جهاز حماية المستهلك سند حقيقي للمواطن المصري

[PAYOO]

لي تجربة مؤلمة مع سياره صينية الصنع والتجميع والتي تفتقر إلى الأمان الأمان الأمان
والتي تفتقر أيضا إلى الجوده المعقوله التي يرتضي بها الشخص البسيط وتفتقر إلى الصناعة الجيده المقبوله

وبعض التفاصيل لهذه التجربة سوف تجدها هنا
أضغط على الرابط

http://www.nilemotors.net/Forum/viewtopic.php?t=4606

ولكني رفضت أن أُعرض زوجتي وأولادي للخطر والزج بهم في علبة من الصفيح تفتقر إلى أقل عوامل الأمان وعندما رفضت هذا قمت بمحاولة إرجاع هذه الصفيحة ذات الأربع عجلات إلى الوكيل ولكنه رفض رفض قاطع وقيل لي باللفظ (أحنا مابنصدق نبيع عربية"مدير المبيعات")

ولكنني لم أيأس لأن هذا ليس طبعي فقمت برفع الأمر إلى جهاز حماية المستهلك وتابعت الأمر بصفة يوميه لمدة شهر كامل ولم أمل إلى أن قام الجهاز بإلزام التوكيل بإرجاع السيارة وأستردادي للنقود مرة أخرى
والفضل يرجع إلى الله ثم السيد الفاضل رئيس قطاع السيارات بجهاز حماية المستهلك السيد / محسن بك طلائع وأنتهز الفرصة لكي أشكر السيد / محسن بك طلائع على ماقام به لإحقاق الحق وإرجاع السيارة إلى الوكيل
ولن أنسى السيد الأستاذ / محمد أنور رئيس قسم التحقيقات ومجهوده في المتابعة الدائمة لمشكلتي وتجاوبه معي بالرغم من كثرة مناقشاتي وأسترسالاتي في تفاصيل كثيره

وتفاصيل هذا الموضع سوف أواليكم بها ولكن أسمحوا لي في الغد سوف أسرد لكم تفاصيل الموضوع وأعرض عليكم كافة المستندات والخطوات التي اتخذت لحل هذه المشكلة

ولكن ما يهمني الأن هو أن أطمأنكم بأننا الأن كمواطنين نملك جهة نظيفة محايدة تعمل لصالحنا ومن اجلنا لتحمينا من جشع وغش التجار وغيرهم وكل ما علينا هو التمسك بحقنا وبالأوراق التي تثبت تعاملتنا مع الجهة المشكو في حقها

وغدا لنا لقاء

[elpasha009]

الحمد لله ان الموضوع انتهى على خير.
وألف مبروك ليك يا بايو وفي انتظار التفاصيل ان شاء الله

[وائل عطية]

لا يضيـــــــــــــــــــــــــــــــــــــــــــــــ ــــــــــــــع حق وراءه مطالب
برافو عليك ياهاني، وهو دا الكلام فعلاً
وألف مبروك على إزالة هذه الغُمة اللي أكيد أثرت على حالتك المزاجية والنفسية في الفترة اللي فاتت.
وماتنساش إنك بعد كده ماتتسرعش في الاختيار
ألف مبروك مرة تانية

[أبوسيف]

بهنيك على إصرارك وعدم يأسك لحد ما أخذت حقك من التاجر معدوم الضمير دة ، وياريت كلنا نتعلم ما نسكتش على حقنا لأن هو دة السبب الرئيسى اللى بيخلى التجار طايحة ومش هاممها ، لو كل واحد ليه حق طالب بيه بأى وسيلة أكيد هايخده ، انما السلبية والرضوخ هما اللى وصلونا للى احنا فيه دلوقتى. بهنيك للمرة التانية وبشكرك على الدور الجميل اللى بتقوم بيه علشان توعية الناس :)

[hazem_khidr]

الف مبروك من كل قلبي :)
بس عاوزين التفاصيل يا هاني باشا الكلام المختصر دا ما ينعش :D

[bassam nagy]

الف مبروك وبصراحة خبر كويس ان الدنيا لسة بخير

ولكن ما يهمني الأن هو أن أطمأنكم بأننا الأن كمواطنين نملك جهة نظيفة محايدة تعمل لصالحنا ومن اجلنا لتحمينا من جشع وغش التجار

[معاذ الشرباصى]

الف الف مبروك يا هانى باشا

غمة و انزاحت الحمد لله

انت من اكثر الناس الايجابية اللى شفتها فى حياتى

مستنين التفاصيل ان شاء الله

[أبومعاذ]

يا أخواني قبل ما تعملو أي حاجة متنسوش الأستختارة
و ربنا يعينك يا هاني و يكرمك بعربية كويسة

[جندى مجند]

برافو عليك يا هانى ... أقسم بالله انك أثلجت صدرى بالموضوع دة ... كون ان جهاز حماية المستهلك وقف معاك و عرف يرجعلك حقك دى علامة فارقة فى تاريخ العلاقة بين المستهلك و التاجر فى مصر و معناها كبير أوى أوى ... ياللا بقى مستنيين التفاصيل عشان انت كدة بقيت رائد و قائد و ملهم لكل من له حق عند تاجر عشان يعرف ان فى عين حمرا واقفاله بالمرصاد

[mbluethunder]

ألف ألف ألف ألف ألف ألف ألف ألف مليون مبروك يا كنج

بجد أنا مش مصدق نفسي ولا مصدق إنك أخدت حقك.ده أنا كنت متخيل أن الموضوع هايدخل في قضايا ومحاكم بس جدع والله وكما موضوع جهاز حمايه المستهلك واضح أنه كان ليه تأثير جامد على الأحداث

علشان كده إنت لازم تكتب الأحداث بالتفصيل الممل علشان نعرف أنت عملت آيه بالظبط

ألف مبروك مره تانيه ومش بعيد ربنا عمل كده علشان يعرفنا إن فيه ناس عندها ضمير وممكن تساعد وتقف بجانب من يلجأ إليها

[Nader]

انها تيجي من جهاز حماية المستهلك دي معجزة القرن الحادي والعشرين :) الف مبروك اتخلصت اخيراً من التهمة دي :)

[PRO-DRIVE]

الف مبروك يا بايو والله فعلا انت من اكتر الناس الايجابيين اللي شفتهم
بايو يا جماعه زعيم التنظيم الاستهلاكي

[TAREK ZIAD]

بهنيك على إصرارك وعدم يأسك لحد ما أخذت حقك

و أنا كمان أهنئك على إصرارك
تحياتى

[ahmed ismail]

الف الف مبروك على تخلصك من البلوة المسيحه اللى كانت معاك

منتظر التفاصيل على احر من الجمر

[OsKaR]

الحمد لله انها رجعت لصحابها و اهي غلطه الواحد يتعلم منها - لا يلدغ المؤمن من نفس الجحر مرتين -

و كويس ان جهاز حمايه المستهلك شغال صح و الله رفعت معنوياتي ان في حاجه لسه كويسه في مصر