لانسر 1300 موديل 2007 وسير الكاتينة اتقطع

[tmedhat]

اةة تصدقو
العربية لانسر موديل حديث 2007وسير الكاتينة اتقطع و طقم الصباب اتعوج وكانت الغرامة كبيرة
انا حطيت الموضوع دة عشان النا س كلها تستفيد من اخطاء الاخرين
العربية عاملة 72 الف كيلو فقط
يعنى ناقص على ميعاد السير 8 الاف كيلو
انا طبعا عرفت السبب و حقولة اكيد
احب اوضح كمان انى واحد من الناس اللى اشتغلو فى تصليح المشكلة دى
يعنى مش عربيتى
يا ترى انتم تعتقدو اية سبب انقطاع السير دة
حسيبكم تفكرو ولو لقيت ناس كتيرة نفسها تعرف السبب
حقولكم السبب على الفور وححط لكم كمان صورة وش السلندر و باين الصبابات و هى معووجة بسبب انقطاع السير

[أبو ياسين]

ايه ؟ ؟؟؟

[samirayad]

*** من بين الأسباب التى تؤدى الى تلف سير الكاتينه

1- دخول الأتربه والرمال الى منطقة السير من خلال حافظة السير وخصوصا عند السير بالسياره فى الأجواء المتربه

2- عدم أخذ الحيطه وتغيير السير فى أقرب وقت عند قرب ميعاده والالتزام فقط بالميعاد المقنن والمحدد من قبل صانع المحرك دون مراعاة الظروف البيئيه للمكان الذى تعمل به السياره....

3_ الطلوع بصوره فجائيه بالسياره مما يشكل حمل فجائى على السير أثناء نقل الحركه من الكرنك لعمود الكامه (أى مع الأكثار من نظام الكيك داون وبالذات مع أقتراب ميعاد تغيير السير ).....

4- أيضا ممكن حدوث قطع للسير عند وضع السياره فى حالة شد زياده عن المحدد لها (مثل قيام السياره بقطر سياره أخرى عطلانه ) لما يشكله ذلك من حمل زائد على منظومة المحرك

***ياترى الأربعه دول فيهم واحد صح من اللى حصل ولا أفكر تانى فى حل للفزوره دى..........

[tmedhat]

سمير بك
انت كلامك رائع و يدرس
فعلا انت قلت اسباب مقنعة جدا و تؤدى بدون شك الى انقطاع سير الكاتينة
لكن ناقص سبب واحد ما قلتوش ممكن كمان يقطع السير
منتظر الردود و إن شاء الله قبل ما اقفل انهردة النت حقولكم على السبب
و طبعا اضيف شكر و تقدير للى حيعرف السبب

[samirayad]

دا ممكن كمان لو الفرامل قفشت فجائيا والسياره متحركه بسرعه عاليه.........

_ وكذلك الأستخدام الفجائى للفرامل وبصوره فجائيه

_ شوف برضه السببين دول وقولى وخللى الفزوره شغاله....ومتقولش الا أما يخلص كل التوقعات....بس أمانه عليك لو فيه حل ضرب .....قووووووووول على طوووووووووول

[samirayad]

طيب أيه رأيك أنه ممكن يحصل لو المكنه قفشت مره واحده لأى سبب من الأسباب.....

[samirayad]

_ ممكن يحصل برضه لو حدث فقد فجائى والسياره مسرعه لنظام نقل الحركه وبالذات لو الدبرياش فوت فجائيا (علشان بيحصل over speed على المحرك من الفقد الفجائى لنقل الحركه..............

[JOOOOOOOOOO]

حطيط زيت تقيل شوية ممكن

او السبايك مش متظبطة

او السير ماكنش راكب كويس

[JOOOOOOOOOO]

ممكن تكون الكستبنات ماحضرتش زيت

او الزيت كان تقيل عاليها

[samirayad]

_ أيضا لو طلمبة الميه او الشداد بتاع السير قفش أى منهما مره واحده (على فجأه) بيؤدى الى قطع السير

[JOOOOOOOOOO]

العربية سخنت

الريداتير ماكنش فيه مياه

[shoudy2005]

نقص مستوى الزيت

[samirayad]

_ برضه لو جزء من الحافظه البلاستيك او الفيبر ...كانت ملامسه للسير أثناء دوران المحرك ولم يقم قائد السياره بضبط الوضع ممكن تعمل زى الموس على السير وتبهدله...............

[tmedhat]

النا س بتقرب قوى قوى قوى
فعلا بتقرب
احصروالتكهنات فى الكامات العلوية

[samirayad]

سست أنكسرت من بتاعة التاكيهات ولا فيه طنبوره حلت....................ولا حد قاله بخ....