عيادة الأسنان خدمة لأعضاء نايل موتورز.

[muslimah_dentist]

السلام عليكم و رحمة الله و بركاته

الى كل أعضاء نايل موتورز الكرام و ما يضمه هذا المنتدى الكريم من نُخب فكرية مُثقفة و واسعة الأفق أتقدم بعرض خدماتى عليكم كطبيبة أسنان فى أى استشارة طبية أردتم السؤال عنها.

و لكم منى جزيل الشكر.

[kliken]

جزاكم الله خيرا
و مشكورة على مجهودك يا دكتورة مقدما و فعلا المنتدى بيتقدم للاحسن بمشاركات الأعضاء الممتازة و ربنا يزيده ان شاء الله و تزداد المشاركات الفعاله زى مشاركه حضرتك
و شكرا

[نور القمر]

اووووووه يا مسلمة فكرة جميلة
بس ياريت تطبيق عملي هاتلاقيني زبونة مستديمة

[kemo0o]

أول استشارة :
انا اوقات لما بقوم من النوم بحس ان سناني زي ما هتكون هتتخلع مش عارف ليه ؟؟؟
تاني حاجة انا ولله الحمد في حياتي ما دخلتش عند دكتور اسنان فعاوز اسال هل لازم اروح انظف سناني ولا اكتفي بمعجون الاسنان لان فيه ناس قالت لي لازم كل فترة تروح ؟؟

[kliken]

و انا كان عندى استفسار لحضرتك انا كنت شيلت عصب لضرسى قبل كدة بس اصلا ما كنتش باكل عليه و قلت اشيل العصب و احشيه عشان استخدمه و برضه بيوجعنى و ما بعرفش اكل عليه
و شكرا

[muslimah_dentist]

اووووووه يا مسلمة فكرة جميلة
بس ياريت تطبيق عملي هاتلاقيني زبونة مستديمة

انتى تنورى يا نور ، هو أنا أطول بس تقعدى تحت ايدى

[muslimah_dentist]

أول استشارة :
انا اوقات لما بقوم من النوم بحس ان سناني زي ما هتكون هتتخلع مش عارف ليه ؟؟؟
تاني حاجة انا ولله الحمد في حياتي ما دخلتش عند دكتور اسنان فعاوز اسال هل لازم اروح انظف سناني ولا اكتفي بمعجون الاسنان لان فيه ناس قالت لي لازم كل فترة تروح ؟؟

أولاً ممكن أسألك كام سؤال؟

انت من عادتك انك تجز على أسنانك ، يعنى لو اتضايقت ممكن تخبط أسنانك فى بعض؟

بتصحى من النوم مصدع؟

ممكن تشرب حاجة سُخنة أوى أو حاجة ساقعة أوى و لا بتعانى من حساسية؟

الأسئلة ديه اجابتها مهمة لأنك بالشكل ده بتعانى من الجز على الأسنان لأن ربنا سبحانه و تعالى جعلنا فرق طبيعى بيحدث بين الفك العلوى و الفك السُفلى أثناء النوم 3ملم عشان عضلات الفك ترتاح و لكن مشكلة اللى بيعانى من الجز انه مش بيوجد الفرق ده فبيحصل ارهاق فى عضلات الفك و مش بس كدة بيحصل تآكل فى طبقة المينا الخارجية مما يؤدى الى كشف طبقة العاج التى تحتوى على انابيب عصبية فعشان كدة ممكن تشعر بالحساسية و للأسف مشاكله كثيرة أوى ممكن يؤدى الى حدوث الصداع النصفى و يؤثر أيضاً على مفصل الفك .

علاج الجز شئ بسيط جداُ ان الدكتور يأخدلك مقاس و بنركب حاجة اسمها(nightguard)ديه بتبقى زى فاصل بيتركب على الفك السفل على الأسنان بتكون مٌنطبعة على شكل الأسنان و بتكون من مطاط عشان نقدر نوجد الفرق اللى انت مش قادر توجده و ده بيتلبس و انت نايم بالليل.

بالنسبة لزيارة طبيب الأسنان المفروض انه يبقى فيه زيارة دورية الى عيادة الأسنان كل 6 شهور.

بالنسبة لازالة الجير من الفم ، التراكمات الجيرية لا تستطيع أن تُزيلها فى المنزل و لا زم الدكتور هو اللى يشيلهالك .

أرجو انى أكون أفدتك ، و ياريت تجاوب على الأسئلة اللى سألتها عشان نتأكد بتجز على ضروسك و لا لأ.

[د./اليشع ثابت]

السلام عليكم و رحمة الله و بركاته

الى كل أعضاء نايل موتورز الكرام و ما يضمه هذا المنتدى الكريم من نُخب فكرية مُثقفة و واسعة الأفق أتقدم بعرض خدماتى عليكم كطبيبة أسنان فى أى استشارة طبية أردتم السؤال عنها.

و لكم منى جزيل الشكر.

الله عليكى يا دكتورة
ربنا يبارك فيكى و يجازيكى كل خير عن تعبك و مجهوداتك الجميلة
اطلب لكى التوفيق دائما و منورة المنتدى و العيادة الطبية
على فكرة انا كنت سبق و تقدمت للادارة باقتراح لفتح قسم خاص بالطبى يكون شامل كل التخصصات مجتمعة
لانة بالفعل اكتر من دكتور قدم خدماتة مشكوررررا لوجة الله
بس الادارة لم تستجب بعد
وانا من عيادة حضرتك بكرر الاقتراح ملتمسا ان يدخل حيز التنفيذ هذة المرة
بس بوصيكى لو نور جاتك اتوصى بيها مليح فى الروشتة علشان تصرفها من عندى

علشان تبعد ام صلاح عننا خالص :k48::k48::k48:
بجد شكرااااااا لكى
ووفقك الله دائما

[muslimah_dentist]

و انا كان عندى استفسار لحضرتك انا كنت شيلت عصب لضرسى قبل كدة بس اصلا ما كنتش باكل عليه و قلت اشيل العصب و احشيه عشان استخدمه و برضه بيوجعنى و ما بعرفش اكل عليه
و شكرا

أولاً احنا مش بنحشى الضرس حشو عصب الا لو كان التسوس وصل للعصب

ثانياً:حشو العصب لو صحيح مش هيوجعك خالص.

نصيحتى ليك انك تعمل أشعة على الضرس اللى انتا حاشيه و تروح لدكتور شاطر يشوف الحشو مظبوط و لا لأ.

لو مش مظبوط الدكتور هيعيدهولك تانى و لو حشو العصب مظبوط خلى الدكتور يكشف عليك اذا كنت بتعانى من جيوب لثوية لأن الجيوب اللثوية بتألم مع الساقع و الحلوو ده بيحتاج تنظيف للجيوب اللثوية و علاج للثة.

و ألف سلامة على حضرتك.

[muslimah_dentist]

الله عليكى يا دكتورة
ربنا يبارك فيكى و يجازيكى كل خير عن تعبك و مجهوداتك الجميلة
اطلب لكى التوفيق دائما و منورة المنتدى و العيادة الطبية
على فكرة انا كنت سبق و تقدمت للادارة باقتراح لفتح قسم خاص بالطبى يكون شامل كل التخصصات مجتمعة
لانة بالفعل اكتر من دكتور قدم خدماتة مشكوررررا لوجة الله
بس الادارة لم تستجب بعد
وانا من عيادة حضرتك بكرر الاقتراح ملتمسا ان يدخل حيز التنفيذ هذة المرة
بس بوصيكى لو نور جاتك اتوصى بيها مليح فى الروشتة علشان تصرفها من عندى

علشان تبعد ام صلاح عننا خالص :k48::k48::k48:
بجد شكرااااااا لكى
ووفقك الله دائما

شكراُ د/اليشع على مرورك.

و ماتقلقش أنا لو نور جاتلى هتوصى بيها بجد ، هو احنا عندنا كام نور فى المنتدى

و ماتقلقش هأكتبلها على كل الأدوية المتينة عشان ننفع بعض و ده من واجب الأخوة برضه

[د./اليشع ثابت]

شكراُ د/اليشع على مرورك.

و ماتقلقش أنا لو نور جاتلى هتوصى بيها بجد ، هو احنا عندنا كام نور فى المنتدى

و ماتقلقش هأكتبلها على كل الأدوية المتينة عشان ننفع بعض و ده من واجب الأخوة برضه

تماااااااااااااام كدة بس خليها فى سرك علشان نور متعرفش :k48::k48::k48::k48::k48:
اننا بنعمل بيزنيس عليها

[مدحت منيب]

شكرا بحجم الكون ايتها الدنتيسه القديسه

انت فى الكون قدوة .. انت فى الحب الرئيسه

[ahit]

شكراً للدكتورة / مسلمة
جزاكى الله خيراً

[kemo0o]

انت من عادتك انك تجز على أسنانك ، يعنى لو اتضايقت ممكن تخبط أسنانك فى بعض؟

خااااالص مابتحصلش

بتصحى من النوم مصدع؟

لا برضه

ممكن تشرب حاجة سُخنة أوى أو حاجة ساقعة أوى و لا بتعانى من حساسية؟

عادي جدا

[نور القمر]

انتى تنورى يا نور ، هو أنا أطول بس تقعدى تحت ايدى

واضح عليكي انك طيبة اوي يا مسلمة
لعلمك والله اسناني بتوجعني مجرد ما اشوف دكتورا سنانلاني زبونه مستديمة وعندي عقدة منهم ماعدا انتي يا جميل

بس بوصيكى لو نور جاتك اتوصى بيها مليح فى الروشتة علشان تصرفها من عندى

علشان تبعد ام صلاح عننا خالص :k48::k48::k48:
بجد شكرااااااا لكى
ووفقك الله دائما

يااااااه صداقات الانترنت دي مفيدة جدا لغاية دلوقت طبيبة اسنان مجانية وصرف ادوية من عيادة دكتور اليشع مجاني لكل اعضاء نايل موتورز
عقبال باقي التخصصات .. اما نشوف نايل ستورم تخصص ايه عشان نضمه للفريق