ما هو الروديه؟

[battikh]

أخواني الأحبة عام عام أنتم بخير، أسمع كثيراً من الميكانيكية لفظ " روديه" ولا أعلم معناه، وقد قال لي أحد الأصدقاء لديه نوبيرا ، أنه بعد أن عمل "روديه" للماتور أصبح استهلاك البنزين ضعيف جداً لدرجة أنه يمشي 320 ك في 20 لتر على الطوالي.
يا ريت حد من الأخوة الأفاضل يعرفنا معنى الروديه وبيعمل ايه في الماتور بالضبط وهل له تأثير على استهلاك البنزين وضبط العربية؟
ودمتم سالمين

[samirayad]

أخواني الأحبة عام عام أنتم بخير، أسمع كثيراً من الميكانيكية لفظ " روديه" ولا أعلم معناه، وقد قال لي أحد الأصدقاء لديه نوبيرا ، أنه بعد أن عمل "روديه" للماتور أصبح استهلاك البنزين ضعيف جداً لدرجة أنه يمشي 320 ك في 20 لتر على الطوالي.
يا ريت حد من الأخوة الأفاضل يعرفنا معنى الروديه وبيعمل ايه في الماتور بالضبط وهل له تأثير على استهلاك البنزين وضبط العربية؟
ودمتم سالمين

شوف يا أخى ....الروديه هذا يطلق عليه باللغة الانجليزيةlapping وهو ببساطة عبارة عن عملية تطبيع للصبابات على قواعدها برأس السلندر......لاحكام غلق الصبابات.....وبالتا لى حينما يتم تنفيذة بصورة جيدة....يمنع تسرب أى نسبة من خليط الاحتراق من التسرب الى منطقة راس السلندر........ومن ناحية عملية توفيرة للبنزين فهو بالفعل يؤدى الى حدوث وفرة فى استهلاك البنزين .....على أساس أنة بيتم الاستفادة من كل عملية الاحتراق الحادثة داخل اسطوانات المحرك.......(أياك تقول تانى اللى أسمة موسوعة مايردش)

[mando_07]

طب ملو كدا ليه مش كل اللي عندهم نوبيرا مش عملين كدا !!؟؟ولا دة ليه تأثير سلبي

[Akram]

اللي اعرفه إن الروديه بيتعمل لما العربية تكون بيتعملها عمرة و ده زي ما قال سمير الهدف منه تطبيع الصبابات الجديدة على القواعد ,
بس متهيألي مسمعتش انه بيتعمل للعربية اللي موتورها كويس على أساس ان الصبابات مش محتاجة تطبيع ,

يا ريت حد يصحح لي , لو في حاجة مش سليمة في الكلام ده.

[mando_07]

mmm got it thnx for explaination

[battikh]

حاضر يا عم سمير خلاص تبت مفيش (اللي اسمه موسوعة ميردش) كنت فاكر إن الموضوع خلاص راح واتنسى لكن يبدو إن . . .
توبة يا ريس

[samirayad]

حاضر يا عم سمير خلاص تبت مفيش (اللي اسمه موسوعة ميردش) كنت فاكر إن الموضوع خلاص راح واتنسى لكن يبدو إن . . .
توبة يا ريس

يادكتور.....دا نوع من الدعابة مع سيادتك.....على أساس دا أول حوار خلانى أتشرف بالتحادث عن بعد مع حضرتك......عموما صباح الفل عليك وعلى أهل سوهاج الأعزاء...................

[Shiref_mohamed]

الروديه بيتعمل إذا تم عمل عمرة لوش السلندر او بمعنى ادق عند تغيير الصبابات او قواعدها او الدلايل وبيتم عن طريق وضع ماده كده عاملة ذى الصنفرة بس على هيئة شحم بين الصباب والقاعدة بتاعته وبتم لف الصباب بسرعه حتى يحدث احتكاك بين جسم الصباب والقاعد وتطبيع الصباب مع القاعده ويتم عمل الروديه بطريقتين اما يدويه وهي عبارة عن كاوتشه زي الى بتلزق على الأزاز وراكب فيها عصايه وبتتلزق في الصباب والميكانيكي يقعد يلف لما يطلع عينه والطريقة التانيه عن طريق ماكينه هى الي بتقوم بعمل الميكانيكى

[msobhy]

سؤال واضح وصريح
ينفع يتعمل الموضوع ده لموتور سليم
التكلفة كام
مين بيعملها

[AHMEDCAR]

سؤال واضح وصريح
ينفع يتعمل الموضوع ده لموتور سليم
التكلفة كام
مين بيعملها

الموضوع ده بيتعمل بس فى حاله تاكل الصبابات و دى حاله فرديه مش بتحصل كتير
و عموما الروديه ده بيتعمل مع العمره

[samirayad]

هو عامة موضوع الروديه ده بيتم فى أحد ثلاث حالات.........الأولى : بيكون القواعد بتاعة الصبابات قطرها قل نتيجة التأكل من الحريق الحامى (فى حالة عمل المحرك بالغاز الطبيعى على وجة الخصوص.................الحالة الثانية:لما بتكون برضة المحركات اللى بتعمل بالبنزين أو الديزل بها نفس الظاهرة وهى تأكل قواعد الصبابات(علشان كدة بنلاقى الناس اللى فاهمة فى تقييم السيارات عند الرغبة فى شراء السيارات المستعملة بيحل غطاء الزيت بتاع التموين ويدور المحرك لأختبارة قبل الشراء لأختبار كفاءة الصبابات نحو عملية التفويت الى رأس السلندر)................................الحالة الثالثة:وربنا يكفى الجميع شرها ....فى حالة انقطاع سير الكاتينة ...على أساس ان الواحد بيكون فاكك رأس السلندر لاستبدال الصبابات المعوجة نتيجة اصطدامها بوش المكبس بعد انقطاع السير(ودى أحد الفوائد المكتسبة من انقطاع السير) ....بيتم عمل الرودية لرفع كفاءة الاحكام بين الصبابات ورأس السلندر.............وعلشان كدة ممكن صاحب العربية اللى انقطع معاة سير الكاتينة يحس بأداء كويس نحو سحب العربية والاستهلاك الأقل من البنزين

[mando_07]

ينفع يتعمل لاي عربية ؟؟؟؟؟؟؟؟ أنا عريبتي بتعمل 110km في الصفيحة

[samirayad]

ينفع يتعمل لاي عربية ؟؟؟؟؟؟؟؟ أنا عريبتي بتعمل 110km في الصفيحة

يا أستاذ/ماندو.......الموضوع دة مابيتعملش فى حالة أى سيارة شغالة الا اذا.......لما بتحل طبة تزويد الزيت الموجودة على غطاء التاكيهات..وتلاقيها.مطلعة دخان بطريقة ملحوظة للغاية وبغزارة.........علشان الموضوع دة مكلف (جوان رأس سلندر-صبابات -سيلات صبابات-جوان غطاء تاكيهات-وممكن يفتح فى حاجات ثانية-مصنعية)....ولا أنصح بة الا عند الضرورة القصوى

[Badrowi]

استاذ ورئيس قسم
ماشاء الله

[mando_07]

يا أستاذ/ماندو.......الموضوع دة مابيتعملش فى حالة أى سيارة شغالة الا اذا.......لما بتحل طبة تزويد الزيت الموجودة على غطاء التاكيهات..وتلاقيها.مطلعة دخان بطريقة ملحوظة للغاية وبغزارة.........علشان الموضوع دة مكلف (جوان رأس سلندر-صبابات -سيلات صبابات-جوان غطاء تاكيهات-وممكن يفتح فى حاجات ثانية-مصنعية)....ولا أنصح بة الا عند الضرورة القصوى

هو أنا الموتور عندي خف شوية وكنت بفكر أعمل عمرة المرحلة الجاية