خواطر و إنسانيات من واقع المقابلة السريونية الثانية - بالصور

**Ahmed-Moustafa** · 09-02-2009 08:53 PM

السلام عليكم ورحمة الله
أولاً وحشنى نايل موتورز و وحشتونى كلكم بس كان إبتعادى عن المنتدى منذ إنتهاء المقابلة الثانية بالتحديد وكان المفروض على الأقل أرفع الصور بس سامحوني على الغياب الطويل ظرف الشغل مابترحمش

ثانياُ كان نفسى أكون معاكم فى المقابلة الثالثة بس للأسف مش هقدر لأني مسافر خارج مصر وإن شاء الله راجع آخر مارس بس فعلا أنا كنت مستني المقابلة دي قوى بس الحمد لله قدر الله وما شاء فعل ( بس هتخسروا الصور بتاعت الكاميرا الجديدة :) اللى وعدتكم بيها فى المقابلة الأولى)

ثالثاُ
لفت إنتباهي فى المقابلة الثانية جانب مهم قوى و أكبر من إن المقابلة لملاك السيريون للحديث عن مشاكل و مميزات العربية, الجانب ده هوا الجانب الإنسانى و الروح الموجودة و إنه كان يوم يعتبر فسحة و ترويح عن النفس لمعظم الحضور
كان كل الناس بيتكلمو مع بعض و كأنهم يعرفوا بعض من زمن بعيد و إتكلمنا فى مواضيع كتير و أقلها الحديث عن العربية وكان فيه أعضاء كتير من غير ملاك السيريون ولم نشعر بأى فرق أو إنهم من غير ملاك الديهاتسو لأن أساساُ اللى جامعنا هى الروح و ليس ماركة السيارة فى عقد البيع
معلش طولت عليكم و أسيبكم مع الصوروطبعاً هتشوفوا فيها كل اللى إتكلمت عليه و راجعلكم تاني كمان شوية

و طبعا الإجتماع شهد حضور العديد من المسؤليين الكبار

و كان للجانب النسائي حضور طاغي طبعاً

دى عربية مهندس محمد عبد الصمد

و دي طبعاً عربيتي المتواضعة

دى أملاك المجتمع السيريوني

دي مجموعة من الصور الموجودة و معلش كان نفسي فعلاً أحضر المقابلة التالتة وأنا فى قمة الحزن بس إن شاء الله تتعوض

و أخيراً دي الكاميرا الإحترافية الجديدة اللى مالهاش نصيب تحضر معاكم المقابلة الجاية

وأشفكم إن شاء الله منورين فى المقابلة الجاية و ماتنسونيش

ومستني تعليقاتكم و الردود

**أبو عبدالله** · 10-02-2009 12:23 AM

فينك يا راجل يا طيب
والله وانت كمان وحشنا

عالعموم ربنا ييسرلك امرك وترجع بألف سلامة ان شاء الله
والف شكر على الصور الجميلة

**ows212** · 10-02-2009 02:39 AM

الله يعطيك العافية يا استاذ احمد
كان نفسى لو حضرتك ذكرت الأسماء علشان نعرف الناس وشكرا

**Ahmed-Moustafa** · 10-02-2009 10:57 AM

معلش يا جماعة والله الوقت اللى بفضى فيه مش ببقى قادر أفتح الكمبيوتر أصلاً ببقى مش عايز أشوفه حتى :K_crying[1]:
بس معلش و إن شاء الله اكون معاكم في المقابلة الرابعة بس إفتكرونى بالخير