احذر التصوير الليلى على طريـق مصر - الأسكندرية الصحراوى

[ahmedfawzy14]

قبل بوابة اسكندرية على الطريق الصحراوى بقى لادار ثابت ليل نهار
عربية شرطة راكنة على اليمين بتصور اللى داخل على اسكندرية

الموضوع كان فى الاول بالنهار بس

بس يوم الجمعة اللى فاتت واحد صاحبى اتصور وهوا داخل وطبعا دفع مفيش كلام
وامبارح وانا راجع بليل اخدت بالى انهم واقفين عند البواية وشغالين الله ينور

[mahmoud_nov1985]

الف شكر على المعلومة

[SAMER_ENGINES]

شكرا علي المعلومة بالذات لو حد سافر في أجازة نص السنة لأجمل مدينة في العالم -- أسكندرية.

[Fadi Ezzat]

صصح وكمان على كوبرى المحور مليان عربيات شرطة جواها كلها رادرات

[Mosso]

هل بيكون فيه فلاش؟
لان على حد علمي ان لازم يكون فيه فلاش في التصوير الليلي

[M_Nabil]

لسة كنت هناك يوم السبت اللى فات بس مخدتش بالى منه بس كنت ماشى مهدي عشان كان في مطر جامد، شكرا علي المعلومة عشان احتمال كبير اسافر تانى علي اول الشهر الجاى

[som3aa]

فى القاهرة فى الطريق الدائرى اللى بيربط مصر الجديدة و مدينة نصر (طريق اللى فيه مدخل المطار) بالليل فى رادار ليلى برده.

هل بيكون فيه فلاش؟
لان على حد علمي ان لازم يكون فيه فلاش في التصوير الليلي

الفلاش بقا ضعيف جدا يعنى الرادارات تطورت مش زى زمان , انا اتصورت من ثلات سنين على طريق الساحل الشمالى عند كمين الحمام كان فى فلاش شديد كأن الدنيا بقت زرقاء بس من كام يوم اتصورت على الدائرى (كان فى نور ازرق صغير اوى على الكاميرا نفسها) انا عرفت الكاميرا من النور الازرق اللى عليها.
على فكرة دى موجودة علطول مش يوم واحد بس كدا

[kh_talaat]

ألف شكر يا باشا وربنا يسترها معانا جميعا

[aymansaad]

السرعة المفروض تكون كام؟؟

[SeiffoZ]

السرعة المفروض تكون كام؟؟

على طريق مصر إسكندرية الصحراوى 100 كم\ساعة

[Sharky]

فى القاهرة فى الطريق الدائرى اللى بيربط مصر الجديدة و مدينة نصر (طريق اللى فيه مدخل المطار) بالليل فى رادار ليلى برده.

الفلاش بقا ضعيف جدا يعنى الرادارات تطورت مش زى زمان , انا اتصورت من ثلات سنين على طريق الساحل الشمالى عند كمين الحمام كان فى فلاش شديد كأن الدنيا بقت زرقاء بس من كام يوم اتصورت على الدائرى (كان فى نور ازرق صغير اوى على الكاميرا نفسها) انا عرفت الكاميرا من النور الازرق اللى عليها.
على فكرة دى موجودة علطول مش يوم واحد بس كدا

بيبقى مكانه فين بالظبط ؟؟؟

[MohaMed_Refaat]

ياباشا مفيش تصوير بليل كان موجود من كام سنة بس اتلغى ونزلت فى الجرايد .!!!
هو ممكن يكونوا رجعوة بس انا مقبلتش ولا لجنة بتقوف بليل ولازم يكون فى فلاش مينفعش يبقى فى كمين رادار من غير فلاش حيصور ازاى دة حتى لون العربية موش حيبان ؟!!؟!؟!؟!

[dynamic_alpha]

بيبقى مكانه فين بالظبط ؟؟؟

اللي بيصور بيبقى الناحية التانية من Mobil بعد الملف
و طبعا ده منزل ... و السرعة المقررة 60 فكله بيدفع

[zeyad1810]

الف شكر ع النصيحة

[Sharky]

اللي بيصور بيبقى الناحية التانية من Mobil بعد الملف
و طبعا ده منزل ... و السرعة المقررة 60 فكله بيدفع

يعنى عند دخلة المطار !!