلب مكونتها مكتوب عليها vw فولكس فاجن
9- كراسي مريحه جدا جدا
10- الباور بتاعها جميل لاخفيف ولا تقيل بس تقدر تقول انك تحس انه سلس التوجيه والحركه
11- جنوط 15 عاديه مش اسبورت مع كاوتش عريض
12- كاسيت العربيه سي دي ماركة سكودا
13- فيها مخدع في منتصف بين كرسي السائق والجنبه
14- لما كنت بفكر اغير عربيتي واشتري عربيه جديده ومقارنه بين السيارات الموجوده في السوق واسعارها وسعر الa4وجدت انها تكسب لاكتر من سبب انك بتشتري عربيه الماني ذات سمعه محترمه وان العربيات الموجوده في نفس الفئة السعريه صناعه كوري او ياباني تقفيل مصري
15- عربيتي السابقه كانت اسكودا فلشيا وكانت معايا من سنة 1997 كنت ساحبها زيرو من ارتوك اوتو اقدر اقولك اني مفتحتش الكبوت بتاع العربيه لمدة 9 سنوات الا عشان اغير الزيت وفلتر الزيت والبنزين الشكمان اتغير فيه العلبه الخلفيه بعد 9 سنوات كامله وانا مش بقارن بين العربيتين لانه شتان ما بينهم لكن بو ضحلك انها عربيات معمره انا بعت الفلشيا بعد 11 سنه استعمال وقبل ما بعها كانت محتاجه كبالن فقط لاغير وممكن مساعدين كمان للعلم انا كنت بستخدمها استخدام قاسي وبروح بيها مزرعتي وسط طرق مكسرة تقطم عفشة احسن عربيه وبالرغم من كده عفشة العربيه كانت ممتازه
16- بالسؤال عن اسعار قطع الغيار وجدت انها رخيصة بالمقارنة بالكوري والياباني تخيل
17- سعر اعادة البيع معقول جدا ومش هتخسر فيها
18- صاج العربيه تقيل وناشف ويتحمل اي خبطات ولا قدر الله لو حصل هتلاقي الف سمكري يشتغل فيها بدون ما يقولك غير رفرف ولا غيره
19- عربيه شكلها الخارجي بيعجبني اكتر من الa5 وان كانت مسئلة ازواق بس اقدر اقولك انها فخمه وبتديك برستيج
20- عفشه ممتازه ومتحسش باي مطبات


عيييوب العربيه
1- مكان ارجل الركاب الخلفي ضيق يعني لو واحد طويل قعد خلفك ممكن يحس انها ضيقه من وره وده طبعا بسبب وسع الشنطه المهول
2- مفيش اماكن تخزين كتيره تفي بطلباتك لدرجة اني مش عارف احط الموبايل فين
3- شكل التابلوه قديم
4- تقل في الغيار الثالث في عربيتي بس ممكن اقول عشان لسه جديده هيخف شويه بعد الاستعمال
5- مفيهاش غير ايرباج واحد
6- مفيهاش غير سماعتين من قدام
7- مفيهاش مكن رفع للزجاج
8- مفيهاش جهاز انذار
9- فرش واتر بروف مش جلد ومشابه للكان في الفلشيا
10- مفيهاش كونسول في نص العربيه
11- مفيهاش مخدع في منتصف الكنبه
دي اعتقد مش عيوب بس حجات نقدر نقول عنها مش موجوده لان في وجهة نظري ان العيوب هي العيوب الميكانيكيه او عيوب في الكهرباء او التقفيل او الثبات والعربيه الحمد الله مفيهاش اي عيب من ده
اتمني اكون افدتك وتحت امرك في اي سؤال

العربيه فيها وحدات رفع زجاج عن طريق المفتاح
اقفل العربيه بالمفتاح مش بالريموت وافضل لفف المفتاح هتلاقي الزجاج بيترفع
ولا فتحت العربيه بالمفتاح برضوا وفضلت لفف المفتاح الزجاج كله هينزل

[أبو كنوز]

العربيه فيها وحدات رفع زجاج عن طريق المفتاح
اقفل العربيه بالمفتاح مش بالريموت وافضل لفف المفتاح هتلاقي الزجاج بيترفع
ولا فتحت العربيه بالمفتاح برضوا وفضلت لفف المفتاح الزجاج كله هينزل

كلامك صح يا رامي

[armageddon]

نرجو تفاصيل أكثر عن ال a4من ملاك ال سياره , و تفاصيل عنها من بداية انتاجها حتي الأن و الاختلافات في مويلاتها

[spider6666]

فعلا شرح ومقارنه رائعة

[lawyer2006]

كلام الاستاذ رامي صح فعلا العربيه فيها وحدات رفع زجاج وانا مكنتش اعرف وجربت اني اقفل العربيه بالمفتاح فعلا الزجاج طلع اشكرك يا استاذ رامي علي المعلومة الجديده دي واتمني لو عندك اي معلومات اخري تقولها نستفيد منك

[ramylanos]

كل ما افتكر حاجه هكتبها وانا تحت امرك

الي فكره دلوقتي انك ممكن تقفل العربيه بطريقتين
1-لو قفلت بضغطه واحده بالريموت او قفلت بالمفتاح, اللمبه الحمره الي جنب الموسجر بتنور وده معناه ان العربيه لايمكن تتفتح من بره ولا من جوه
وده امان زياده علشان لو حد قدر الله كسر الزجاج, الباب مش هيتفتح من جوه, لازم يدخل من الشباك وتعتبر اعاقه كويسه وربنا يسترها

2-تاني طريقه انك تدوس مرتين وره بعض بسرعه وانت بتقفل بالريموت او بالمفتاح تفضل لفف المفتاح لحد ما تسمح صوت السنتر مره تانيه,وفي الحاله ديه اللمبه الي جنب الموسجر مش هتنور والعربيه ما تفتحش من بره لكن تفتح من جوه

وطبعا الافضل تستعمل الطريقه الاوله علشان الدنيا مفهاش امان

ممكن تكون المعلومه ديه مش مفيده بس علشان تبقه عارف كل حاجه عن العربيه:b4_048:

[ramylanos]

ممكن تتحكم في ارتفاع وانخفاض المصابيح الاماميه من الداخل
والتحكم في ارتفاع وانخفاض اضاءه العدادات

العربيه وزنها فارغه 1790 ده للمانويل وللاوتوماتك تقريبا 1850
وده طبعا وزن تقيل بالنسبه للعربيات الكوري والياباني
وبيدي الوزن ده ثبات خيالي علي الطرق السريعه مع العلم ان الموتور قادر علي وزن السياره

ضبط عجله القياده ممكن ترفعها اوتنزلها او تدخلها لجوه او تتطلعها لبره
معدل استهلاك الوقود 7.1 لكل 100 كيلو متر
التسارع من صفر/100 كم 11.8 ثانيه لمانويل

[ramylanos]

في معلومه كمان للمعاه اوكتافيا
زراع ضبط المرايات كهربيا
هوه فيه 3 اختيارات R L والتسخين

بعد ما تظبط المرايات سيبه علي R او L
ما تسبهوش علي علامه التسخين علشان هيفضل شغال عالطول السخان

انا غلط الغلطه ديه لفتره كبيره بعد ما اضبط المرايات اسيبه علي علامه التسخين كنت فاكر انها بشتغل مع الزجاج الخلفي الحراري لما اشغله من التابلوه

[أبو كنوز]

في معلومه كمان للمعاه اوكتافيا
زراع ضبط المرايات كهربيا
هوه فيه 3 اختيارات R L والتسخين

بعد ما تظبط المرايات سيبه علي R او L
ما تسبهوش علي علامه التسخين علشان هيفضل شغال عالطول السخان

انا غلط الغلطه ديه لفتره كبيره بعد ما اضبط المرايات اسيبه علي علامه التسخين كنت فاكر انها بشتغل مع الزجاج الخلفي الحراري لما اشغله من التابلوه

١٠٠٠ شكر للمعلومه القيمه

[Mostafa Hessen]

ما شاء الله

تقييم رااائع

ربنا يباركلك فيها

[karimone]

شكراً علي المعلومات الجديدة

[د./اليشع ثابت]

شكرااااااااااا يا رامى على المعلومات المحترمة جداااا دى
و خليك متابع معاى باستمراررررررررررررررر
كل ما تكونى فاضى شوية كلمنا عن ميكانيزم معين
وابداااا بقى ادخل فى التقيل يا ريس
يعنى مثلا تغير الزيوت للموتور و الفتيس الاوتوماتيك وغيرة واى نوع هو الافضل و بيتغير كل كام كم
و تيل الفرامل برضة النوع الافضل... و هكذا
بعد كدة يا غزال ابدااااا ادخل على اسعار قطع الغيار و تواجدها و الصيانة
علشان نغطى الجميلة ال A4 بالكامل
وانا يا سيدى هتنازل لك عن الموضوع بحيث براءة الاختراع تبقى لك بتاعتك و نديك الايزو مش عارف وصلنا لرقم كام بس هههههههههههههههههههه
بضحك معاك طبعا يا غالى
بس بجد عايزين تاريخ العربية كلة و يا حبزا لو تقدر ترفع الكاتالوج بتاعها
و ياريت باقى الاخوان من ملاك ال A4 يكملوا مع الباشا رامى

بس انا لى استفسار خاص و هام جداااا
حضرتك عندك فكرة عن سمك الصاج بتاعها كام مم
ولك منى الف وردة و الف شمعة
وربنا يعوض تعب محبتك و عطاءك للجميع