سؤال عن كبالن ال 405

[M.Mekawy]

الكبالن عندى يا جماعة جابت جاز , بأمانة العربية كلها جابت جاز , 405 موديل 97 , و انا نفسي اجيب عربية من الصيف اللى فات و معايا فلوسها كاش , بس ان شاء الله مش هجيب حاجة غير لما العربيات ترخص , ما علينا , سؤالى عن رؤوس الكبالن هل هى بتتباع لوحديها جديدة من غير الطقم كامل , لان الطقم كامل ب 900 جنيه , و فين و بكام و كده يعنى.
متشكرين عالمساعدة مقدما

[nabaster]

الكبالن عندى يا جماعة جابت جاز , بأمانة العربية كلها جابت جاز , 405 موديل 97 , و انا نفسي اجيب عربية من الصيف اللى فات و معايا فلوسها كاش , بس ان شاء الله مش هجيب حاجة غير لما العربيات ترخص , ما علينا , سؤالى عن رؤوس الكبالن هل هى بتتباع لوحديها جديدة من غير الطقم كامل , لان الطقم كامل ب 900 جنيه , و فين و بكام و كده يعنى.
متشكرين عالمساعدة مقدما

ايه يا عم براحه شويه حاسك بتجري وانتا بتتكلم انتا ليه مستعجل كده؟؟

عموما استني شويه حالا معلمين ال 405 يجو يردو عليك

هيرو نور حد يستلم الزبون ده

[M.Mekawy]

لا و الله لا مستعجل و لا حاجة يا باشا بس عايز اجيب مالاخر عشان الناس متزهئش , بس فين معلمين المنطقة هنا يا جماعة , عايزين المشورة .

[the-hero]

بص ياباشا عندك روس كبالن جديدة الواحدة ب 225 ج وكويسا اوى
ده فى حاله لو الكبلن يطقطق فى الملفات او اى طقطقة مع الماشى
لكن لو فيه صوت رزعه فى الطلعه أو دبه لما تسيب دبرياج فده فى الراس الثابت اللى مبيتبعش والصليبة كذالك
فى الحاله ديه ممكن تجيب راس استيراد أو صليبه أستيراد
أو تجيب طقم كبالن أستيراد ب 500 جنيه

[M.Mekawy]

لا يا باشا هو صوت طقطقة بس عشان كده كنت بسال على الرؤوس بس ,هو لو كده يبقى تمام, طب اجيبها منين دى يا باشا؟

[harphosh]

بص ياباشا عندك روس كبالن جديدة الواحدة ب 225 ج وكويسا اوى
ده فى حاله لو الكبلن يطقطق فى الملفات او اى طقطقة مع الماشى
لكن لو فيه صوت رزعه فى الطلعه أو دبه لما تسيب دبرياج فده فى الراس الثابت اللى مبيتبعش والصليبة كذالك
فى الحاله ديه ممكن تجيب راس استيراد أو صليبه أستيراد
أو تجيب طقم كبالن أستيراد ب 500 جنيه

+1000000 ممكن تجيب كل حاجة للعربية من شارع مجلس الأمة " عادل داغر أو شعبان أو الأصدقاء وفيه ناس كثير هناك " ولو عزيزى أحمد يعرف حد تانى برضه يفيدنا لأنه الشهادة لله أستاذ 405

[the-hero]

+1000000 ممكن تجيب كل حاجة للعربية من شارع مجلس الأمة " عادل داغر أو شعبان أو الأصدقاء وفيه ناس كثير هناك " ولو عزيزى أحمد يعرف حد تانى برضه يفيدنا لأنه الشهادة لله أستاذ 405

استاذ محمد بنفسه بيرد على الموضوع بنفسه ياد النور
ياباشا ده بس من زوقك وكرم اخلاقك
والرؤس عن اى موزع قطع غيار بيجو فرنسية اواوربيه
فى شارع مجلس الأمة او فى مدينة نصر عند واحد اسمه مصطفى حسين والأخ نور ممكن يدلك عليه
انا عن نفسي بتعامل مع موزعين عندنا فى الشرقية كبار جدا واسعارهم معقولة جدا

[Nour_Peugeot]

ايو يا جامع ممكن تتجاب جديده من عند مصطفي شوقي

وو مصطفي شوقي ده مستورد قطع غيار بيجو و هو في شارع مكرم عبيد خلف التوحيد و النور

و يا باشا انت عارف ان ممكن ب 5 الف جنيه تش العربيه شده كامله تبقي عروسه

[M.Mekawy]

الف شكر يا نور باشا و يا hero باشا , ربنا يكرمكوا على المساعدة , و عامة انا لا عايز اشد ولا عايز ارخى
أنا عايز اصم بس عزيزة لحد ما ربنا يكرم .
متشكر مرة تانية.

[lkul]

ممكن بعد اذنكم سؤال
لو عربية بيجو 309 معدلة ماتور 405 -1300 سىسى
يبقا العفشة والكبالن وكل اجزاء العربية وقطع غيارها 405 وبستثناء طبعا الجسم الخارجى والقاعدة وهل يوجد ماتور 405 1300 سىسى ؟؟
ارجو سرعة الرد

[the-hero]

ممكن بعد اذنكم سؤال
لو عربية بيجو 309 معدلة ماتور 405 -1300 سىسى
يبقا العفشة والكبالن وكل اجزاء العربية وقطع غيارها 405 وبستثناء طبعا الجسم الخارجى والقاعدة وهل يوجد ماتور 405 1300 سىسى ؟؟
ارجو سرعة الرد

مفيش ماتور بيجو 405 1300 سي سي ووكمان فى كل الموديلات مفيش 1300 خالص غير فى ال 305 بس
غير كدا ممكن يكون ماتور 1400 بس ملعوب فى ورقة
العفشة مش شرط تكون 405 واحنمال كبير تكون نفس عفشة العربية الا لو راكب فيها تعديلات
بس اكيد الكبالن 405

[mbx4e]

مفيش ماتور بيجو 405 1300 سي سي ووكمان فى كل الموديلات مفيش 1300 خالص غير فى ال 305 بس
غير كدا ممكن يكون ماتور 1400 بس ملعوب فى ورقة
العفشة مش شرط تكون 405 واحنمال كبير تكون نفس عفشة العربية الا لو راكب فيها تعديلات
بس اكيد الكبالن 405

انا كنت عايز اقول زي ما انت قايل بس مش فيه احتمال يا استاذ هيرو انه يقصد المكنة السودا العدلة اللي بيسموها تي يو3 >TU3< طبعا المكنة دي نازله في 205 بسعات مختلفة منها 1300 و 1360 cc وسعات تانيه فهل ممكن يكون في خلط او سوء فهم عشان المكنه 1400 او 1360 دي اللي يقصدوها عشان ال 405 نزلت بالمكنة والسعه دي ودي معلومات انا متاكد منها