تركيب 2 علبة شكمان

[Masaaz]

سؤال فنى هل يمكن تركيب 2 علبة شكمان لسيارة 127 لتقليل صوت الشكمان . حيث ان كل السيارات حتى 128 بها علبة امامية واخرى خلفية . انا لسة مركب شكمان كامل جديد وصوته سىء جداً ومسكت العلبه القديمة ركبتها فى الجديدة كده كبس بأيدى الصوت بقى جميل وهادى جداً اعمل ايه اروح لحد بتاع شكمانات يقطع حته من الماسورة من النص ويركبلى علبة بتاعت 128 ولا اعمل ايه ارجوكم الحل نفسى صوت العربية يبقى هادى ذى العربيات الجديدة والشكمان ميعملش الصوت ده .( مع العلم ان الكهرباء عندى مظبوطة جداً ). معلش طولت عليكم

[samirayad]

سؤال فنى هل يمكن تركيب 2 علبة شكمان لسيارة 127 لتقليل صوت الشكمان . حيث ان كل السيارات حتى 128 بها علبة امامية واخرى خلفية . انا لسة مركب شكمان كامل جديد وصوته سىء جداً ومسكت العلبه القديمة ركبتها فى الجديدة كده كبس بأيدى الصوت بقى جميل وهادى جداً اعمل ايه اروح لحد بتاع شكمانات يقطع حته من الماسورة من النص ويركبلى علبة بتاعت 128 ولا اعمل ايه ارجوكم الحل نفسى صوت العربية يبقى هادى ذى العربيات الجديدة والشكمان ميعملش الصوت ده .( مع العلم ان الكهرباء عندى مظبوطة جداً ). معلش طولت عليكم

طالما أنت جربت وتحسن الصوت فلاداعى للتردد......ومفيش مشكلة ....هو كل اللى حيحصل ان الصوت حيتم اخمادة على مرحلتين .....بس ممكن يأثر معاك شوية فى السحب عن الوضع الحالى.....بس حنعمل ايه مفيش حل غيركدة علشان نحسن الصوت......ومش عاوز أقولك أنة ممكن تشيل العلبة اللى راكبه دلوقتى وتركب علبة أكبر(ويكون عندك علبة واحدة) لأنها ممكن تعمل احتكاك مع المطبات لو العربية مش مرتفعه عن الأرض...............

[Masaaz]

الف شكر على ردك السريع . العلبة لو فى النص ممكن تحك فى المطبات ولو غيرت الى ورا بواحدة اكبر تقريباً ملهاش مكان . ياريت حد مجرب يقولنا .

[samirayad]

الف شكر على ردك السريع . العلبة لو فى النص ممكن تحك فى المطبات ولو غيرت الى ورا بواحدة اكبر تقريباً ملهاش مكان . ياريت حد مجرب يقولنا .

ممكن تختار أفضل مكان على أساس يكون تجويفه أعمق مكان من أسفل وتركب العلبه التانيه وخلاص...طالما الوضع محدود بالنسبة لمكان العلبه الخلفيه

[magedsamyaziz]

انا فكرت اركب علبتين فى عربيتى 127 بس نفسى حد يشجعنى عشان خايف اقول للصنايعى يقولى مينفعش ويضحك عليا عايزين فعلاً حد مجرب

[YaSSerwIN]

بص يا مان انا كنت مركب علبة شكمان وكان صوتها عالى اوى

روحت عند بتاع شكمانات كويس عندنا ركبلى علبة تانية قبليها

بيبقا فيها مصافى بتقلل الصوت

ودلوقتى صوت علبة الشكمان بقا كويس جدا ومش بيطلع غير لما بحرق اوى

وعربيتى بردك 127

[sayom]

علبه الشكمان الاستعمال ممتازه

[Badrowi]

ايه ده هو كل ما حجم العلبة كبر او عدد العلب كتر قل حجم الصوت

[Masaaz]

شكراً للجميع على الردود واتمنى المزيد من المناقشة حول هذا الموضوع

[eldeplomasy]

طيب عندي في الشاهين 3 علب بس وصوت الموتور عالي شوية وواحد زميلي حط ايده على الشكمان ورا وكتمه بقى صوت الموتور زي الياباني ملوش صوت خالص وكان عاجبني جدا فهل ينفع فعلا ازود علبه كمان خصوصا ان العربيات الياباني كلها 4 علب؟؟؟


وايه تاثير العلبة الزيادة دي على السحب واستهلاك البنزين؟؟؟

[samirayad]

طيب عندي في الشاهين 3 علب بس وصوت الموتور عالي شوية وواحد زميلي حط ايده على الشكمان ورا وكتمه بقى صوت الموتور زي الياباني ملوش صوت خالص وكان عاجبني جدا فهل ينفع فعلا ازود علبه كمان خصوصا ان العربيات الياباني كلها 4 علب؟؟؟


وايه تاثير العلبة الزيادة دي على السحب واستهلاك البنزين؟؟؟

لا طبعا ماينفعش.....دا أنت بتقول زميلك كان كاتم الشكمان......طب العربيه حتسحب ازاى......وتحمل الموضوع شويه وبلاش تعمل حاجه ...ممكن تكون طريقة عزل الصوت بتاع مكونات العربيه هو اللى كده....ولايفضل عمل شىء لعدم حوث آثار جانبيه

[eldeplomasy]

شكرا جزيلا لردك السريع

بس كان عندي استفسار وهو ان العربيات الياباني وغيرها 4 علب شكمان وعندي 3 طيب ايه التاثير الجانبي اللى ممكن يحصل لو زودت علبة او غيرت علبة بوحده اكبر شوية؟؟؟

[samirayad]

شكرا جزيلا لردك السريع

بس كان عندي استفسار وهو ان العربيات الياباني وغيرها 4 علب شكمان وعندي 3 طيب ايه التاثير الجانبي اللى ممكن يحصل لو زودت علبة او غيرت علبة بوحده اكبر شوية؟؟؟

الشكمان أسمه العلمى كاتم للصوت (بيشكمه ياعنى )....وأعتقد علشان كده سموه شكمان.......وتغييرك علبه بعلبه أكبر طبعا حيولد صوت أهدأ..........ولكن فد يولد أثر غير مرغوب من ناحية سرعة تدفق العادم لخارج الشكمان......وده فنيا مش مرغوب على أساس ممكن يؤدى الى رفع حرارة الماكينه(لو شايل الثرموثتات يبقى مفيش مشكله بالنسبه للنقطه دى).........وممكن يقلل من سحب السياره (على أساس وجود كسل فى حركة العادم وبالتالى التاثير على سلاسة عملية الحريق)........وممكن أن يؤدى الى زيادة استهلاك البنزين(نتيجة وجود رد فعل من العادم الكسول فى الحاله دى).......ولكن يمكنك التجربه بتكبير حجم أحد العلب على سبيل التجربه وتراقب الاّداء ....لو عجبك أستمر ولو كان هناك شكوى من أى عرض من الأعراض التى وضحتها لك يمكنك الرجوع الى الوضع القديم ....ويادار مادخلك شر......لأن الموضوع ده لن تعرف نتيجته الا من خلال التجربه وكلامى كله هو وجهة النظر العلميه.......

[eldeplomasy]

فعلا كلام حضرتك مقنع عموما هجرب واشوف وهبقى ابلغكوا بالتجربة

[Maged_Samy]

اخيرا يا جماعة ركبت علبة تانية فى 127 وهى عبارة عن علبة اسمها علبة تبريد او فتلر بتاع سيارة 131 وبعد ماركبته الصوت بقى ممتاز جداً وحرارة الموتور حسيت بفرق ملحوظ فيها ـ وانصح جميع مالكى 127 بتركيب علبة التبريد دى واسمع صوت عربيتك. مع العلم ان هذه العلبة ليست علبة عادية ولكنها علبة بداخلها ماسورة عدله بها خروم كتيرة .