وحش فى الطريق

[amirsayed]

مساء الفل على الوحوش
عايز منكم تدعولى علشان بشد عربيتى السوبر سانك 86 و بعدل فيها و ان شاء الله هعمل موضوع مفصل قبل و بعد التعديل بالصور و انا حاليا انتهيت من الميكانيكا و الفرامل و السمكره و العربيه فى بدايه مرحله الدهان
محتاج دعوات الوحوش

[momo10000]

ربنا يتمملك علي خير ... العربية دي تحفة ... وتعديلها جامد جدا ...ربنا يوفقك.

في واحدة تحفة في بورسعيد ... ان شاء الله حصورها ...

[ecybrarian]

ربنا يسهل لك الأمور وتطلع كل حاجة زي مانت عايز

[tamer_samy]

شد حيلك و ربنا معاك و تبقي العربيه احسن مما انت عاوز ان شاء الله
ومستنيين التقرير بعد الانتهاء من التعديلات

[Amr_Moh]

ربنا يوفقك

[amirsayed]

ميرسى جدا لكل الردود

[iBiZa]

جايبلها ال1400 Turbo ؟؟

[amirsayed]

لا يا ابيزا
1400 بس مش تيربو بس معدل فيها شويه حاجات
ان شاء الله تعجب الشباب لما تخلص

[amirsayed]

البدايه كانت مع تحسين اداء الموتور(لعدم رغبتى فى تغييره تانى)
كان الاول 1100 سى سى و غيرته اول لما جبت العربيه لواحد تانى 1400 4 غيار
غيرت الفتيس و جبت فتيس سريع 6 سرعات-ركبت عليه شكمان سبور
غيرت طقم الكهرباء ( جبت موبينه كهربه و اسبراتير الكترونى)و عمل التعديلات اللازمه(تغيير الفلام)
طقم دبرياج جديد---كده ناقص كربراتير اكبر و هيدر و ممكن بوجيهات اقوى و فلتر سبور
تغيير الفرامل العاده(شراء سيرفو و ماستر استيراد)و عمل التعديلات اللازمه للمواسير
طنابير اماميه جديده لعدم توافر الطنابير الاسبور-طقم تيل جديد
ملى التيل الخلفى لعدم توافر الديسكات الخلفيه-بس هجيبها :-)

[amirsayed]

بعد كده غيرت المساعدين الاماميه بإتنين استيراد كاملين
غيرت الدنجل الخلفى لتقليل الاصوات الغريبه اللى كنت بسمعها
و ابتديت مرحله السمكره و الدهان
زى مانتو عارفين يا شباب الصنايعيه يومهم بسنه و الجنيه ب تلاته
13 يوم سمكره
19 يوم دهان لحد اللحظه دى لما كنت خلاص........................

[amirsayed]

طبعا مرحله البودى كانت مهمه جدا علشان كده غيرت حاجات كتير:
اكصدام امامى و خلفى تيربو
شبكه و فانوسين امامى
رفرف شمال
كبود( لحدوث حادثه و العربيه عالمعجون)
المهم الحمد لله العربيه اترشت النهارده و فى اقرب فرصه هرفع الصور و هكون مستعد للرد على اى استفسار
اه نسيت اقول انى غيرت الجنط بواحد Bbs "15 ايطالى و كاوتش بريدجستون 195\50
عدلت القوانيس الاماميه سموكد و الخلفيه كمان بدون ليدات او رنجات

[amirsayed]

و ديه شويه صور قبل و اثناء الشغل و قريب هرفع باقى الصور

[MomoMedo]

ربنا يباركلك فيها ...
بس الصور مش باينة

[amirsayed]

و ديه شويه صور قبل و اثناء الشغل و قريب هرفع باقى الصور:
دى صور عربيه زى بتاعتى و نفس اللون القديم للى مش عارف شكلها:





دول على الطبيعه:






الجنط القديم:

الجنط الجديد:


العداد القديم:

العداد الجديد:


علبه الشكمان:

[amirsayed]

دول حبه صور كمان


علبه الشكمان



رموش على الفوانيس