ممكن اعرف أسعار قطع غيار الشيروكي موديل من 95 إلى 98

[ahmed81samy2000]

ناوى أشترى شيروكي موديل من 95 إلى 98 حسب الحالة بس عايز اعرف قطع الغيا ربتاعتها بكام ؟؟؟؟ يا ريت كل واحد إشترى حاجة يكتب سعرها عشان اعرف اكبر قدر من قطع غيارها

[ahmed81samy2000]

أسعار قطع غيار شيروكي من 95 إلى 98

العربية الى ناوى اشتريها مانيوال 2400 سي سي
فين الردود يا جماعة الشيروكي

[M!NA]

بص يا أستاذ أحمد...

95 ل 97 شكل... و 98-2001 شكل تاني

بتختلف في الفوانيس الخلفية.. و شكل التابلوه و الفوانيس الأمامية...

لو عايز نصيحتي... خليك في الشكل الجديد... (من 98 - 2001)

تاني حاجة لازم تعرفها أن قطع غيار ال4 سلندر أغلى من قطع غيار ال6 سلندر...

بس فيه حاجات بتتوفق... و برضه استهلاك البنزين القليل في ال4 سلندر بيعوضك عن غلاء قطع الغيار...

بالنسبة لأسعار قطع الغيار
ممكن تسألني عايز ايه تحديدا و لو أعرف هجاوبك..

أو ممكن أسأللك عليها لو معرفتش...

[ahmed81samy2000]

شكرا لردك الصراحة انا اول مرة حجيب جيب بس انا بدور على قطع غيار ارخص طبعا واستهلاك بنزين اقل واظن ان 2400سي سي بتتوافر فيها دة بس عايز اعرف قطع الغيار زى المساعدين - طرمبة الزيت - فلتر - فوانيس - سيور - إكصدامات - عموما قطع الغيار الهامة فى العربية

[M!NA]

شكرا لردك الصراحة انا اول مرة حجيب جيب بس انا بدور على قطع غيار ارخص طبعا واستهلاك بنزين اقل واظن ان 2400سي سي بتتوافر فيها دة بس عايز اعرف قطع الغيار زى المساعدين - طرمبة الزيت - فلتر - فوانيس - سيور - إكصدامات - عموما قطع الغيار الهامة فى العربية

طقم مساعدين ممكن يعمل من 400 - 600 الجوز حسب النوع
فلتر الزيت في الهيئة العربية للتصنيع ب35 جنيه (أصلي MOPAR)
سير الدينامو (سير الادارة الخارجي) أصلي ب198.5 جنيه (في الهيئة)

الفوانيس الخلفي ب140 الواحد و الأمامي بيبدأ من 25 النوع الهندي

بس مع احترامي لرأيك... كل قطع الغيار اللي حضرتك سألت عليها مش مهمة

انتا عندك اكصدامات حديد بسمك حوالي 2 مللي تقريبا...
يعني انسى انك تغير اكصدام

كذلك الفوانيس... لأنها عالية عن باقي العربيات... اللي هيجيبك يادوب هيجيب أول اكصدامك...

لو هتركب جيب... راجع على الكوارين... و الفتايس... و علبة الدركسيون و طرمبة الباور...

اوعا تجيب جيب فيها كورونة أو فتيس بايظ,,,, هتصرف ثروة عشان تلاقي حاجة كويسة... و انتا و حظك...

و في النهاية ربنا يوفقك... لو قدامك حاجة و حبيت تكشف عليها ابعتلي و انا هساعدك....

[ahmed81samy2000]

شكرا لسرعة ردك وربنا يوفق فى عربية كويسة

[gamalnassef]

y agama3a ana nawy ageeb 7aga model 1998 - 2001. feen a7san makan momken ala2y 7aga ndifa ? we kaman momken akshef 3ala el 3arabia feen ?

[M!NA]

دور في اعلانات الوسيط و كونتاكت كارز....

أما أحسن مكان تكشف فيه... ممكن أبعتلك تفاصيل مركز الخدمة اللي بتعامل معاه لو تحب...

[gamalnassef]

shokran 3ala ehtemamak brlmawdo3.
law momken teb3at le esm we makan markaz el7'edma beta3ak...akon shaker liik.
tefteker law 7aga nedifa ykoon se3raha kam?
we aih a7san model fe elshakl dah ?

[fescoz]

كنت عايز استفسر عن الاسعار من 98 -2001 ؟ وشكرا