صوت تكتكة و الموتور بارد

[dr_mak]

السلام عليكم ورحمة الله وبركاتة///

انا عندي العربية الصبح اول ماتدور الاقي صوت تكتكة
طالع من العربية لكن بعد ما اطلع بيها واروح بيها مشوار لاقي الصوت راح والعربية صوتها عادي

يعني (العربية وهي باردة بتطلع الصوت دة ولما تسخن الاقي الصوت راح)

ياترى دة اية


يرجى من العضو اختيار عنوان مناسب لموضوعه

مشرف القسم

[samirayad]

ممكن تكون بلية الدينامو تقيله شويه.......أو وحشه وبعد التشغيل بيروح الصوت (ياعنى بتتقل شويه مع ركن العربيه).....................

[dr_mak]

ممكن تكون بلية الدينامو تقيله شويه.......أو وحشه وبعد التشغيل بيروح الصوت (ياعنى بتتقل شويه مع ركن العربيه).....................

فعلا الصوت دة بيطلع لما ابقى راكن العربية
طب دي كهربائي الي يعملها ولا ميكانيكي؟؟؟

[samirayad]

فعلا الصوت دة بيطلع لما ابقى راكن العربية
طب دي كهربائي الي يعملها ولا ميكانيكي؟؟؟

طبعا كهربائى.....علشان سيعيد تجميع الدينامو تانى بعد تغيير البلى (الأمامى والخلفى)...................

- بس قبل الموضوع ده أنت مطمن لبلية طلمبة الميه والشداد (وهل غيرت سير الكاتينه قريب ).......وياريت برضه تزودنا ببيانات كويس عن موقف الصيانه عندك.......قبل مانظلم الدينامو (لأن أى واحد حتروحله حتى لو العيب مش موجود ) حيكون عاوز يعمل شغل ويقبض وخلاص .....ويجب أن لا تذهب لأى واحد الا عندما تكون واثق تماما من منطقة تواجد العيب.............

[MMamdouh]

ده غالبا صوت الكستبانات

العربية عاملة كام الف؟
انت بستعمل زيت نوعة ايه؟
بقالة قد ايه متغيرش؟
اخر مرة اسعملت flush و انت بتغير الزيت كان امتى؟

MMamdouh

[Strong]

أنا الصوت ده بيطلع عندي ومصدره أسفل غطاء التاكيهات تحت العلبة البلاستيك اللي بنفكها لما بنغير الجوان

ولما سألت الميكانيكي قاللي دي تاكيهات وحشة وقاللي متعملش حاجة ، لكن صوتها بينزفزني .

وكنت عملت موضوع قبل كده عن الصوت ده والموضوع اختفى وملهوش أي أثر ومش عارف هو راح فين

[samirayad]

أنا الصوت ده بيطلع عندي ومصدره أسفل غطاء التاكيهات تحت العلبة البلاستيك اللي بنفكها لما بنغير الجوان

ولما سألت الميكانيكي قاللي دي تاكيهات وحشة وقاللي متعملش حاجة ، لكن صوتها بينزفزني .

وكنت عملت موضوع قبل كده عن الصوت ده والموضوع اختفى وملهوش أي أثر ومش عارف هو راح فين

لو الصوت فى المكان اللى بتقول عليه فعلا....يبقى بسبب الكستبانات........بس هل بيكون مستمر على طول ولا بس فى البدايه وبيروح بعد كده

[dr_mak]

العربية عملة 25 الف كيلو واخر مرة غيرت الزيت من اسبوع وغيرت معاة فلتر النزين (ولسة مغير سير الكاتينة من اسبوع برضة)

هو في حاجة لاحظتها فعلا لما غيرت الزيت الصوت بقى ضعيف جدا بقى مش زي الاول واحيانا كمان بيبقى مش موجود

الموضوع دة كان حصل معاي في عربية قبل دي ، ورحت عامل عمرة للمكنة ، الغريب ان العربية لسة مشيتش حاجة ولسة بدري على الكلام دة؟؟؟

[khaledazizeg]

انا المشكلة ديه كانت عندى فى اللانوس ورحت للميكانيكى قالى مسمار الجويط بتاع الفرن وفعلا عملتة عند الخراط وراح الصوت

[Strong]

لو الصوت فى المكان اللى بتقول عليه فعلا....يبقى بسبب الكستبانات........بس هل بيكون مستمر على طول ولا بس فى البدايه وبيروح بعد كده

لا بيستمر لمدة دقيقتان على الأكثر ومش بيظهر إلا في الصبح ومش ضروري كل يوم ، ولو شغلت وطلعت على طول من غير تسخين خالص بيختفي الصوت بمجرد الحركة
وهل في خطورة منها ولا عادي ؟ وازاي تتصلح؟
وهل السيليكون اللي بيتم عزل الجوان بيه لو نزل جوه الغطاء ممكن يعمل كده ؟

[samirayad]

العربية عملة 25 الف كيلو واخر مرة غيرت الزيت من اسبوع وغيرت معاة فلتر النزين (ولسة مغير سير الكاتينة من اسبوع برضة)

هو في حاجة لاحظتها فعلا لما غيرت الزيت الصوت بقى ضعيف جدا بقى مش زي الاول واحيانا كمان بيبقى مش موجود

الموضوع دة كان حصل معاي في عربية قبل دي ، ورحت عامل عمرة للمكنة ، الغريب ان العربية لسة مشيتش حاجة ولسة بدري على الكلام دة؟؟؟

الكلام عندك الصراحه فيه شوية تناقض (أنت بتقول العربيه عامله 25000 كم .....طيب ليه أستعجلت أوى فى تغيير سير الكاتينه ).....

وبعدين واضح أن مفيش مشكله عندك فى منطقة التاكيهات (دا لسه بدرى أوى على أن حاجه زى كده ممكن تحصل عندك)

الكلام عندك الصراحه فيه شوية تناقض (أنت بتقول العربيه عامله 25000 كم .....طيب ليه أستعجلت أوى فى تغيير سير الكاتينه ).....

وبعدين واضح أن مفيش مشكله عندك فى منطقة التاكيهات (دا لسه بدرى أوى على أن حاجه زى كده ممكن تحصل عندك)

وكمان واضح أن معندكش مشكله فى الدينامو أيضا

ياريت برضه تو ضح نوع الزيت اللى بتستخدمه ....وبتغيره كل أد أيه......وبصراحه أنا مش عاوزك تتعجل فى عمل أى حاجه دلوقتى لحد منعرف الليله دى جايه منين وأيه أسبابها بالظبط.....لأن زى ماقولتلك أى واحد عاوز يعمل شغل ويقبض وخلاص.................فحاول من جانبك تحكى على كل اللى بيحصل معاك فى جميع الأحوال (لأن فيه حلقه مفقوده وعاوزين نعرفها معاك الأول) قبل منشخص بتسرع

وكمان واضح أن معندكش مشكله فى الدينامو أيضا

ياريت برضه تو ضح نوع الزيت اللى بتستخدمه ....وبتغيره كل أد أيه......وبصراحه أنا مش عاوزك تتعجل فى عمل أى حاجه دلوقتى لحد منعرف الليله دى جايه منين وأيه أسبابها بالظبط.....لأن زى ماقولتلك أى واحد عاوز يعمل شغل ويقبض وخلاص.................فحاول من جانبك تحكى على كل اللى بيحصل معاك فى جميع الأحوال (لأن فيه حلقه مفقوده وعاوزين نعرفها معاك الأول) قبل منشخص بتسرع

وبعدين برضه مش حضرتك أول مالك برضه للعربيه...ولا أيه النظام.....وياريت برضه توضح لانوس ولا نوبيرا..........وهل الميكانيكى اللى غيرلك سير الكاتينه ولا التوكيل (على أساس أنك بتقول العربيه عامله 25000 كم فقط )

انا المشكلة ديه كانت عندى فى اللانوس ورحت للميكانيكى قالى مسمار الجويط بتاع الفرن وفعلا عملتة عند الخراط وراح الصوت

عندك حق برضه يا أستاذ /خالد ....والمفروض أى واحد يحصل عنده أصوات فى المنطقه العلويه (يراجع برضه على كل حاجه لأن ممكن فعلا مع ضغط العادم وهو خارج من المحرك مع وجود جوايط تالفه ففعلا ده بيؤدى الى موجات تصادميه من العادم على فرن الشكمان وممكن يولد صوت)....بس الميكانيكى بتاعك ده راجل كويس وبيفهم............

لا بيستمر لمدة دقيقتان على الأكثر ومش بيظهر إلا في الصبح ومش ضروري كل يوم ، ولو شغلت وطلعت على طول من غير تسخين خالص بيختفي الصوت بمجرد الحركة
وهل في خطورة منها ولا عادي ؟ وازاي تتصلح؟
وهل السيليكون اللي بيتم عزل الجوان بيه لو نزل جوه الغطاء ممكن يعمل كده ؟

....شوفلك بقه واحد كويس عندكم فى أسيوط يراجع برضه زى موضوع الأستاذ/خالد عاليه (الأول على رباطات الفرن ....وممكن ده اللى عاملك الدخنه برضه ومبتخدش بالك ولا نسيت ).........وبعد كده نكمل كلامنا (علشان مش عاوز أفتح معاك كلام فى حتة السيلكون اللى بتقول عليها دلوقتى على منشوف موضوع رباط الفرن عندك...........وأبشر بأذن الله فرجه قريب وممكن يجىء اليوم اللى نقول فيه لا وقت للدموع.......:k48: )

[dr_mak]

لا انا مش اول مالك للعربية العربية دي كانت مع واحد مسافر وكان بيركبها في الاجازات بس وتقريبا كانت مركونة لفترة طويلة جدا

العربية لانوس 99 كوري مستورد ، اول ماشتريتها روحت بيها للميكانيكي على اساس يغيرلي السيور ، فالميكانيكي قالي العربية مش عايزة اي حاجة قالي بس ممكن تغير سير الكاتينة علشان الركنة الكتيرة

بس انا مقتنعتش بالكلام ورحت ماشي وماغيرتش سير الكاتينة
بس من اسبوع غيرتة علشان موضوع الدخنة الي حصل قبل كدة

نوع الزيت انا بحط توتال كوارتز 3000 وبغير كل 2000 كيلو

[samirayad]

لا انا مش اول مالك للعربية العربية دي كانت مع واحد مسافر وكان بيركبها في الاجازات بس وتقريبا كانت مركونة لفترة طويلة جدا

العربية لانوس 99 كوري مستورد ، اول ماشتريتها روحت بيها للميكانيكي على اساس يغيرلي السيور ، فالميكانيكي قالي العربية مش عايزة اي حاجة قالي بس ممكن تغير سير الكاتينة علشان الركنة الكتيرة

بس انا مقتنعتش بالكلام ورحت ماشي وماغيرتش سير الكاتينة
بس من اسبوع غيرتة علشان موضوع الدخنة الي حصل قبل كدة

نوع الزيت انا بحط توتال كوارتز 3000 وبغير كل 2000 كيلو

شوف ...أنا من رأيى بعد محطيت أيدى على كل جوانب الموضوع

-أفضل حاجه ليك دلوقتى أنك تعمل فلشنج للموتور......وتغير بعد كده زيت وفلتر (غير كده ماتعملش أى حاجه).......وأن شاء الله كله حيبقى ىتمام وياريت برضه تبقى تقول على النتيجه بعد التجربه.............

وكنت برضه عاوز أسألك قبل تغيير الزيت أنت مطمن كويس لكبس المحرك ومفيش أى دخنه وغيره والعادم والسحب كويس (وأنا عارف أن العربيه عامله 25000 كم .....بس متنساش كانت بتركن كتير جدا وده غلط )

.