طريق الكريمات.... مش ممكن

[medooooo]

ازيكو يا احلى ناس انا عضو جديد وان شاء الله هستمر معاكو الاول حابب اعرف نفسى من غير ما اطول انا محمد كفايه كده.. المهم
انا شغال فى محطة الطاقة الشمسية اللى بتتعمل فى الكريمات طريق الصعيد الصحراوى الشرقى ايه الجمال ده بجد مش ممكن ..اللى حابب يجرب سحب عربيته يجرب الطريق ده
200 و220 يا معلم واخر جمال انا بروح واجى عليه كل يوم وبجد كل يوم بحس انى فى مغامرة جديدة يا ريت اللى جرب الطريق ده يقولى رأيه فيه وياسلام لو كل الطرق السريعة فى مصر كده وعلى فكره مافيش رادار بس خلى بالك لما تمسك الاوتوستراد من حلوان اوعى يغرك جسمك

[blazer]

طريق اكتر من روعه
واحد من افضل الطرق اللى اتعملت لان القوات المسلحه هى اللى عاملاه

[1.8Tee]

أهلا بيك....

أنت عارف اية معنى اللى مكتوب فى التوقيع؟.

[KoDaK_Gti]

طريق جااااااامد جدا جدا ( طريق بلدنا على فكرة )
والسرعة فيه 120 قانونى بس انا جبت عليه 210
ومفيهوش رادار لسة هما معلقين لوحات الرادار بس مفيهوش اصلا

[medooooo]

انهى جزء بالظبط لو اللى فى الصوره بصراحه لا

[ابو فرح]

انا مشيت عليه مره واحده بس فعلا طريق محترم جدا ويغر للجرى

[A.Saad]

هوة كام حارة
اخبار
النقل التقيل ايه عليه
الاضاءة والمنحنيات

[medooooo]

الطريق عباره عن 3 حارات كبار من غير اضائة والنقل التقيل قليل عليه بس هوه فيه ملف واحد رخم شوية وطويل

[A.Saad]

شكرا يا غالى

[karmoty]

يا جماعة الطريق ده 100 100 مفيهوش غلطة بس دخلته من حلوان مقرفة وبتخوف بصراحة بليل إنما هو كطريق انا بسافر من عليه علطول و لا زراعي بأه ولا دياولو الحمد لله ياريت كل طرقنا زي الطريق ده.

[karmoty]

بس حوار الردار ده عرفتوه ازاي يا جماعة أنا بصراحة معرفش

[aif]

هو الطريق ده فين بالظبط ... وهل هو برسوم ولا مجاني

[Ahmed Selim]

هو الطريق ده فين بالظبط ... وهل هو برسوم ولا مجاني

يا باشا القوات المسلحة هى اللى عملته......يعنى الحكومة.....هتلاقيه زى طريق العين السخنة ب 5 جنيه فى الناحية الواحدة........يعنى 10 رايح جاى

[nabaster]

بصراحه طريق ولا اروووووووووع انا سافرت عليه لحد دلوقت حوالي 8 او 9 مرات بس بصراحه شعور ميتوصفش طريق طواااااااااااااااااااااااالي تبقي مش شايف نهاية الطريق

انا جبت عليه بعربيتي بيجو 504 ال 180 مرتااااااااااح وكنت محمل الشنطه والعربيه فيها 4 افراد غيري انا

بس العيب بقي لما تدخل علي حلوان وطريق الاتوستراد زحمه موووووووووووت الصبح الساعه 8 وبتلاقي العربيات جمبك علي 130 و 140 وبيغرز منك انا بتروش موووووووت بس بردو مش بقدر اهدي بحس اني هتاخد في الرجلين

[KoDaK_Gti]

يا باشا القوات المسلحة هى اللى عملته......يعنى الحكومة.....هتلاقيه زى طريق العين السخنة ب 5 جنيه فى الناحية الواحدة........يعنى 10 رايح جاى

+1111 بالظبط كده فعلا الكارته ب 5 جنيه
ومكانه هو على امتداد طريق الاتوستراد هتعدى على 15 مايو وحلوان
وتكمل هتلاقى يافطة مكتوب عليها الكريمات
ومطلع كوبرى على اليمين اوى كده هو ده طريق الكريمات