معرض فورميلا الاهرام وانخفاض اسعار السيارات

[Hosam_Optrawy]

النهارده المعرض هيبدأ وهيتفتح للجمهور ابتداء من بكره الخميس
وطبعا كاتبين ان فى تسهيلات وفايده قليله والكلام ده
بس اللى لفت نظرى ان فولكس نزلت اسعارها بجد وكاتبه الاسعار
بولو هاتشباك السعر 100 بدلا من 115
بولو سيدان 85 بدلا من 95
سوران 90 بدلا من 100
اما بالنسبه لباقى الشركات فكلهم تقريبا هيشاركوا فى المعرض لكن مش كاتبين اى اسعار تخفيضات
ومفيش موديلات جديده نازله غير المرسيدس C 180 الجديده وبعض العربيات الصينى زى جيلى وغيرها

[emadno1]

كله حينزل حينزل هى مساله وقت لان النزول دة حيجبر ناس كتير انها تنزل لان عربيه زى البولو سيدان بولو سيدان 85 بدلا من 95 بقت بسعر النيسان و اقل من الالنترا بكتير و قربت من ناس كتير فلازم الاسعار حتنزل حتنزل

[kahamid]

خلوها تصدي

[zanativich]

please
anybody can tell me the start and finished at what tlime?

[karaktar]

اللى انا شايفه الان ان العربيات الاوروبى هيه اللى بينزل سعرها عدا ذلك مفيش عربيات بينزل سعرها مثل العربيات الاسيويه

[tamerafifi]

الملاحظ على معرض الاهرام للسيارات ان ملحق السيارات اليوم مع جريدة الاخبار فيه اعلانات لعشرة شركات فقط بالاضافة الى اعلان شركة المصرية اللى مجمعه كل الماركات
ولوحظ ايضا ان العشرة شركات ينقسمو الى خمسه اسماء كويسه زى شيفورليه وابل وسوزوكى وفيات وتويوتا والخمسه شركات الاخرى بتوع الاخوة رجال الاعمال الهليبة اللى احضرولنا اسماء غربية من الصين والله مش عارف اقرا نصها يعنى المعرض شكله فقير
وطبعا الاستاذ خالد اباظة المشرف العام على ملحق السيارات بيبشرنا فى مقاله اول صفحه ان استحاله ولايمكن ان اسعار السيارات هتنزل لا بالعكس اشترى الان قبل ما تغلى فكرنى والله بفيلم اسماعيل ياسين وهو فى مستشفى المجانين ( يلا يا جدعان قبل ما يعقل يا جدعان) وبيحمس الناس علشان تروح تشترى النهرده قبل بكره ؟ غريب او الاستاذ خالد اكنو مش من كوكب الارض وشايف الظروف وطبعا كله مظبط علشان يعرفو يضحكو على المستهلك لما نعلى الاسعار نقول اصل الاسعار العالميه ارتفعت طيب الاسعار العالميه انخفضت يا ناس يقولو ايه بئا اصل الاقتصاد المصرى مالوش دعوة بالاقتصاد العالمى متخاصمين دلؤتى يا ريت نتعاون علشان الاسعار تنزل فعلا للمستوى الطبيعى

[nanash]

هى تذكرة الدخول بكام؟

[mo7a_mo7a]

خلوا الشركات المتعنتة المستكبرة المستغلة تصدي
النهاردة منشور في خبر في المصري اليوم ان شعبة منتجي وتجار السيارات بيطلبوا من الجمارك السماح لهم بتخزين السيارات في الميناء لاكثر من 3 شهور لان مخازنهم ومعارضهم مكدسة
وبيرفضوا خفض الاسعار..

خلاص
خليها تصدي وموديلها يعدي ويعملوها عشش فراخ مكيفة بعد كده

[A_H_M_A_D]

هى تذكرة الدخول بكام؟

المواعيد من 11 صباحا إلى 10 مساءا
و التذكرة ب10 جنيه

[tamerafifi]

المواعيد من 11 صباحا إلى 10 مساءا
و التذكرة ب10 جنيه

كمان التذكرة ب 10 جنيه طيب يشربو العرض بئا انا اروح اعد فى كافيه زى الفل ومعايا لابتوب وادخل على النت اتفرج على موديلات العربيات فى العالم كله واشرب نسكافيه وادفع 20 جنيه بس مايتسهلبوناش بئا يعنى عايزنا نروح المعرض ويدفعونا فلوس كمان ايه الجشع دا ؟ دى بئت موضه انى ادفع فلوس وانا داخل معرض معرض عقارى معرض اثاث كله عايز فلوس طيب ادفع ليه ما اروح اشوف اللى انا عايزه فى اى معرض سيارات ولا زحمه ولا قرف ولا جشع:k26:

[Hesham_91]

خـــلــوهــــا تــــــصـــــــدي

[احمد عز]

كمان التذكرة ب 10 جنيه طيب يشربو العرض بئا انا اروح اعد فى كافيه زى الفل ومعايا لابتوب وادخل على النت اتفرج على موديلات العربيات فى العالم كله واشرب نسكافيه وادفع 20 جنيه بس مايتسهلبوناش بئا يعنى عايزنا نروح المعرض ويدفعونا فلوس كمان ايه الجشع دا ؟ دى بئت موضه انى ادفع فلوس وانا داخل معرض معرض عقارى معرض اثاث كله عايز فلوس طيب ادفع ليه ما اروح اشوف اللى انا عايزه فى اى معرض سيارات ولا زحمه ولا قرف ولا جشع:k26:

والله عندك حق لو حتى رحت التوكيل الى انت عوزه حتتفرج على العربيه برده ومش حتدفع ولا مليم

[tamerafifi]

والله عندك حق لو حتى رحت التوكيل الى انت عوزه حتتفرج على العربيه برده ومش حتدفع ولا مليم

'طبيعى يا جماعه ان دخول المعرض يبئا ببلاش for free يعنى على رأى عمنا محمد رضا اما احنا فى مصر تفتق ذهننا على ان الشركة المنظمه تعمل سعر لتذكرة الدخول فتلم فلوس مع الشركات العارضه وتلم فلوس من الجمهور تدفع مثلا 20 % ايجار مكان المعرض و20% دعاية وتطلع بمكسب 60% من الموضوع يعنى اى شركة منظمة فى معرضين فى السنة مثلا عايزة تكسب 5 او 6 مليون ويقولو معرضنا احسن معرض فى مصر انا بحكم شغلى بحتك كتير بشركات تنظيم المعارض وعارف هما بيحسبوها ازاى؟ وعايزنا نروح المعرض باعداد كبيرة علشان يبيع الاماكن للشركات العارضه بسعر اعلى بايدفعونا فلوس كمان؟؟؟؟؟؟ انا عن نفسى زى ما اتفقنا يا أ/ احمد على الكافيه وندخل على النت نتفرج على العربيات ونشرب نسكافيه وسحلب وندفع فلوس اه فى الكافيه اهو انا استفدت من المشاريب لكن مدفعش فلوس علشان طمع رجال الاعمال والشركات منظمة المعارض:k26:

[Eng.Ahmed]

على فكره شركه تنظيم بتكون كسبانه اكتر من كده كمان و من غير بيع تذاكر دخول علشان ليها حسبه تانيه ، فا كان المفروض انهم يخلوا السنه دى من غير تذاكر علشان يشجعوا الجمهور انه يدخل علشان السنه دى هاتكون واقعه اوى و مفيش ناس كتير ليها رغبه انها تروح المعرض وبالتالى يعوض عدد زوار السنه دى ، و المعرض مينفعش يكون معرض من غير جمهور لان المعرض لو بقه مفيهوش رجل كتير العارضين الى مهربوش من المعرض السنه دى اكيد هايهربوا السنه الى جايه

[mohamedbook]

ان شاء الله هروح يوم الجمعة عشان احسرهم شوية
هروح اعملهم احباط شوية

فرجة عشان نعرفهم راينا في شراء السيارات بالاسعار السعرانة دية
وخليها تصدي وموديلها يعدي
:POINTI~2[2]::10D5C8~1107:
وخليها تصدي وموديلها يعدي