نتكلم شوية عن سكودا رومسترRoomster

[abou_ruqi]

أنا ملاحظ إن العربية دي مش وخده حقها لا في الشارع المصري ولا حتى في منتدانا الحبيب

وبما إن العربية دي واخده 5 من 5 في اختبارات الآمان الأوربية
وبما إن العربية دي بيسموها أكتر عربية آمنة
وبما إن كل أراء ملاكها في أوروبا بيقولوا فيها شعر
وبما أنها موتور وعفشة أوكتافيا A5
وبما إنها من أوسع العربيات اللي موجودة في مصر
وبما إن التوكيل نزل أسعارها بشكل رائع جداً بحيث بقت أرخص عربية أوروبي بالنسبة لمحركها وكمالياتها

فلازم المنتدى يديلها حقها أكتر بصراحة

فيا ترى في حد من ملاكها معانا هنا في المنتدى يدلنا عنها تقرير كامل ؟؟

أو يا ترى أحد عضو هنا سمع عن عيوب في العربية دي
أو في حد عنده فكرة عن أسعار قطع غيارها وهل هي متوفرة بره التوكيل وألا لا ؟؟

[ooso28]

هل فعلا سعر العربية دي 86 واية امكانياتها بالسعر دة

[abou_ruqi]

منقولة من مشاركة للأخ dr_druggist

[abou_ruqi]

أنا بصراحة شايف العربية دي أحسن من الماتركس (على أساس أنها من نفس الفصيلة)

1- الرومستر صناعة أوروبية مش أسيوية زي الماتريكس
2- السعر قريب جداً من بعضهم
3- الأوبشن في الرومستر أكتر
4- المساحة الداخلية الرومستر أوسع بكثير
5- الرومستر أكثر ثباتاً
6- الرومستر أكثر اماناً
7- سكودا توكيلها أفضل من هيونداي
8- الاتنين شكلهم غلط بس هي دي سمة الفئة دي

طيب الناس ليه بتجيب الماتركس ومابتجبش الرومستر ؟؟؟؟

[momenhamdy]

أنا بصراحة شايف العربية دي أحسن من الماتركس (على أساس أنها من نفس الفصيلة)

1- الرومستر صناعة أوروبية مش أسيوية زي الماتريكس
2- السعر قريب جداً من بعضهم
3- الأوبشن في الرومستر أكتر
4- المساحة الداخلية الرومستر أوسع بكثير
5- الرومستر أكثر ثباتاً
6- الرومستر أكثر اماناً
7- سكودا توكيلها أفضل من هيونداي
8- الاتنين شكلهم غلط بس هي دي سمة الفئة دي

طيب الناس ليه بتجيب الماتركس ومابتجبش الرومستر ؟؟؟؟

علشان ثقافه الشعب المصري كدا و مش عايزين نطور من فكرنا

[ooso28]

معظم الناس اللي بتشتري ماتريكس متعرفش رومستر
بس حد يعرف امكانيات الفئة اللي ب 87الف

[ooso28]

roomster

الصورة دي كانت في معرض اوتو ماك
[IMG][/IMG]
[IMG][/IMG]
[IMG][/IMG]

السقف بانوراما ودي اوبشن بردو
الموتور هوا هوا نفس اللي موجود في الفابيا 105 مش 102 حصان بس معرفش اول باكيج فيها 1400 ولا 1600 و الاوتوماتيك ستيب ترونيك زي الاوكتافيا علي اي حال هيا افضل من الماتريكس وغيرو هيا شكلها من الخلف مش جميل
انا شوفتها مرتين اتنين بس في الشارع
قاعدة العجلات 2.617متر اطول من الاوكتافيا(2.578)متر
الشركة عملت منها موديل اسموpraktik

العربية دي في منها نسخة اسمها سكاوت ومعتقدش انها موجودة في مصر نفس محرك ودفع امامي فقط



الكراسي اللي ورا طبعا بتتحرك زي ما في الصورة

[crazylambada]

يا جماعة العربية ديه بجد تحفة جدا من جوا
لا ماتريكس ولا غيره
و لما ركبتها مكنتش عاوز اطلع منها بصراحة
وبجد اللي حيخترها حيبقى اختيار موفق منه

[abou_ruqi]

معظم الناس اللي بتشتري ماتريكس متعرفش رومستر
بس حد يعرف امكانيات الفئة اللي ب 87الف

اللي بـ 87 ألف هي اللي اسمها Style m/t
في ورقة المواصفات الخضراء اللي موجودة في المشاركة رقم 3

[abou_ruqi]

ooso هي موتورهل 1.6 بتاع الأوكتافيا A5

[Mustafa_Farouk]

معظم الناس اللي بتشتري ماتريكس متعرفش رومستر

السلام عليكم،

أنا معك في وجهة نظرك + كل واحد حيقول سعر إعادة البيع بتاعها حيكون ضعيف جداً ودة عشان مش منتشرة، وهي من جوة جامدة جداً ومن برة أنا شايف انها حلوة بس في ناس تانية مبتحبش شكلها الخارجي خالص وهي دي اللي مخلي الناس مش مقبله عليها مع إن الديهاتسو ماتريا بشوفها كتير الايام دي و شكلها أوحش من الرومستر دي وجهة نظري + اسعار قطاع الغيار، أكيد أي واحد ماشي في الشارع ورايح يشتري حيقول، هيونداي عشان أرخص في قطع الغيار بالرغم إن الاسعار ممكن تكون متقاربة جداً. دي عقليات ناس + الحظ بيلع دور كبير في الموضوع دة، يعني الماتريكس إسم هيونداي في مصر + الحظ هو اللي خدمها.
بس توكيل ارتوك لو يعمل إعلانات في الشوارع والتلفزيون كتير أكيد الناس حتى حتعرفها وتسأل عليها. أكيد في ناس يعرفو إن سكودا عندها اوكتافيا بس وفليشيا. والله أعلم، أنا بس كتبت اللي بفكر فيه .

[abou_ruqi]

كلامك مظبوط ولا غبار عليه
وأنا دايما شايف إن غبور ابن محظوظة جايب شوية عربيات متتركبش وأنتشرت أكتر من الـ 128 ويا ريتها رخيصة

[Mustafa_Farouk]

السلام عليكم،

حضرتك عارف إن رجل الاعمال المصري شفيق جبر من أغنياء مصر وبنفس الدرجة وإن مكنشي أكتر من أو حتى في نفس المستوى غبور ومنصور ونصير ، بس مش عارف ليه بحس إن قليل في الاعلانات، هو بيعمل بس مش زيهم، دة حتى إعلان بتاع روبي حسيت إن مش أد كدة، مقارنة بشيفورلية اوبترا، دايهاتسو تريوس أو حتى إعلان عادي زي بتاع افيو قصدي مافيهوش أي نجوم،
بحس إن Vw جروب في مصر مش مهتمه بالعلانات بالرغم من إن كل شركة وليه توكيلها بس برضو مع بعض، حتى في قلة الاعلانات المصوره في التلفزيون أو في الشوارع.
الحمد الله إنو هو مهتم أكتر الاعلانات الجرايد بس أكيد أحسن من سيات، Vw. دي وجهة نظري وممكن تختلف من واحد إلى التاني.

[د.محمد الشيخ]

السلام عليكم

انا بفضل الله معايا الرومستر كمفورت 2009 لكن الحقيقة مش حقدر اقدم تقرير عنها الان لانى عملت بيها فقط اقل من 500 كم حتى الان .
لكن تحت امركم فى اى استفسار.
تقدروا تعرفوا المواصفات الكاملة لكل الموديلات من الموضوع ده

http://www.nilemotors.net/Nile/showthread.php?t=55862

والاسعار :

Roomster Style M/T 87000
Style A/T 114000
Sport M/T 114900
Comfort Tiptronic 129000
مع ملاحظة ان الموديل الكلاسيك غير متوفر فى مصر الان.

مبدئيا العربية والحمدلله تقيلة ومتوازنة ومستوى عالى من التفنيش والخامات فى كل شىء .

[Mustafa_Farouk]

السلام عليكم،


مشاء الله، الله أكبر ١٠٠٠ مبروك يا Dr ومستنيين تقريرك عنها.
كمفورت اللي هي مع فتحت السقف ؟؟ لو اه، إيه شعرك بها ؟؟