كولت الجديده؟؟؟؟؟

[zozza]

حد يا جماعه يعرف حاجه عن الكولت الجديده
كنت هشترى لانسر كلاسيك 1300 ب 88 الف من المصريه
بعدين شوفت الكولت الجديده و عرفت انها 1500 و ABS و Tibtronic و 2 AirBags
هيا تمنها 95 الف و انا ممكن ازنق نفسي وشتريها ... بس هل تستاهل الزنقه؟؟؟؟؟
انا سمعت انها متجمعة اتحاد اوروبي و طبعا معرفش دي حاجة كويسه ولا لأ
افيدوني

[Dr Ahmed]

لو زنقة بزنقة يبقى تقارن لانسر 1600 ب كولت 1500 ، واللى هيفصل بينهم 3 حاجات:
1- ذوقك فى إختيار الشكل المفضل لك ولأسرتك.
2- توافر وأسعار قطع الغيار.
3- سعر و سرعة إعادة البيع.

[مصراوي جدا]

الكولت الجديدة هي تصنيع اتحاد اوروبي فعلا
وأعتقد دي حاجه كويسة مش وحشة لأن عندهم اشتراطات تصنيع وأمان عالية جدا وده ممكن تعرفه من موقعهم

http://www.mitsubishi-motors-europe....dels/colt5door

محركها هو نفس محرك اللانسر الشكل الجديد موديل 2008 يعني 1500 سي سي وهو أقوى من محرك اللانسر الحالي 1600
وده لأنه مايفاك MIVAC يعني نظام ميتسوبيشي المبتكر للتحكم الالكتروني في حركة الصمامات (الصبابات) الخرج بتاعه 109 حصان

انا حطيت تفاصيل كتير أوي للكولت في صفحتها في موقع مصرية الحالي

بخصوص قطع الغيار طبعا استوردنا ليها من اوروبا قطع غيارها بالكامل من فترة

يا ريت لو فيه أي تساؤل بخصوصها انا جاهز

مبدأيا الكولت لن تلقى نجاح أو إنتشار فى مصر مثل اللانســـر نهائى وده أمر شبه مؤكد

أنا لحد دلوقت مشوفتش واحده فى الشارع و شوف أنا متفرج عليها من أيام فورميلا الأهرام و لحد دلوقت ولا واحده فى الشارع ليه ؟ طبعا شكلها مش قد كده (ده رأييى ورأى إللى إتفرجوا عليها و أعرفهم) يعنى الكولت القديمه شكلها كان تحفه لكن الشكل الحالى لآ ثانى حاجة 95 ألف محدش هايدفعهم فيها ده برده رأى شخصى

وبالتالى سعر إعادة البيع و إنتشار قطع الغيار (خارج التوكيل) ده أمر صعب جدا

بالنسبة للموتور بتاعها لاغبار عليه

رأيى : إصبر شهر ونص بس هايكون لانسر الشكل الجديد نزلت و بالتالى الشكل الحالى هايرخص و ساعتها تقدر تقرر تزنق نفسك فى اللانسر الجديدة ولا القديمة (القديمة إللى هو الشكل الحالى و ده هاينزل منه 2008 برده مع الشكل الجديد)

[zozza]

هي فعلا شكلها من ورا مش اد كده ... بس مجملا هيا عربيه جامده جدا علي حد علمي ... وطبعا عندك حق في موضوع اعادة البيع ... بس ليا سؤال ... هل لو اعتمدت علي التوكيل فقط لا غير في قطع الغيار هايسد معايا ولا كمان سنتين مش هلاقي معظم قطع الغيار

الي الاخ مصراوي جدا ... ممكن تبعت الرابط الخاص بالتفاصيل من موقع مصريه

شكرا لكم جميعا ... انا فعلا بحس اني هنا باخد نصيحه من ناس خايفه عليا

[memo_hefnawy]

التوكيل أكيد هايوفر قطع الغيار مش دى المشكلة المشكلة هى فى أسعارها فى التوكيل خصوصا إن ممكن يوفرلك بعض قطع الغيار بالطلب يعنى ممكن تطلب حاجة و تستنى فتره على ما تيجى الكلام ده مش دلوقت الكلام ده بعد سنتين مثلا لأن العربية هاتكون مش منتشره كما هو واضح و بالتالى لو كان جاب قطع غيار دلوقت فمش هايجيب و يركن بعد كده إلا قليل

النقطة التانية ذى ما وضحتلك إحنا فى آخر السنة شهر واحد و موديلات السنة الجديدة تنزل حرام تجيب دلوقت

[مصراوي جدا]

رابط الكولت في موقع شركة مصرية

http://www.mitsubishi-motors.com.eg/.../colt/colt.htm

بخصوص قطع الغيار طبعا (مصرية) ملتزمة بتوفيرها طالما العربيات بتجري في مصر