فتحة سقف

[MohamedGafar]

والله يا جماعة أنا نويت و النية لله إني أركب فتحة سقف فى الأوبل الفكترا اللى معايا. غالبا حأركبها عند آرابكوم.

حد يعرف سعر المانيوال بكام و الكهرباء بكام؟

الأهم ... هل هيحصل من وراها أي مشاكل؟ زي تسريب مياه مع الغسيل أو أي حاجة تانية انا ماعرفهاش؟. ياريت يا جماعة أي حد له تجربة مع الموضوع ده يفيدنا

شكرا جزيلا

[فادى محمد]

اللي اعرفه ان مشاكلها كتير للاسف . هي منظر ورفاهيه انما لو باظت او علي المدي البعيد بتسرب ميه غسيل ومطر وبتخلي البرومه تمسك في سقف العربيه وده خطير جدا والدليل حتلاقي عربيات كتير اصحابها حاطين سلوتيب عريض عليها ..فكر في احتياجك الفعلي ليها اول وربنا يوفقك يا محمد

دايما بسمع ان مشاكلها كتير وبتخلي البرومه متسيبش السقف وعشان كدا مفكرتش ولا حفكر اني اركبها لاني حاسس انها ملهاش لزمه يعني حعمل ايه بيها حطلع منها العيال ولا ابص عالسما

[MohamedGafar]

والله يا جماعة أنا برضه سامع كده بس عايز حد يفيدني عن تجربة

[tamertamer]

بص ياباشا انا كانت معاية استندر فى العربية 2000 بص هى حلوة فى الصيف بس فى الشتاء الكوتش بتعها باظ وكانت بتنقط مية انا اصراحة عملتهاء سلكون اسود فى الشتاء فى ناس بتقول بتدخل طراب وكدة انا بصراحة هى حلوة بس بتبوظ بص من الاخر لو مكنتش فى البى ام او المرسيدس متجبهاش وكما لما تخرم فى السقف عشان تركبها يعنى مش استندر طيب دة الاصلى وعملت معاية كدة امال التركيب هتعمل اة ربنا معاك

[lancerevolution]

المهم التقفيل يبقى كويس عشان المية بتسرب من تحت الجلد للسقف بس شكلها ملوش حل
ممكن تجرب ترش مكان القطع قبل التركيب

[Ahmad Allawy]

انا عربيتي اصلا فيها فتحة سقف..
بس باعمل بيها ايه..؟؟ ولا اي حاجة..
و تقريبا مش بافتحها اصلا.. و الحمد لله ولا بتدخل مية ولا تراب ولا اي حاجة.. بس مش شايف ليها اي استخدام اصلا..

[lancerevolution]

مش التراب الى بيدخل منها نفسها الجلد الى بيبقا بين الإزاز و الصاج بتاع السقف هو دا المشكله كلها لو مظبوط و مقاسه صح ما فيش أى مشكلة أما لو فيه أى نسبة خظأ بيعمل مشاكل كبيرة جدا جدا

[MohamedGafar]

انا عربيتي اصلا فيها فتحة سقف..
بس باعمل بيها ايه..؟؟ ولا اي حاجة..
و تقريبا مش بافتحها اصلا.. و الحمد لله ولا بتدخل مية ولا تراب ولا اي حاجة.. بس مش شايف ليها اي استخدام اصلا..

ياراجل حرام عليك!. دي فتحة السقف مالهاش حل خاصة فى الصيف بالليل. أنا مجربها أصلي قبل كده فعارف. لكن معرفش التركيب دي حيبقي نظامها إيه!!!. إيه مفيش حد يشجع؟؟؟؟؟

[Ahmad Allawy]

ياراجل حرام عليك!. دي فتحة السقف مالهاش حل خاصة فى الصيف بالليل. أنا مجربها أصلي قبل كده فعارف. لكن معرفش التركيب دي حيبقي نظامها إيه!!!. إيه مفيش حد يشجع؟؟؟؟؟

والله انا عن نفسي.. مش فارقة معايا خالص..
ده بالعكس بقي كمان..
انا اوقات كنت بافتحها ف الشتا بالنهار عشان الشمس بس..