عاوز أعرف هل في مشاكل في موتور الكورسا أوالتيجرا 1400&1600 Ecotec

[Solom507]

أنا عندى كورسا 94 --1200 CC و كنت عاوز اسقط 1400 أو1600 بتاع الكورسا أو التيجرا ECOTEC ياريت لو حد من الاعضاء عمل كدا من فترة يقوللى هل المواتير دى فيها نفس عيوب الموتور ECOTEC 1000CC اللى نزل هنا في مصر عشان أنا عارف أنه كله مشاكل حساسات,كمان هل قطع غيار المواتير دى متوفرة ولا لأ وايه أسعارها...؟
كمان عاوز أعرف إستهلاك البنزين هيكون عامل إزاى..؟
أرجو من الأعضاء سرعة الرد للأهمية....شكرا

[Ahmad Allawy]

هل لازم يكون ايكوتك..؟؟
شوف كده الموضوع ده.. فيه تعديل من 1000 ل 1400. و مفيهوش مشاكل خالص.. بس مش فاكر كان كامة واحدة ولا 2..
http://www.nilemotors.net/Nile/showthread.php?t=6035

وفي اخ فاضل تاني عامل الموضوع ده بس مكنة 1600 2 كامة..
وهو من المنصورة.. و بيقول انا لموتور مفيهوش مشاكل خالص.. بس التعديل المعمول عشان يركب الموتور ده كتير قوي..
يعني الباور و الفرامل.. و كده.. متعدلة..

و سمعت ان موتور الفيكترا ال1600 الكامة الواحدة.. 77 حصان بيركب عليها عادي.. و ان موتور الكورسا السيدان.. ال1600 الكامة الواحدة برضه بيركب.. و من غير تعديل.. و هو تقريبا 100 حصان..او اقل حاجة بسيطة..

[Solom507]

شكرا يا باشا علي الرد السريع ده.... أنا كنت عاوز أعرف ECOTEC عشان هو 16v كمان الهورس باور بتاعه 90HP --1400CC
1600cc----106 HP ودا طبعا هيبقى جامد جدا على العربية يعنى أداء وهمى بالمقارنة مع الأداء الحالى 45 HP

[Ahmad Allawy]

اكيد طبعا..
مفيش كلام علي الفرق الرهيب..
بس متنساش برضه حاجة..
انك لازم تعدل الفرامل عشان تقدر انها تسد مع الموتور العنيف اللي هتركبه..
شوف الموضوع ده..
http://www.nilemotors.net/Nile/showthread.php?t=51815
و برضه العفشة هتتغير تماما..
عموما... ميزة المواتير الكامة الواحدة بتاع الفيكترا ولا الكورسا السيدان.. الميزة الكبيرة قوي فيه.. انه سهل جدا و مفيهوش لعب خالص.. و قطع غياره جديدة متوفرة جدا.. و مش غالية..

لكن عيب المواتير الايكوتك... ال1400 و ال1600 مش هتلاقي ليهم قطع غيار جديدة.. كلها هتبقي استيراد.. و ده عيبه..
لكن ده لو مش عيب بالنسبة ليك.. يبقي توكل علي الله..
اكيد محدش هيقدر يسد معاك علي الطريق..
و ربنا يكرمك.. و يكفيك شرها يا رب

[Solom507]

ربنا يخليك يا باشا...
ويسترها معانا كلنا إن شاء الله...
أنا ممكن أبدا أدعبس على الموتور1600 بتاع الكورسا السيدان عشان طبعا هيكون أحدث كمان هورس بور أعلى وممكن يركب بسهولة عكس الفيكترا...
بس بصراحة أنا نفسى أجرب العربية من حد مسقط 1400 أو 1600 عاوز أشوف الاداء هيكون إزاي...؟

[Ahmad Allawy]

لو انت من المنصورة.. يبقي ممكن تجرب 1600 2 كامة..
ولو انت من القاهرة.. ممكن نظبطلك.. 1400 بس مش فاكر كامة واحدة ولا 2..

[Solom507]

أنا من القاهرة ياريت لو ينفع موضوع ال1400 ده...
علي فكرة أنا أسمى أحمد محمد و أصحابى بينادونى أحمد السويسى عشان أنا من السويس أصلا بس عايش هنا.

[Ahmad Allawy]

يا هلا بيك يا سويسي ..
منورنا..
انا كمان علي فكرة اسمي احمد محمد.. بس علاوي ده اسم العيلة..

عموما هاظبطك ف الموضوع ده ان شاء الله..

[tamertamer]

نصيحة لو انت من هوات الجرى والسرعة الجنونية بلاش ال1600 لانك هطير لان وزن الكورساء بتعتك خفيف جدا مش عارف بس ممكن الشسية يتفسخ انت ممكن تجيب سرعات مهولة بيهاء غير طبعا انك العربية خفيفة على متور قوى مش عارف بس هتبقاء خطيرة بص احنا عندناء واحد معاة 205 بيجو مسقط فيهاء متور gti2500 كام هورس بور 160 حاجة قريبة من الرقم دة بس المشكلة انهاء بعد 120 الى 240 بتبقاء هتتقلب ومسقط عفشة ومجنط نصيحة بلاش الموتير الكبيرة دية لحسن العربية بتغر اوى

[Solom507]

يا هلا بيك يا سويسي ..
منورنا..
انا كمان علي فكرة اسمي احمد محمد.. بس علاوي ده اسم العيلة..

عموما هاظبطك ف الموضوع ده ان شاء الله..

شكرا يا باشا أنا مستني ...
بالمناسبة في مرة أنت كنت كاتب حاجة عن حساس السرعة مش انت الموتور بتاعك 1200 كامة واحدة وعداد السرعة عندك wire...زى ما أنا عارف... طب أيه حكاية حساس السرعة ده ؟ و هو ثمنة كام؟؟
عاشان أنا عندي Erorr Vehicle Speed Sensor (VSS) No speed signal or low voltage