عايز تركب جنوط سبور للبيتلز؟؟؟؟؟

[ahmed azab]

حاولت تركب جنوط سبور للبيتلز ؟؟؟
طبعا اقعد تروح وتيجي وتلف ومش لاقي جنوط تركبلها علشان الابعاد بتاعتها غير اي عربية تانية في الدنيا ممكن تروح عند الخراط تعملك اربع فلنشات حلوين يكلفوك 150 جندي ويخلولك العجل ينطر بره العربية ويبقي شكلها غريب ويبوظوالعفشة وشوية الفلنشة تفك والعجلة تتطيرررررررررر ودي شوفتها حصلت قدامي
وممكن تلف وتدور علي الجنوط الاسبور بتوعها الاندونيس اللي بيركبوا من غيرتعديل ولا قرف بس ازا لاقتهم يبقا معجزة وعند واحد بس اسمه اشرفكوا اللي في السابع لانه المستورد الوحيد للجنط ده في مصر وهاتدفع فيهم مش اقل من 1800 جنيه ده من عنده لو حد بره هيبقي اكتر طبعا وشكلهم تقليدي جدا شبه بتاع العربيات النص نقل
يأما مفيش غير انك تدور عند بتوع الاستعمال وتوصيهم لحد متلاقي واحد عفا عليه الدهر ومعوج با ومش عارف ماله الا بقا لو لقيت طقم لقطة وهاتدفع فيه مبلغ برضه لانهم بيبقي عارفين انه نادر
طيب ايه الحل؟؟؟؟؟؟؟؟؟؟
انا عملت حاجة غير دول خالص !!!!
نزلت اشتريت جنط 15 الشكل اللي عجبني ابعاده بتاعت
الفيات 4*100بس العرض 6.5 بوصة علشان ميحكش




وطبعا المقاس ده في منه اشكال كتيرة جدااااااا
واخدت فردة من الطقم وفكيت الطنابير وودتهم الخراط
وهنا بقا الفن ...... احنا هانعمل اخرام جديدة في الطنابير تمشي مع الابعاد بتاعت المسامير في الجنط
واخدنا العلامات علي الطنبورة وطلعت في الاماكن دي



وطبعا كان لازم التخريم يبقا تحت الاماكن الاصلية لأن دي اللي بيبقي فيها العصب



والموضوع خد عند الخراط حوال ساعتين وطلع الحمد لله زي ما حنا عايزين بالضبط وركبنا الطنابير و ربطنا فيها الكاوتش طبعا بعد المسامير بتاعت الجنوط الاسبور

وده كان الشكل النهائي بعد التركيب



والتكلفة طقم الجنوط 1200 والخراط 30
ويارب مكنش طولت عليكوا

[ahit]

السلام عليكم و رحمة الله و بركاته

و الله تسلم إيدك يا أحمد باشا
فعلاً الموضوع دا شاغل ناس كتير و من ضمنهم أنا
لأنى محتار جداً جداً فى تركيب جنوط ولا لأ
لأن ناس كتير بتقول التعديل فى الطنابير مش كويس و بيقلل العزم و قوة الطنابير , و ناس تانية بتقول الفلنشات أفضل لأن الطنبورة بتفضل على حالتها , وناس تانية بتقول غير الطنابير خالص .
و كمان ناس بتقول الجنوط بتبقى حمل على العفشة و بتدب فى المطبات و أوقات بتلوح العجلة لأن الجنط بيتلوح من كتر المطبات.
و ناس بتقول و تقول وبعض اللى مركب جنوط مش مستريح و اللى مش مركب بيفكر يركب .
الواحد محتار صراحة , و ياريت باقى الأعضاء يفيدونا فى الموضوع دا من وجهه نظرهم و تجربتهم بردو , من الناحية العملية و الفنية و التقنية.
وشكراً يا باشا على الموضوع المهم و الجميل دا

[ابوهاشم]

موضوع جميل جدا
واكيد كتير من اعضاء البتلز هيستفيدوا منه بجدوبسم الله ماشاء الله عربيتك شكلها مريح

[ahmed azab]

والله يا أحمد الكلام كتير والتجربة خير دليل
انا من ساعت معملت الموضوع ده من سنه تقريبا والحمد لله مفيش مشاكل لا في عفشة ولا زوايا ولا دب ولا الطنبورة ضعفت ولا حاجة من الكلام اللي الناس بتعد تقولوه
اصلا قبل ما اعمل الموضوع ده اللي قعد يقول الطنبورة مينفعش تتخرم واللي فضل يقول مش عارف ايه وعاملته والحمد لله تمام
وبعدين العربية دي في منها كان بينزل بجنوط اسبور وليها جنوط اسبور استيراد الماني وانا كنت شاريهم قبل كده Ats ولو دورت علي جوجل بالاسم ده هتلاقي اشكال كتير كلها للبيتلز وكمان صناعة الماني
يعني كل الكلام ده مبالغات فقط وبعدين العربيات دي جامدة مابيأثرش فيها اي حاجة .......!!!

[drramisalama]

الموضوع دة تحفة بجد واكيد يهم ناس كتييييييييييير

[drramisalama]

انا كان ليا سؤال العفشة والفرامل الديسكات زى الصورة دي ممكن الشغل دة يتعمل في مصر ولا دة برة بس ولو ممكن يتكلف كام ؟؟
وشكرا لجميع الاعضاء على المشاركات الرائعة

[ahit]

انا كان ليا سؤال العفشة والفرامل الديسكات زى الصورة دي ممكن الشغل دة يتعمل في مصر ولا دة برة بس ولو ممكن يتكلف كام ؟؟
وشكرا لجميع الاعضاء على المشاركات الرائعة

و الله الموضوع دا كنت شوفتو فى موقع Superbeetlesonly بس أعتقد مش هاتلاقى فى مصر حد يعملك الشغل دا و بالنظافة دى و لكن أنا سمعت إن فيه فى بور سعيد و الوكالة ركبة كاملة ممكن تشتريها و هى متعدلة طنابير و فرامل و مساعدين و سوست و كدا يعنى و هى إستيراد بس المهم يكون معاك ميكانيكى خبرة و فاهم عشان يعرف هل ممكن تتركب عندك و لأ.

[drramisalama]

الف شكر ياباشا على الرد السريع
يسلم ذوقك:k32:

[El.Hossieny]

نزلت اشتريت جنط 15 الشكل اللي عجبني ابعاده بتاعت
الفيات 4*100بس العرض 6.5 بوصة علشان ميحكش

انا مش فاهم الابعاد دي يعني ايه ؟؟ ممكن حد يوضحلي اكتر ؟؟

[adelmagdy]

علي فكرة يا جماعة خراطة الطنابير احسن من الفلنشات 100 مرة واللي يقولك غير كده يبقي مابيفهمش حاجة وهاثبتلكو بالصور لما دورت في مواقع اجنبية قبل ما اخرط اكتشفت ان الخراطة افضل من الفلانشة ليه بقي علشان الطنبورة لما حاتيجي تخرط فيها هتخرط ابعاد جنط اصعر من ابعاد الجنط القديم يبقي لما حتيجي تخرط ابعاد الجنط الجديد هتبقي اقرب لسنتر بتاع الطنبورة من ابعاد الجنط القديم وكل ما تقرب من السنتر كل ما تخانة الطنبورة تبقي اكتر وبالتالي اقوي
This is because there is a reinforcing web cast into the drum at this location and it gets thicker as it approaches the centre of the hub. Some
people will try to tell you that redrilled hubs are dangerous due to the fact that they are drilled through thinner material. This only applies when
the new holes are drilled away from the stock holes. Unfortunately the Ford 4x108 pattern is too large to be drilled co-linear with the stock holes.
This is another reason for choosing 4x100.