Tweet
حكايتى مع فرامل اللانسر 2007
انا هقولكم بالتفصيل وبأمانة اللى حصل معايا عشان الكل يستفيد من التجربة دى
انا معايا لانسر 2007 اوتوماتيك والفرامل لما جبت العربية كانت زى الفل مع انها كانت بتسحف منى لأنها مش فرامل ABS لما وصلت ل تقريبا 22 الف كيلومتر حسيت ان الفرامل ضعفت جامد وابتدت تصفر ف عرفت ان التيل لازم يتغير رحت سألت عليه فى التوكيل قالولى الاصلى اللى نوعه Sumitomo ب 320 جنيه بصراحة حسيت انه غالى قلت اسأل بره فيه انواع تانية منهم واحد قالولى انه يابانى واسمه FBK وكان تمنه ساعتها 110 فاشتريتو وركبتو ويادوب مافيش اسبوعين وباقيت اسمع صفارة عالية مع الفرامل رحت لميكانيكى قالى التيل ناشف وصنفره وركبه بردو اسبوعين ورجعت الصفارة
قمت غيرته بعد ما نزلت دمشق والحى السابع وقالولى على نوع بيشر التركى انه كويس واحسن وانعم على الطنابير وفعلا ركبته وكان جميل ومالوش صوت بس الفرامل كانت واطية ومشوار الدواسة كان طويل و بعدها بفترة كنت مسافر على الصحراوى ولاقيت رعشة مع الفرامل فى الدركسيون عاملة زى ماتكون عايزة ترصيص لكن مع الفرامل بس وطبعا انا ماحستهاش قبل كده لأنى مش بجرى وهى كانت بتبان فى سرعة فوق ال100 بس بعد كده بقيت الرعشة دى تزيد وتبان عند ال80 وبقيت عند ال60 ولما سألت قالولى ده عيب تيل (ماحدش قالى انه من الطنابير وماشكتش خالص فى الطنابير) قمت غيرت التيل فعلا وجبت نوع تانى تركى بردو مش فاكر اسمه ايه وفضلت الرعشة موجودة وبتزيد واكتشفت بعد كده ان العيب من الطنابير وان التيل البيشر ده هو اللى بوظها ودلوقتى انا مش عارف اعمل ايه ميكانيكى يقول اخرط الطنابير واركب تيل اصلى وميكانيكى تانى يقولى لا دى الطنابير احسن تتغير والخراطة دى مش كويسة
خلاصة الموضوع ان الواحد مايستخصرش فى عربيتو الحاجة الاصلية بالذات فى الحاجات الحساسة زى الفرامل كده وانا غلطت من الاول انى ماجبتش تيل اصلى وفعلا الغالى تمنه فيه.gif "Copy Of Majd(4)")
واسف على الاطالة :)
انا معايا لانسر 2007 اوتوماتيك والفرامل لما جبت العربية كانت زى الفل مع انها كانت بتسحف منى لأنها مش فرامل ABS لما وصلت ل تقريبا 22 الف كيلومتر حسيت ان الفرامل ضعفت جامد وابتدت تصفر ف عرفت ان التيل لازم يتغير رحت سألت عليه فى التوكيل قالولى الاصلى اللى نوعه Sumitomo ب 320 جنيه بصراحة حسيت انه غالى قلت اسأل بره فيه انواع تانية منهم واحد قالولى انه يابانى واسمه FBK وكان تمنه ساعتها 110 فاشتريتو وركبتو ويادوب مافيش اسبوعين وباقيت اسمع صفارة عالية مع الفرامل رحت لميكانيكى قالى التيل ناشف وصنفره وركبه بردو اسبوعين ورجعت الصفارة
قمت غيرته بعد ما نزلت دمشق والحى السابع وقالولى على نوع بيشر التركى انه كويس واحسن وانعم على الطنابير وفعلا ركبته وكان جميل ومالوش صوت بس الفرامل كانت واطية ومشوار الدواسة كان طويل و بعدها بفترة كنت مسافر على الصحراوى ولاقيت رعشة مع الفرامل فى الدركسيون عاملة زى ماتكون عايزة ترصيص لكن مع الفرامل بس وطبعا انا ماحستهاش قبل كده لأنى مش بجرى وهى كانت بتبان فى سرعة فوق ال100 بس بعد كده بقيت الرعشة دى تزيد وتبان عند ال80 وبقيت عند ال60 ولما سألت قالولى ده عيب تيل (ماحدش قالى انه من الطنابير وماشكتش خالص فى الطنابير) قمت غيرت التيل فعلا وجبت نوع تانى تركى بردو مش فاكر اسمه ايه وفضلت الرعشة موجودة وبتزيد واكتشفت بعد كده ان العيب من الطنابير وان التيل البيشر ده هو اللى بوظها ودلوقتى انا مش عارف اعمل ايه ميكانيكى يقول اخرط الطنابير واركب تيل اصلى وميكانيكى تانى يقولى لا دى الطنابير احسن تتغير والخراطة دى مش كويسة
خلاصة الموضوع ان الواحد مايستخصرش فى عربيتو الحاجة الاصلية بالذات فى الحاجات الحساسة زى الفرامل كده وانا غلطت من الاول انى ماجبتش تيل اصلى وفعلا الغالى تمنه فيه
واسف على الاطالة :)
ثمنه فيه
Comment