أرجو المساعدة فى نصر فلوريدا

[Nader]

على حسب رغباتك وفلوسك، يعني لو عاوز عربية دفع خلفي تستحمل طرق مكسرة ومدقات يبقى هات شاهين او لادا 2107 ودول قطع غيارهم مرمية في كل حتة ورخيصة جداً. اما لو عاوز عربية ناعمة وحديثة يبقى تجيب لانوس في نفس السعر تقريباً بالنسبة للمستعمل او فيرنا اغلى شوية.

يبعنى يا باشا لو حتة شاهين أستعمال خفيف تعمل كام - وهل يمكن تكون مكيفة لأن التكييف مهم أقوى دلوقتى وكمان فى واحد صاحبة بيقلى على جولف 3 موديل 92 تكون فى حدود 52000 إلف ودة أخرى بصراحة على العموم أنا تحركاتى مش كتير أوى بالعربية ولما بتحرك بيها غالبا بيبقى سفر وكمان أنا مش غاوى أروح للميكانيكى كتير

[Mina W]

ممكن السوزوكى التو فى رانج السعر ده و بتكون مكييفة، لو اعلى فى الشاريد و البيكانتو و انا اقدر اقول ان البيكانتو هتكون عربية حلوة جدا و مناسبة للطلبك عن تجربة

[eng_mkhalaf]

بس التوكيل فية مشاكل كتير -- مش عايز أوجع دماغى تانى وكمان أنت قصدك زيرو ولا مستعمل

[Nader]

الجلف عربية ممتازة طبعاً ومحدش يقدر يقول في حقها حاجة, بس بما انك مش بتحب تروح للميكانيكي كتير يبقي متجبش حاجة من 92 لانها في الغالب هتبقى فاتحة بقها. بالمبلغ اللي معاك دة تقدر تشتري شاهين 1400 زيرو "بدون تكيف بس ممكن تركب عليها تكيف بمعرفتك" او لو مستعمل السعر دة يجبلك فيرنا او لانوس بحالة ممتازة وفي النهاية الاختيار يرجع لك ولنوعية استخدامك زي ما قلت لك.

طب أنت تفضل أية شاهين ولا فيرنا مع ذكر الأسباب من فضلك

[Nader]

طيب انا هتكلم عن نفسي. انا مش بمشي في طرق مكسرة ومدقات بمشي في طرق عادية فيها مطبات وحفر وبلاعات.

انا عختار لانوس او فيرنا لانهم عربيات حديثة في الشكل والمضمون بالنسبة للشاهين واللادا طبعاً، قطع غيارهم متوفرة واسعارها معقولة "هنا تتفوق اللانوس" عربيات ناعمة وصوتها هادىمقارناً بالادا و الشاهين. بالاضافة لفرق الكماليات من تكيف وباور "على الاقل" مقارناً بالشاهين 1400.

أنا شكلى كدة هجيب شاهين كسر زيرو لغاية ماأظبت حالى وأطلع طلعة يابانى محترمة -- على الأقل الشاهين هتتباع هوا وكمان لو لا قدر اللة حصل ليها أى حاجة هلمها بسهولة وبكدة هضحى بالراحة والنعومة بس مؤقتا أن شاء اللة

[hazem_khidr]

طب أنت تفضل أية شاهين ولا فيرنا مع ذكر الأسباب من فضلك

في رايي ان حضرتك بتحب تريح دماغك من مشوار الميكانيكي و كمان يظهر ان الشكل مش فارق معاك اوي يبقي الشاهين و زيرو و تغرم كمان 3 الاف جنيه و تركب عليها تكيف و الباشمهندس سبعاوي كان كاتب موضوع كامل عن الملاحظات بتاعه و هو بيركب التكيف علشان يبقي زي تكييف الفابريكه بالضبط و بكده تكون كسبت عربيه محترمه مكيف و فوق دا كله زيرو و تحسسك بالامان علي الطريق.
رغم ان معايا سويفت و ياباني لكن لما بركب شاهين او اي عربيه جر خلفي بحس بامان اكتر مهما كان موديلها

[Nader]

ربنا يوفقك