Tweet
أصدقائى الأعزاء
أحب أشارك فى موضوع يمكن يفيد حد لو ظهر العيب دة عندة فيعرف أية المشكلة . والمشكلة هى ظهور صوت نحر فى العجل من قدام ويظهر عندما أكون على سرعة معينة وأخفض السرعة وطبعا أنا ما كنتش عارف المشكلة فى أى عجلة , المهم رحت للحاج محمد على وأبنة عمر ,قال ممكن يكون بلى العجل
فقلى دة ممكن تعمل حسابك فى طقم 4 بليات ودول عند الحاج خطاب اللى فاتح جنبة فرحنا سألنا عليهم فقال الطقم الواحد ودة يتكون من بليتين واحدة صغيرة وواحدة كبيرة ب 50 جنية يعنى الطقمين للعجلتين ب 100 جنية المهم الحقيقة أنا كنت حاسس أنة مغليهم شوية بس أنا ما فاصلتش معاة المهم عمر فك العجلة اليمين وطلع رمان البلى وأداة للحاج محمد فحصهم كويس وقلى دول ما فهمش حاجة , ففك العجلة التانية وطلع رمان البلى فوجد البلية الصغيرة بايظة بس العيب اللى فيها خلانى أستغربت أنها تعمل العيب دة وكان العيب فيها هو تنقير فى البلى الموجود جواها فركبت بلية واحدة ب25 جنية ,والصوت راح ,وخليت الحاج محمد ظبطلى التاكيهات ,بس لما مشيت بالعربية تانى يوم حسيت أن العربية مش مظبوطة ولاحظت أن السير كمان فية شق وعل وشك أنة يتقطع ,فقلت الحق نفسى . فرحت بسرعة تانى للحاج محمد علشان يظبطها وبالمرة يركبلى سير .والحقيقة الحاج محمد وأبنة عمر أول ما رحتلهم أشتغلوا فى العربية وظبطوها تانى وقام الحاج محمد بتغيير السير بنفسة وأشتريتة من خطاب وهو المحل اللى جنبة ب 10 جنية , والعربية أتظبطت,بس اليوم التالى كانت هناك شغلانة على الصبح ,ومفاجأة لم أكن أتوقعها , طبعا أنا نازل الصبح ورايح الشغل ويدوبك على الميعاد ودورت العربية لاقيت لمبة الدينمو منورة, قلت يمكن سلكة مفلوتة, ففتحت الكبوت لقيت السير فالت ؟؟؟؟؟؟؟؟؟ أزاى معرفش ؟؟؟؟؟؟؟؟ ولو ماختش بالى أنتوا عارفين كان هيحصل أية ولا أذا كانت اللمبة مش شغالة ومشيت بيها .المهم شمرت كمامى على الصبح وقعدت أركب فى السير ودى كانت أول مرة أركبة ولاحظت أن فية جنب من السير مخدوش وتيلة خيط موجودة فى جنب السير مقطوعة . المهم ركبتة , ورحت مشوار الشغل ولما وصلت قلت أطمن علية لقيت السير مقلوب على الطمبورة يعنى الجزء المشرشر لفوق والمسطح هو اللى فى مجرة الطمبورة والسير بقى حالة أسؤ, المهم فكيتة تانى وسبتة لأنى أتأخرت . وقلت لما أخرج من الشغل أركبة تانى , المهم بعد الشغل خرجت ورحت أركب السير وكانت شغلانة خديت منى حوالى ساعتين , لية بقى ساعتين .علشان طبعا وأنا بخلع نص الطنبورة طلع معايا النص التانى وأنا كنت فاكر أنة عادى بيركب زى النص اللى برة ,أتارى فية حتة حديدة صغيرة نص سنتى بتركب فى تجويف صغير فى الأكس بتا ع الدينمو ودى اللى بتمنع الطنبورة تلف على الفاضى وتمسك فى الأكس ومشكلتها أنها صعبة فى التركيب لأن كل ما تحطها وتيجى تركب الطنبورة تقع وتتطلع من مكانها غير أنها تقع و أدور عليها وأبقى محتاس ,فين وفين لحد ما عرفت أركبها تانى ,وبعد مجهود مضنى ركبت السير وروحت .طبعا العيب فى السير كان نوعة سىء جدا وطرى , ودة سبب أنة بيتقلب .طبعا أنا كنت وأنا مروح مضايق جدا وقلت لازم أرحلة وأورية السير بتاعة عمل أية,وأسأل الحاج محمد لية أساسا السير فلت بعد ما ركبة ,المهم طول منا ماشى رايحلة وأنا أفكر فى الموضوع هو لية السير فلت؟ ويعمل فيا العملة دى ؟؟؟؟؟ وبعد ما وصلتلة أفتكرت أن اليوم دة هو الأحد وهما قافلين يعنى خدت المشوار على الفاضى ,طبعا روحت متأخر , وبصيت تانى على السير لقيتة أتقلب تانى , قلت لازم أغيرة تانى وأمرى للة , رحت أشتريت واحد تانى نوعة هندى أحسن من الأولانى اللى كان نوعة تيوانى , طبعا ولا تيوانى ولا حاجة لأنة ردىء جدا ,طبعا فكيت الطنبورة تانى وركبت السير الجديد.وأطمنت علية النهاردة ولقيتة راكب كويس والحمد للة .بس فيةحاجة كنت عايز أسأل عليها محيرانى جدا وأرجو أن حد يرد عليا فيها لأنى سألت أتنين ميكانيكية عليها ومحدش أدانى جواب مفيد وهى أنى لما أدوس بنزين والعربية واقفة الاقى فية صوت أهتزاز فى العربية (فيبراشن) بس أمبارح لما كان السير الطرى راكب فى العربية كان الفيبراشن دة بسيط ولما ركبت السير الكويس زاد صوت الفيبراشن أكتر من الأول .فأنا بيتهيألى أن التربينة بتاعة المروحة فيها حاجة مثلا ممكن يكون فيها أعوجاج فتعمل الفيبراشن دة فى الماتور وفى العربية نفسها , فأنا بفكر أنى أفك السير تانى وأدور العربية وهى واقفة وأدوس بنزين فأذا راح الصوت يبقى هى السبب ,فهل ممكن المروحة بتاعة التبريد تعمل العيب دة ولا هفك على الفاضى فهل حد عندة المشكلة دى وعالجها قبل كدة؟ لدرجة أنى بفكر أنزل الماتور علشان أعرف المشكلة فين ؟ لأن واحد ميكانيكى قلى يمكن الزيت ما تغيرش بقالة فترة وغيرتة والمشكلة زى ما هى .وواحد تانى قلى الصاج مكبوس على الماتور من تحت من ورا .وأنا بصيت فية ولاقيتة مش ملامس للماتور ولا حاجة وخليت الميكانيكى قبل كدة كشف على قواعد الفتيس لقاهم كويسيين . فلو حد عندة جواب أكون شاكر لة . ودمتم والى لقاء أخر.
أحب أشارك فى موضوع يمكن يفيد حد لو ظهر العيب دة عندة فيعرف أية المشكلة . والمشكلة هى ظهور صوت نحر فى العجل من قدام ويظهر عندما أكون على سرعة معينة وأخفض السرعة وطبعا أنا ما كنتش عارف المشكلة فى أى عجلة , المهم رحت للحاج محمد على وأبنة عمر ,قال ممكن يكون بلى العجل
فقلى دة ممكن تعمل حسابك فى طقم 4 بليات ودول عند الحاج خطاب اللى فاتح جنبة فرحنا سألنا عليهم فقال الطقم الواحد ودة يتكون من بليتين واحدة صغيرة وواحدة كبيرة ب 50 جنية يعنى الطقمين للعجلتين ب 100 جنية المهم الحقيقة أنا كنت حاسس أنة مغليهم شوية بس أنا ما فاصلتش معاة المهم عمر فك العجلة اليمين وطلع رمان البلى وأداة للحاج محمد فحصهم كويس وقلى دول ما فهمش حاجة , ففك العجلة التانية وطلع رمان البلى فوجد البلية الصغيرة بايظة بس العيب اللى فيها خلانى أستغربت أنها تعمل العيب دة وكان العيب فيها هو تنقير فى البلى الموجود جواها فركبت بلية واحدة ب25 جنية ,والصوت راح ,وخليت الحاج محمد ظبطلى التاكيهات ,بس لما مشيت بالعربية تانى يوم حسيت أن العربية مش مظبوطة ولاحظت أن السير كمان فية شق وعل وشك أنة يتقطع ,فقلت الحق نفسى . فرحت بسرعة تانى للحاج محمد علشان يظبطها وبالمرة يركبلى سير .والحقيقة الحاج محمد وأبنة عمر أول ما رحتلهم أشتغلوا فى العربية وظبطوها تانى وقام الحاج محمد بتغيير السير بنفسة وأشتريتة من خطاب وهو المحل اللى جنبة ب 10 جنية , والعربية أتظبطت,بس اليوم التالى كانت هناك شغلانة على الصبح ,ومفاجأة لم أكن أتوقعها , طبعا أنا نازل الصبح ورايح الشغل ويدوبك على الميعاد ودورت العربية لاقيت لمبة الدينمو منورة, قلت يمكن سلكة مفلوتة, ففتحت الكبوت لقيت السير فالت ؟؟؟؟؟؟؟؟؟ أزاى معرفش ؟؟؟؟؟؟؟؟ ولو ماختش بالى أنتوا عارفين كان هيحصل أية ولا أذا كانت اللمبة مش شغالة ومشيت بيها .المهم شمرت كمامى على الصبح وقعدت أركب فى السير ودى كانت أول مرة أركبة ولاحظت أن فية جنب من السير مخدوش وتيلة خيط موجودة فى جنب السير مقطوعة . المهم ركبتة , ورحت مشوار الشغل ولما وصلت قلت أطمن علية لقيت السير مقلوب على الطمبورة يعنى الجزء المشرشر لفوق والمسطح هو اللى فى مجرة الطمبورة والسير بقى حالة أسؤ, المهم فكيتة تانى وسبتة لأنى أتأخرت . وقلت لما أخرج من الشغل أركبة تانى , المهم بعد الشغل خرجت ورحت أركب السير وكانت شغلانة خديت منى حوالى ساعتين , لية بقى ساعتين .علشان طبعا وأنا بخلع نص الطنبورة طلع معايا النص التانى وأنا كنت فاكر أنة عادى بيركب زى النص اللى برة ,أتارى فية حتة حديدة صغيرة نص سنتى بتركب فى تجويف صغير فى الأكس بتا ع الدينمو ودى اللى بتمنع الطنبورة تلف على الفاضى وتمسك فى الأكس ومشكلتها أنها صعبة فى التركيب لأن كل ما تحطها وتيجى تركب الطنبورة تقع وتتطلع من مكانها غير أنها تقع و أدور عليها وأبقى محتاس ,فين وفين لحد ما عرفت أركبها تانى ,وبعد مجهود مضنى ركبت السير وروحت .طبعا العيب فى السير كان نوعة سىء جدا وطرى , ودة سبب أنة بيتقلب .طبعا أنا كنت وأنا مروح مضايق جدا وقلت لازم أرحلة وأورية السير بتاعة عمل أية,وأسأل الحاج محمد لية أساسا السير فلت بعد ما ركبة ,المهم طول منا ماشى رايحلة وأنا أفكر فى الموضوع هو لية السير فلت؟ ويعمل فيا العملة دى ؟؟؟؟؟ وبعد ما وصلتلة أفتكرت أن اليوم دة هو الأحد وهما قافلين يعنى خدت المشوار على الفاضى ,طبعا روحت متأخر , وبصيت تانى على السير لقيتة أتقلب تانى , قلت لازم أغيرة تانى وأمرى للة , رحت أشتريت واحد تانى نوعة هندى أحسن من الأولانى اللى كان نوعة تيوانى , طبعا ولا تيوانى ولا حاجة لأنة ردىء جدا ,طبعا فكيت الطنبورة تانى وركبت السير الجديد.وأطمنت علية النهاردة ولقيتة راكب كويس والحمد للة .بس فيةحاجة كنت عايز أسأل عليها محيرانى جدا وأرجو أن حد يرد عليا فيها لأنى سألت أتنين ميكانيكية عليها ومحدش أدانى جواب مفيد وهى أنى لما أدوس بنزين والعربية واقفة الاقى فية صوت أهتزاز فى العربية (فيبراشن) بس أمبارح لما كان السير الطرى راكب فى العربية كان الفيبراشن دة بسيط ولما ركبت السير الكويس زاد صوت الفيبراشن أكتر من الأول .فأنا بيتهيألى أن التربينة بتاعة المروحة فيها حاجة مثلا ممكن يكون فيها أعوجاج فتعمل الفيبراشن دة فى الماتور وفى العربية نفسها , فأنا بفكر أنى أفك السير تانى وأدور العربية وهى واقفة وأدوس بنزين فأذا راح الصوت يبقى هى السبب ,فهل ممكن المروحة بتاعة التبريد تعمل العيب دة ولا هفك على الفاضى فهل حد عندة المشكلة دى وعالجها قبل كدة؟ لدرجة أنى بفكر أنزل الماتور علشان أعرف المشكلة فين ؟ لأن واحد ميكانيكى قلى يمكن الزيت ما تغيرش بقالة فترة وغيرتة والمشكلة زى ما هى .وواحد تانى قلى الصاج مكبوس على الماتور من تحت من ورا .وأنا بصيت فية ولاقيتة مش ملامس للماتور ولا حاجة وخليت الميكانيكى قبل كدة كشف على قواعد الفتيس لقاهم كويسيين . فلو حد عندة جواب أكون شاكر لة . ودمتم والى لقاء أخر.
Comment