تختار 405 ولا فيكترا 94

[midoonesaid]

السلام عليكم ورحمة الله
اولا احب اشكر اعضاء هذا المنتدي الرئع
انا بصراحة ماشي في مشوار عربية معاقين استيراد وكنت محتار بين بيجو 405 مو97 1600cc فل اوبشن اوفيكترا مو94 1600cc فل اوبشن برضو مع العلم اني لما حاولت اجمع معلومات عنهم لقيت انهم تقريبا نفس المواصفات تفرق في حاجات بسيطة
من ناحية جودة العربيتين وعمرهم الافتراضي قريب من بعضه والثبات على السرعات العالية نفس الموضوع بس لاحظت حاجة في المتورعلى حد علمي الـ405 1600cc كاربراتير 92 حصان اما الفيكنرا 74 حصان نص انجكشن (نقطة قوية جدا لصالح الـ405 ) ومصاريف الصيانة للـ405 اوفر من الاخرى وطبعا في حاجات موجودة في الالماني منلاقهاش في العربيات التانية زي الكمبيوتر اللي بيكشف الاعطال والعزل الافضل وحاجات تانية معرفهاش بس انا بصراحة مايل للـ405 معرفش ليه وياريت لو حد عندو معلومات مفيدة عن الافضل في العربيتين يقولي عليها وخصوصا المتور لاني لقيت فرق شاسع بين الاثنين
واسف على الاطالة ياجماعة وفي لنتظار ردودكم باذن الله وشكرا

[م.احمد زكريا]

على فكرة وانا باشتري عربيتي ال 405 كان قدامي اوبل فكترا 95 كاملة اتوماتيك والسعر كان قريب جدا
ولما سالت واحد صاحبي عنها لانها كانت معاه قالي انها عربية مافيش عليها غبار غير ان قطع غيارها غالية جدا
ونصحني بال 405 الي انا كنت مقتنع بيها اصلا وماشاء الله عربية ممتازة

[the-hero]

ميزة الاوبل انها هاف أنجكشن ولكن فيه 405 مو96 فول انجكشن 16 صباب 92 حصان وبكمبيوتر اعطال وabs وكمان الكربراتير جيد جدا لما بيكون مضبوط
نرجع بقي لأهم نقطة وهى قطع الغيار فى الاوبل نادرة وغالية واحيانا مش موجودة
لكن البيجو كل حاجه فيها كتير والسعر معقول وجديد منها وأستيراد أكتر
الثبات واحد على السرعات لكن عزم البيجو أكبر بكتير زى منتا قولت
وبدون تحيز انصحك بال 405

[midoonesaid]

شكرا على الرد
كنت فعلا مايل للـ405 وانتوا اكدتولي صحة الاختيار

[midoonesaid]

بس كنت عايز اسأل الـ405 مو96 فول انجكشن استيراد بس ولا في منها في مصر وهي لو موجودة قطع غيارها موجودة ولا لأ وايه أخبار البنزين 80 معاها لأني غالبا بشوف اصحاب العريبات دي بتمون 80 بس معرفش انجكشن ولا لأ

[Nour_Peugeot]

توكل علي الله لا نفس السنريو بتاع الاوبل كان معانا و كانت موديل 97 فيكترا و تتوقع اننا جبنا بيجو 405 موديل 90

يعني فرق 7 سنين

توكل علي الله العربيه هتعجبك بس حافظ عليها

[midoonesaid]

بس كنت عايز اسأل الـ405 مو96 فول انجكشن استيراد بس ولا في منها في مصر وهي لو موجودة قطع غيارها موجودة ولا لأ وايه أخبار البنزين 80 معاها لأني غالبا بشوف اصحاب العريبات دي بتمون 80 بس معرفش انجكشن ولا لأ

ياريت حد بجاوبني على السؤال ده علشان لو كده هجيبو إن شاء الله ومعلش اذا كانت اسئلة كتيرة بس مش عايز ادبس في حاجة تجبلي وجع الدماغ من ناحية قطع الغيار بالذات

[Mahmoud_405]

بس كنت عايز اسأل الـ405 مو96 فول انجكشن استيراد بس ولا في منها في مصر وهي لو موجودة قطع غيارها موجودة ولا لأ وايه أخبار البنزين 80 معاها لأني غالبا بشوف اصحاب العريبات دي بتمون 80 بس معرفش انجكشن ولا ل

بس ياباشا ال 405 فول انجكشن موجوده في مصر بس ال 2000 سي سي الي هي نازله باسم ال 405 برستيج عربيه كويسه جدا واحسن من الاوبل ال 1600 بكتير وفيها كمبيوتر 4 ازاز كهرباء زمرايات كهرابا بس اللي في مصر مافيهاش Abs ولا ايربج وقطع غيار موجوده بس مش منتشره ذي ال 1600 كربراتير واغلي طبعا بس برده ارخص من الفيكترا
الموتور 123 حصان 8 صباب كامه واحده وعزم 176 نيوتن وتكيف قوي
علي فكره العربيه دي معايا ومع صاحبنا كريم في المنتدي من سنه ونص وبسم الله ماشاء الله كويسه بس مشكلتها قكع غيار غاليه شويه
وحتلاقيه كتير استيراد لانها منتشره بره
واي اسئله انا في الخدمه

[midoonesaid]

شكرا ليك يامحمود باشا
بس اللي اعرفه ال1600cc
16صباب اما 2000cc فد ه8 صباب بس هل هيفرق في حاجة الموضوع ده ولا ايه
على فكرة انا محمد من طنطا وإن شاء الله هاكون عضو فعال وصديق في هذا المنتدى

[Mahmoud_405]

مش عارف بصراحه ال 1600 كام صباب بس الي متاكد منه ان ال 0002 سي سي 8 صباب

[the-hero]

شكرا ليك يامحمود باشا
بس اللي اعرفه ال1600cc
16صباب اما 2000cc فد ه8 صباب بس هل هيفرق في حاجة الموضوع ده ولا ايه
على فكرة انا محمد من طنطا وإن شاء الله هاكون عضو فعال وصديق في هذا المنتدى

فيه 1600 فول انجكشن 16 صباب يفرق جامد فى توفير البنزين الصفيحة بتعمل 240-250 كم
اما البرستيج قوة متناهيه 2000 سي سي 123 حصان 8صباب الصفيحة بتعمل 180 كم

[midoonesaid]

على فكرة 1600 سي سي فل انجكشن 16 صباب موفرة للبنزين بس لو بصينا للقوة 68 حصان اضعف من 1600 سي سي كاربراتير 8صباب (92حصان) بس دا طبعا على حساب زيادة في البنزين

[midoonesaid]

انا استقريت على 405 العادية (اوفرلي في المصاريف) وادعولي ربنا يسهلي في الموضوع ده وشكرا للناس اللي تعبت معاي على تواصل دائم ولما اجيب العربية هبقى اقولكم على مواصفتها وايه الانواع الموجودة هناك من الـ405 اللي في الخارج

[the-hero]

على فكرة 1600 سي سي فل انجكشن 16 صباب موفرة للبنزين بس لو بصينا للقوة 68 حصان اضعف من 1600 سي سي كاربراتير 8صباب (92حصان) بس دا طبعا على حساب زيادة في البنزين

مين قال كدا ال 1600 فول انجكشن 16 صباب
90 حصان مش 68 خالص

[محمد ابراهيم 1]

المهم الحاله
بس أنا أفضل البيجو
الأوبل حبالها طويله ومصاريفها غاليه