نفسي اعرف الكراسي يتكلفوا كام عند السروجي للبيتلز وخصوصا الطياره

**drjadoire** · 05-03-2009 07:43 PM

هاي يا اصدقاءي اعضاء منتدي البيتلز
انا طبعا اليومين دول بسال عن توضيب صالون البيتلز
وكان نفسي اعرف هل حد يعرف سروجي مش غالي وحنين وشغله حلو
وهل يا تري لو عندكوا خبره
الصالون والارضيه يكلفوني كام
ولو عملت الكراسي بس بالجلد يعملوا كام ولو الببان بس يعملوا كام
وهل وفرلي اعمل الكراسي ولا افكها واشترياتنين استيراد كراسي طياره بس يا تري يتكلفوا كام

كل اللي عنده معلومات عن الاسعار بالتقريب يفيدني
وبجد وحشني كل الاعضاء خصوصا اي الفتره اللي فاتت مكنتش بدخل عان بكون نباطشي علي طول

خصوصا الاستاذ ايهاب وهاشم باشا والحسيني باشا و احمد سالم بااشا وحبيبي احمد حسن

**ابوهاشم** · 06-03-2009 01:21 AM

ازيك يادكتور احمد عامل ايه
واحشنا والله
انا كنت عملت الصالون بالكامل سقف وارضيه وابواب وكراسى عند سروجى فى دار السلام
واتكلف 1200 جنيه
ومنتظرين ردود باقى الاعضاء

**ahit** · 11-03-2009 11:23 PM

و الله إنت اللى حبيبى يا دكتور أحمد
الوحيد اللى سمعت عنه إنه أستاذ سروجى للبيتلز هو نبيل السروجى فى الملك الصالح مصر القديمة ( كل اللى تعامله معاه بيشكرو فيه جداً جداً ), و انا شوفت شغل كتير طالع من تحت إيده زى الفل و الله و خرافة بجد.

انا كنت عملت الصالون بالكامل سقف وارضيه وابواب وكراسى عند سروجى فى دار السلام
واتكلف 1200 جنيه

هاشم باشا واحشنى و الله
ياريت رقم التليفون و العنوان بتاع السروجى اللى بتقول عليه و نرتب زيارة للسروجى ده و نشوف شغله و مصنعيته بردو عشان أنا كمان إن شاء الله ناوى أعمل شوية تعديلات فى الكراسى قريب بأمر الله.

شكراً

**ابوهاشم** · 12-03-2009 12:44 PM

احمد باشا حسن
والله انت كمان واحشنى وكل اصدقائنا وحشونى ونفسى نتفابل قريب
بخصوص السروجى عنوانه كما فى الكارت بتاعه
2شارع احمد الشافعى من شارع مزرعة البط من احمد ذكى
ت/23192830
مو/0125522597
قوله انا من طرف هاشم اللى عمل عندك الفولكس الخضراء
وطبعا يابوحميد انت لو عاوز تروحله نحدد ميعاد ونروحله سوا
او اى حد من حبايبنا عشاق البيتلز انا تحت امره