باركولي اخيرا بعد عناء فتيس لانسر 2006

[ahmed_gouda]

انا حاشرح الموضوع من اوله عشان محدش يغلط الغلطه بتاعتي

شهر 10/2005 كانت معايا الانسر البومه موديل 2006 اوتوماتيك كامله خليجي 1600 سي سي وكنت مبهور بيها
طبعا مالهاش صيانه لانها خليجي او ده اللي كنت انا اعرفه
العربيه شغاله و كله تمام يعني باجيب تيل فرامل كوبلن الحاجات الخفيفه دي و انا من الزقازيق .
جت العربيه قبل العيد الصغير ب 4 ايام و باجيب d و الحاجه مرضيتش تمشي ابطل و ادور و ابدا
شديت العربيه و وديتها لميكانيكي و فك الفتيس من جوه لقي حاجه اسمها سير الكاتينه متكسر نزلت انا و هوه الحرفيين عند و احد اسمه ملك الانسر جبناه ب (1450 ) و جبت قربه ب (1300) و العربيه اخدت (150) بقي المجموع(2900) انا قلت الحمد لله بسيطه الميكانيكي ركبهم قلت كده تمام قوي العربيه اتحركت و الميكانيكي اخد مني 400 بالعفيه بقي المجموع(3300) .
الجزء الثاني________________________
تالت يوم العيد نفس الحوار و انا لما مشيت من عند الميكانيكي المره اللي فاتت كان Nبينور مع D قلت للميكانيكي قالي لا عادي ده سلك ملمس و اي كهربائي يعمله .
لقيت العربيه و قفتو انا في السلام رايح الحرفيين لاولاد عسكر الكهربائي جبت و نش ووديتها عنده اخد مني 30 كشف و قاللي الكهربه اللي و اصله الفتيس سليمه و اكشف عليها بالكمبيوتر دفعت 50 و كشفت قللي فيه عيب في الفتيس من جوه
رفعت العربيه اللي بقالها سنتين شغاله علي و نش لغايه الميكانيكي الاولاني و الونش اخد 300 يبقي مجموع اليوم ده (300+50+30+50ونش)=430 و طبعا الميكانيكي قاللي غير زيت الفتيس 5 علب زيت اوتوماتيك ب 20 (5*20)=100 يبقي صرفت 530
الجزء الثالث________________________
الميكانيكي قاللي احسن حاجه فتيس استيراد من بورسعيد لانه ارخص من الحرفيين
قلت ياعم ماشي و تاني يوم رحت انا و هوه و عربيه بورسعيد
جبت فتيس ب 5500 و العربيه 300 و زيت ب 100 و جمرك 50 بقي المجموع (5950) و ركبنا الفتيس و طلع مش شغال .
الجزء الرابع_________________________
طبعا رجعنا الفتيس بور سعيد للراجل و اخدنا منه 5500 بعد ما دفعت 300 عربيه تاني و روحنا من غير فتيس
الجزء الخامس________________________
واحد سمسار تصليح عربيات حديثه اسمه الشيخ سيد
قاللي انا حاجيب العربيه من عند الميكانيكي بتاعها و بعد اسبوع خدها مني شغاله و مالكش دعوه بحاجه انا كان عندي امتحانات قلتله ماشي و قاللي حاتتكلف 7000 قلت ياعم خد 5000 دلوقتي اشتري الفتيس و يبقي باقي 2000 قال ماشي المهم العربيه قعدت عنده 45 يوم و الاخر جايب فتيس عايز يعدله عليها انا قولت لا و اخدت منه 5000 بعد 3 ايام بالعافيه اتاريه نصاب
الجزء السادس_______________________
واحد في الزقازيق اسمه السيد السمباوي عنده فتيس ب 6000 و حايفكه من عربيه لانسر 2004 امريكي و ركبت الفتيس و العربيه تمام و الميكانيكي اخد 200 بقي المجموع (6200+100زيت) الكلام ده يوم وقفه عرفات و العربيه بتمشي بس متلته يعني شغاله 3 سلندر بس قاللي ده و احد كهربائي يشوف كهربه الموتور
الجزء السابع________________________
رحت للكهربائي الساعه 2 بليل طبعا انا عايز اعيد بالعربيه زي اي حد
قاللي الكهرباء سليمه بس لسه حاشوف الكنترول و الاسطي المحترم و صل سلكين في الكنترول انا لاقيته دخن و الكنترول باظ
الجزء التامن________________________
طبعا بعد العيد الكبير رحت الحرفيين اشتريت حساسين فتيس ب900 و كنترول ب 1800 و العربيه 150 و 100 زيت بقي المجموع (900+1800+250)=3950
طبعا جيت ركبته و الكهربائي اخد 100 يبقي المجموع 4050 و العربيه مشيت تمام .
الجزي التاسع________________________
بعد حوالي 3 اسابيع لقيت العربيه اللي انا شاريها زيرو ب 123000 مفيش تسارع خاااااااالص بعد 40كم/س طبعا علي لما روحت للميكانيكي كانت العربيه ما بتمشيش خالص و الميكانيكي قاللي الفتيس اتحرق
الجزء العاشر_________________________
شديت العربيه و حطيتها تحت البيت و جبت ميكانيكي تاني قاللي انا حاجيب فتيس من بور سعيد و حاركبه بس و انسي
روحت انا و هوه امبارح بورسعيد جبنا الفتيس ب 6000 و العربيه 300 و الزيت 100 و جمرك 50 و مصناعيه 250
(6000+100+50+250+300)=6700
و العربيه بقت تمام لغايه دلوقتي بس لاكن لما اديها المفاجي صوتها بيكون عالي قوي .
____________اجمالي المصاريف__________

3300+530+300+100+50+300+6300+4050+6700=21630 :k30:

معلش انا طولت عليكم لاكن عشان محدش يعمل غلطتي

[ahmed_h_g]

معلش يا أستاذ أحمد ربنا يعوضهالك فى الخير
بس معلش متذعلش منى حضرتك متسرع شويه ومسرف فى نفس الوقت علشان روحت لميكانيكيه يطلبوا المبالغ دى كل حاجه بالميه وبالالف ليه ؟؟؟ أكيد كان فيه بديل . وربنا معاك

[mohamedway]

ربنا يعوض عليك بس انا عاوز أوضح لحضرتك المعلومه الفنيه اللى انت أو أى حد من الميكانيكيه اللى انت روحتلهم كان يعرفها كنت وفرت كتير....

1-الفتيس بتاع الانسر ال1600 بتكنولوجيا Cvt وده شغال على بكرتين و سير معدنى مشدود بينهم و البكرتين دول بيغيرو أقطارهم مع المحافظه على السير مشدود عشان ميحصلش زحلقه و فى نفس الوقت الفتيس يقدر يوصل لنسب نقل الحركه المطلوبه بمرونه أكتر من الفتيس التقليدى اللى فيه تروس و طبعا المايسترو بتاع الموضع ده كله هو الكمبيوتر بتاع الفتيس و لما بيحس بنسبه زحلقه فى السير أو اى حاجه مش مضبوطه بيديلك تحذير عن طريق وميض لمبه الn مع الd زى ما حصل مع حضرتك و الكهربائى أفتالك بانها مشكله كهرباء وهى كانت مشكله فى الفتيس نفسه و الكمبيوتر بيحذرك من المشى بالعربيه....

2-الفتيس الcvt لما بتحصل فيه مشكله ما بيتصلحش و لازم يتغير كله و ده كلام شركه متسوبيشى عن هذا النوع من الفتيسات (يعنى الميكانيكى اللى فك الفتيس و غيرلك السير و البكر ضيع وقتك و فلوسك و النتيجه المعروفه لدى شركه متسوبيشى انه عمره ما هيرجع تانى زى الأول و بتوصى بتغييره وعدم فتحه لعدم جدوى ذلك.

3-حضرتك لما اتجهت انت و الميكانيكى بتاعك انكم تغيروا الفتيس بواحد تانى من بورسعيد كان هو ده الحل الوحيد اللى ما كانش فيه غيره أو تجيبه جديد من التوكيل ب28000 جنيه .

4-وده اهم حاجه عاوز أوضحها لأن واضح من كلام حضرتك انك فى الفتيسات اللى كنت بتجيبها كنت بتجيبلها زيت أوتوماتك عادى و أحب أقول لحضرتك ان الفتيس الcvt له زيت مختلف و بمواصفات خاصه و مش موجود غير فى التوكيل و لو اتحطله زيت اتوماتك عادى بيبوظ علطول(خد بالك قوى من النقطه ده) وممكن تكون هيه السبب فى كثير من المتاعب اللى حصلتلك.

[mohamedway]

الحق نفسك فى الفتيس الجديد و حطله الزيت بتاعه من التوكيل قبل ما يبوظ تانى و تمنه مش 100 جنيه ده هيخشلو فى 400 جنيه و مش موجود غير فى التوكيل بس ولو هتشتريه من التوكيل و تغيره بره قول الراجل اللى فى التوكيل عاوز (زيت فتيس الانسر ال1600 الcvt)عشان يدهولك مضبوط لأن عنهم بردو الزيت العادى للعربيات المتسوبيشى الأتوماتك العادى فى ال1300 و الكريستاله و غيره.....

[bmya]

لاحول ولا قوه الا بالله
انت متاكد ان كل ده حصل
ده قصه فيلم ياباشا ومعلش ازاي حضرتك دفعت ال21000 بسهوله كده؟!!!!!!!!
انت كنت ريحت دماغك وصلحتها فيي التوكيل لكن فعلا لو الكلام ده حصل ودفعت 21000 ج تصليح يبقي انت غلطااااااااااااااااااااااااان ومتلومش غير نفسك
ياباشا ده فتيس اتوماتيك وكمان CVT اذا كان الفتيسسسسسسسسس التوماتيك العادي بيتوهو فييييييه ؟!!!!!
اسمحلي حضرتك غلطان انك ما وديتهاش التوكيل وانصحك انت تروح التوككيل تكشف عليها قبل ما يحصل حاجه تانيه

[Hesham_91]

3300+530+300+100+50+300+6300+4050+6700=21630 :k30:

مش عارف اقولك ايه ربنا يعوض عليك بس متزعلش مني انت متسرع انا لو منك اجري اكشف عليها في التوكيل حالا!!!

[ahmed_gouda]

معلش يا أستاذ أحمد ربنا يعوضهالك فى الخير
بس معلش متذعلش منى حضرتك متسرع شويه ومسرف فى نفس الوقت علشان روحت لميكانيكيه يطلبوا المبالغ دى كل حاجه بالميه وبالالف ليه ؟؟؟ أكيد كان فيه بديل . وربنا معاك

انا ماكنتش عارف ان ده كله حايحصل و بعدين انا اللي كنت مع الميكانيكي و هوه بيجيب الحاجات دي كلها من الحرفيين و الله الاسعار زي ماقولت بالظبط انا فكرت حاغير سير الكاتينه اللي هوه مشدود بين ترسين و خلاص لاكن تاتي الرياح بما لا تشتهي السفن

[ahmed_gouda]

الحق نفسك فى الفتيس الجديد و حطله الزيت بتاعه من التوكيل قبل ما يبوظ تانى و تمنه مش 100 جنيه ده هيخشلو فى 400 جنيه و مش موجود غير فى التوكيل بس ولو هتشتريه من التوكيل و تغيره بره قول الراجل اللى فى التوكيل عاوز (زيت فتيس الانسر ال1600 الcvt)عشان يدهولك مضبوط لأن عنهم بردو الزيت العادى للعربيات المتسوبيشى الأتوماتك العادى فى ال1300 و الكريستاله و غيره.....

شكرا علي النصيحه و جاري التوجه الي التوكيل بجمله المصاريف لاكن انا حاغيره في التوكيل اضمن

[ahmed_gouda]

لاحول ولا قوه الا بالله
انت متاكد ان كل ده حصل
ده قصه فيلم ياباشا ومعلش ازاي حضرتك دفعت ال21000 بسهوله كده؟!!!!!!!!
انت كنت ريحت دماغك وصلحتها فيي التوكيل لكن فعلا لو الكلام ده حصل ودفعت 21000 ج تصليح يبقي انت غلطااااااااااااااااااااااااان ومتلومش غير نفسك
ياباشا ده فتيس اتوماتيك وكمان Cvt اذا كان الفتيسسسسسسسسس التوماتيك العادي بيتوهو فييييييه ؟!!!!!
اسمحلي حضرتك غلطان انك ما وديتهاش التوكيل وانصحك انت تروح التوككيل تكشف عليها قبل ما يحصل حاجه تانيه

انا افتكرت ان دي حاجه بسيطه و خلاص مشيت و بعدين باظت تاني خصوصا ان انا مدفعتش الفلوس كلها مره و احده انا كل مره كنت بقول دي اخر حاجه و خلاص انا لو كنت عارف كده من الاول كنت وديتها التوكيل علي طول

[ihab]

طيب ليه حضرتك مفكرتش تجيب فتيس من التوكيل و تركبه هناك
ده انت كده دافع ثمن اكثر من ثكمن فتيس جديد و الله اعلم

[ahmed_gouda]

مش عارف اقولك ايه ربنا يعوض عليك بس متزعلش مني انت متسرع انا لو منك اجري اكشف عليها في التوكيل حالا!!!

انا ان شاء الله ناوي ابيعها و اجيب زلاموكه مرسيدس موديل 94 و مانيوااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااال
انا خلاص حرمت اركب حديث اوتوماتيك او عاده
وربنا يقويني علي البنزين

[Dr_Smart]

ربنا يعوض عليك

يللا معلش المهم ربنا يباركلك فيها وفي المصاريف والتعب اللي تعبته

بس فيه سؤال فني هام ... ايه اللي يبوظ الفتيس بالسرعه دي ؟؟!!!!! ده ياباني يعني مش صيني وعربية جديده

هو الضمان كان خلص ولا الخليجي مالوش ضمان ؟؟؟؟؟

[ahmed_gouda]

بس فيه سؤال فني هام ... ايه اللي يبوظ الفتيس بالسرعه دي ؟؟!!!!! ده ياباني يعني مش صيني وعربية جديده

هو الضمان كان خلص ولا الخليجي مالوش ضمان ؟؟؟؟؟

لا الخليجي مالوش ضمان لاكن انا بامشي بالعربيه يوميا مش اقل من 150 كم لان انا المعهد بتاعي ف العاشر من الزقازيق للعاشر يوميا حوالي 120 كم رايح جاي و العربيه ماشيه 122000 كم وبصراحه انا ماغيرتش زيت الفتيس ولا مره و ماكانش بينقص لان انا كان عندي شيروكي2001 مانيوال و اول و اخر مره اركب اوتوماتيك

[ahmed_gouda]

طيب ليه حضرتك مفكرتش تجيب فتيس من التوكيل و تركبه هناك
ده انت كده دافع ثمن اكثر من ثكمن فتيس جديد و الله اعلم

اولا الفتيس في التوكيل عامل 28000 جنيه غير المصنعيه 2000
انا سألت كده قالي حايتكلف في حدود 29 او 30 و انا ماكنتش فاكر ان هيا حتصرف كل ده في الاول كل مره كنت بقول دي اخر حاجه و خلاص

[thegreatnileman]

قدر الله وماشاء فعل

بس واضح ان موضوع ال cvt ده مش تمام

وبرضه انا معايا ماتريكس اوتوماتيك بفتيس عادى مش cvt وعمل معايا مشاكل