جنوط للبولو99

[shekoz]

انا معايا بولو 99 و عايز اركبلها جنوط 14 بقالى فتره و سالت الميكانيكى قالى انو هيتقل الدركسيون اكتر (الدركسيون عندى مش باور) و من ناحيه تانيه هتهلك العفشه و الكاوتش هيحك فالرفرف و العربيه هتتقل من الاخر كرهنى فالجنوط !! و قالى لو عايز تركب جنط ركبو بنفس مقاس العربيه (ال هو 13 ) و انا شايف لو هركب جنط 13 يبقى ملوش اى لازمه و اخلى الجنط بتاعها و خلاص .. يا ريت حد يفيدنى هل الجنوط الاسبور بتضر العربيه فحاجه من ناحيت تقل الدركسيون و العفشه والحك فالرفرف؟؟؟؟ و ايه انواع الجنوط الكويسه و النظيفه مش اللى اخد بيها مطب تتكسر و فنفس الوقت سعرها يكون كويس و بتتباع فين و يا ريت حد يقولى ايه الفرق بين الكوتش الرفيع و الكوتش العادى مع العلم ان الكاوتش الرفيع اغلى من الكاوتش العادى فيا ترى ايه السبب .... و معلش طولت عليكم

[umoussa]

مين الميكانيكي الفلتة العبقري النابغة الي قال لحضرتك كدا؟

طبعاً الكلام ده مش صحيح بالمرة

شوف ياسيدي،

لما تيجي تركب جنوط غير الجنط الـ 13 الموجود في العربية حضرتك حتعكس بيض المقص، حتجيب الشمال في اليمين واليمين في الشمال..

قبل ماتقول عليا مبفهمش وكلام كبير..اصبر بس وانت تعرف الحقيقة..

دا كلام فولكس وبكدا انت حترحل العجلتين الاماميتين 1 سم للأمام وتقدر تركب جنوط لحد 15 بدون متحك..

وعلى فكرة ممكن تركب جنط 14 من غير الحركة دي ومش حتحك بس العربية مش حتظبط زوايا خالص..

الجنط مش حيتقل الدريكسيون زي مانتا فاكر دي حتبقى حاجة بسيطة قوي (إن وجدت أصلاً) ومش حتحس بيها..

بس أنا برضو عايز أعرف ميين العبقري إلي قال كدا

داحنا لازم نديله جايزة نوفل في الأدب

[shekoz]

لا بس يا باشا حكايت ترحيل العجل 1 سم دى هتلعب فاساسيات العربيه اكيد فملهاش لازمه انى اعمل كدا خصوصا انى لو ركبت جنط إن شاء الله هيكون 14 بالكتير .. عموما شكرا يا باشا على الرد و عشان منظلمش الميكانيكى دا كان كوكتيل كلام من الميكانيكى و ناس تانيه ..
كدا مش هنعرف نديلو جايزت نوفل فى الادب

[umoussa]

يا استاذي دا مش كلامي دا كلام فولكس لو مش مصدق الحكاية دي ممكن اطلعهالك من ديل الصيانة بتاع فولكس

انت لو ركبت جنط 14 على عدلة بيض المقصات الزوايا مش حتتظبط والكاوتش حيتآكل

والموضوع في الأول والآخر ليك

[original]

مين الميكانيكي الفلتة العبقري النابغة الي قال لحضرتك كدا؟

طبعاً الكلام ده مش صحيح بالمرة

شوف ياسيدي،

لما تيجي تركب جنوط غير الجنط الـ 13 الموجود في العربية حضرتك حتعكس بيض المقص، حتجيب الشمال في اليمين واليمين في الشمال..

قبل ماتقول عليا مبفهمش وكلام كبير..اصبر بس وانت تعرف الحقيقة..

دا كلام فولكس وبكدا انت حترحل العجلتين الاماميتين 1 سم للأمام وتقدر تركب جنوط لحد 15 بدون متحك..

وعلى فكرة ممكن تركب جنط 14 من غير الحركة دي ومش حتحك بس العربية مش حتظبط زوايا خالص..

الجنط مش حيتقل الدريكسيون زي مانتا فاكر دي حتبقى حاجة بسيطة قوي (إن وجدت أصلاً) ومش حتحس بيها..

بس أنا برضو عايز أعرف ميين العبقري إلي قال كدا

داحنا لازم نديله جايزة نوفل في الأدب

الله ينور يا أسامة بس هوا فيه جنط أصلى فولكس مقاس 14 أو 15 يركب على البولو!! بس يكون حديد أصلى عادى يعنى..

[umoussa]

فيه 14

لكن 15 بينزل اسبور علشان 15 دا بتاع موديلات ال Gti وطبعاً انا بتكلم على البولو من 95 لحد 2001 لأن البولو العيون ينفع تركبلها جنوط 16

أصلا الجنط الحديد ال 14 بتاع البولو حكاية وشكل الطاسة بتاعتة تحفة

جبته زمان ب 600 بالطاسات بس دلوقتي مش عارف موجود لسه ولا لأ

بس من الآخر كان هاااااااااااااااااااايل

[original]

فيه 14

لكن 15 بينزل اسبور علشان 15 دا بتاع موديلات ال Gti وطبعاً انا بتكلم على البولو من 95 لحد 2001 لأن البولو العيون ينفع تركبلها جنوط 16

أصلا الجنط الحديد ال 14 بتاع البولو حكاية وشكل الطاسة بتاعتة تحفة

جبته زمان ب 600 بالطاسات بس دلوقتي مش عارف موجود لسه ولا لأ

بس من الآخر كان هاااااااااااااااااااايل

طيب مفيش صورة ليه؟؟

[saadallah]

اخلى الكريم مقاس الجنوط مكتوب على غطاا التانك بنوعين ممكن ان شاء الله اصورهم وبعتهملك مقاس 14و مقاس 15

[original]

اخلى الكريم مقاس الجنوط مكتوب على غطاا التانك بنوعين ممكن ان شاء الله اصورهم وبعتهملك مقاس 14و مقاس 15

لأ أنا قصدى لو فيه صورة للجنوط مقاس 14 الأصلية!!!

[umoussa]

دي صورة الجنط 14 بوصة الأصلي

خلي بالك الجنط نفسه ريشه متطابقة مع ريش الطاسة

علشان ممكن حد يبعلك جنوط الإبيزا ال 14 بوصة على إنها جنوط بولو