اشتري نيو اكسنت ولا بروتون جين 2

[Ahmed A Rahman]

كنت يا جماعة محتار بين الاثنين
اصحابي عندهم الاثنين
بتوع البروتون بيشكروا فيها
وبتوع الاكسنت بيشكروا فيها
تفتكروا انتو اختار ايه لحسن عايز اشتري بسرعة
ممكن مقارنة بين الاثنين

[حماده المصري]

والله العربيتين زي الفل

بروتون تتفوق في الثبات والكماليات

التعمير متهيالي النيو اكسنت معمره اكتر

وصالونها خاماته افضل

وكمان العيوب المصنعيه فيها اقل وتكييفها افضل

الاختيار ليك

[Ahmed A Rahman]

ربنا يكرمك على ردك وعلى بساطة رايك وسرعته
بس تفتكر ان عيوب البروتون مش ممكن الواحد يبلعها على اساس ان التوكيل كويس ؟؟
ياريت لو فيه مقارنة بينهم

[Terrible_DaRsH]

مقارنة رخمة شوية
لان العربيتين بيكملوا بعض .
عموما رايى الشخصي نيو اكسنت .
بس الجين تو اغلى من الاكسنت .

[حماده المصري]

التوكيلين كويسين في موضوع الخدمات وانهم بيقدروا العميل وبيحاولوا يرضوا

وبصراحه قطع غيار العربيتين المعمره مغالا فيها زي السيور والبلي والكلام ده انت ممكن تروح التوكيلين وتسال على اسعار القطع على اساس انك هتشتري

مش قادر اقارن بصراحه بين العربيتين عشان مركبتش الجين كتير
بس فرق الثبات واضح للجين بصراحه والعفشه بتاعتها كويسه مش ناشفه اوي
الاكسنت عفشتها ناشفه برضو بس مش قادر احدد مين انشف
الاكسنت اوسع شويه صغيره وزي ما قلت الصالون افضل في الخامات والعيوب المصنعيه اقل
الجين المشكله ان ممكن يطلعلك عيب يكرهك فيها جدا زي مثلا التقشير في الدهان هتبقى مشكله او التكييف بيبقى في حاجه محتاجه تتغير وموجوده في التبلوه والتبلوه يتفك من هنا واستحاله يرجع زي الاول
وممكن برضو العربيه الي تجيلك تبقى زي الفل مفيهاش حاجه
الاكسنت اسرع وموتورها ازعاجه اقل سواء في الاوتو او المانيوال
وبرضو الاكسنت معمره اكتر من الجين
انت ممكن تسال اصحابك الي راكبين جين عن اسعار القطع وايه ظروف العربيه في التحمل وخصوصا لو واحد ماشي بيها كتير
وفي النهايه القرار ليك برضو
لو مش يهمك الثبات اوي هات الاكسنت مع العلم ان ثباتها برضو حلو مش وحش يعني هو مثلا احسن من الكورولا القديمه ويعتبر زي الانسر االبومه مع فرق خفه بادي لصالح الاكسنت

لو الثبات بقى فارق معاك جدا هات الجين
في نقطه بقى مهمه جدا لو العربيه هتبقى للعيله يبقى مينفعش ولا وحده فيهم وان اطريت جامد تبقى جين عشان اثبت ف هتبقى اريح للعيله

[amek]

يعنى النيو اكسنت متنفعش للعيله .؟ ........طب ايه الاسباب.........؟
وبالنسبه لثباتها احسن ولا الافيو؟

[Ahmed82]

مش فاهم ليه ماتنفعش لعيلة?

[ezzatfox]

في نقطه بقى مهمه جدا لو العربيه هتبقى للعيله يبقى مينفعش ولا وحده فيهم وان اطريت جامد تبقى جين عشان اثبت ف هتبقى اريح للعيله

اولا انا مش عارف اية علاقة العيلة بالثبات ، المفروض ان العربية اساسا لو افترضنا ان ثباتها قليل بيزيد مع زيادة تحميل العربية ، علاقة طردية بين الوزن و الثبات .
دة غير ان ثبات النيو اكسنت مش وحش يعنى تاخد بيها غرز على 120 لو حبيت بمنتهى السهولة .
و بعدين الثبات يعنى ان العفشة رياضية و اللى بتسموها ناشفة يعنى كل ما العربية تبقى ثابتة فدة معناة ان العفشة بتاعتها رياضية و بمعنى اخر ناشفة مش مريحة اوى للعيلة زى ما حضرتك بتقول ( و دة بالنسبة للفئة السعرية اللى بنتكلم فيها ) .
و بعدين نصيحة للاخ حمادة يروح يكشف على العفشة عندة عشان واضح انها مسببة مشكلة جامدة لية ، مع انى مش حاسس بيها مع انى باستخدمها استخدام عائلى بدون اى مشكلة او شكوى

[eng_mh1980]

كنت يا جماعة محتار بين الاثنين
اصحابي عندهم الاثنين
بتوع البروتون بيشكروا فيها
وبتوع الاكسنت بيشكروا فيها
تفتكروا انتو اختار ايه لحسن عايز اشتري بسرعة
ممكن مقارنة بين الاثنين

بص ياباشا لو حاتقارن انا رأي تقارن بين النيو اكسنت و البرسونا اللي هي الجين 2 بس سيدان
انا رأي البرسونا (او الجين 2 لو حابب) اجمد ليه ؟؟
1- موتور تصميم شركة لوتس
2- وسادات هوائية
3- فرامل ABS , EBD
4- كاست Blaupunkt باربع سماعات
5-ثبات راااااااااااااااااااائع مع السرعات العالية
6- العربية نازلة بالجنوت
7- حساسات ركن خلفية
8- عجلة قيادة مالتي فانكشن
9- صاج متين جدا .
10 - حجم العربية اكبر من النيو اكسنت رغم ان الصالون مش اكبر كتيير.
بس طبعا اغلي 9000 جنية عن النيو اكسنت
بالنسبة لعيوب التقفيل فهي مش موجوده تقريبا في موديلات 2009.و في النهاية الموضوع يرجع ليك

[حماده المصري]

اولا انا مش عارف اية علاقة العيلة بالثبات ، المفروض ان العربية اساسا لو افترضنا ان ثباتها قليل بيزيد مع زيادة تحميل العربية ، علاقة طردية بين الوزن و الثبات .
دة غير ان ثبات النيو اكسنت مش وحش يعنى تاخد بيها غرز على 120 لو حبيت بمنتهى السهولة .
و بعدين الثبات يعنى ان العفشة رياضية و اللى بتسموها ناشفة يعنى كل ما العربية تبقى ثابتة فدة معناة ان العفشة بتاعتها رياضية و بمعنى اخر ناشفة مش مريحة اوى للعيلة زى ما حضرتك بتقول ( و دة بالنسبة للفئة السعرية اللى بنتكلم فيها ) .
و بعدين نصيحة للاخ حمادة يروح يكشف على العفشة عندة عشان واضح انها مسببة مشكلة جامدة لية ، مع انى مش حاسس بيها مع انى باستخدمها استخدام عائلى بدون اى مشكلة او شكوى

ياباشا دي نصيحه لوجه الله

انا مش عارف انت ليه مش متقبلها

عربيه عفشتها ناشفه وثباتها مش قوي

وعربيه تانيه عفشتها برضو ناشفه بس انعم سنه واريح على الطريق وثباتها هايل

تبقى مين فيهم مناسبه للعيله اكتر ..؟؟؟


ومن نقطه تانيه برضو الثبات في الكوري او في اغلبه بيبقى معتمد في الغالب على العفشه تبقى سليمه ومضبوطه

اركب مثلا عربيه الماني ومتبهدله جدا جدا هتلاقي ثباتها معدي فما بالك بحالتها لو هي كويسه مش متهانه

ياباشا راحه الركاب دائما بتكون افضل لما تركب عربيه اثبت متقارنش ركوبه مثلا النيو اكسنت بالمازدا ولا الجين 2 تتقارن بالنيو اكسنت او بالمازدا

دي فئات عربيات ياباشا وعامه الاكسنت نازله من شركتها فئه عربيات صغيره استخدام مدييينه مش استخدام سفر ومش مصممه اساسا انها تبقى عربيه سفر ف هي مليون في الميا مش عربيه عائليه

[حماده المصري]

وبعدين بالنسبه لعفشه عربيتي وعفشه النيو اكسنت عموما

ف النيو اكسنت عموما لما تقارنها بالاكسنت او الفيرنا او العربيات في المستوى ده هتلاقيها كويسه نسبيا ليهم

انما في الحقيقه فهي عفشه اقل من الجين والعربيه عاليه وده جزء برضو من عدم ثباتها

وبعدين حضرتك ممكن مش حاسس بالعربيه عندك ممكن هي زيرو ممكن العربيه الي كانت مع حضرتك قبلها اقل منها ف بالتالي النيو اكسنت هتبقى زي الفل بالنسبه ليها

انما كمقارنه ثبات عامه بدون تحديد عربيات فهي من العربيات الي تقدر تقول عليها ثباتها معقول مش جيد انما الجين 2 تقدر تقول ثبات جيد ان مكانش اعلى

[ezzatfox]

ياباشا دي نصيحه لوجه الله

انا مش عارف انت ليه مش متقبلها

يا باشا الموضوع انك بتقول رأيك و ممكن اوى يكون حد تانى عندة راى تانى مختلف عنك او مش مقتنع ، و كلام حضرتك او كلامى مش مسلم بية ، فهو يحتمل الصواب او الخطأ ، عشان كدة احنا بنتناقش و دى فايدة المنتدى .
و بعدين حسب كلام حضرتك انت قلت ان العفشة فى العربيتين ناشفة و ان الجين تو انعم حاجة بسيطة .
بصراحة انا مش شايف كدة خالص العفشة فى الجين مش انعم و لاحاجة هى هى و ان لم تكن انشف من عفشة الاكسنت و دة عن تجربة ، و طبعا دة مش عيب عشان دى عفشة رياضية و دى ضريبة الثبات .
موضوع الثبات الاكسنت ثباتها حلو و الجين ثباتها احلى و السر فى كدة ان الاكسنت اعلى و اخف وزنا من الجين 2 .
و بعدين انا مختلف معاك فى موضوع العربية سيارة مدينة فقط و غير مصممة للسفر و انها متنفعش عيلة
اولا موضوع تصنيف السيارات بيتحسب بحجم السيارة الخارجى و الداخلى
سيارات المدن زى ال بيكانتو و ال I10 و الالتو ، لكن النيو اكسنت من فئة السوبر مينى و دى نفس فئة الجين 2 و الياريس و الكليو و الريو و ممكن تتأكد من الرابط دة

http://www.mapsofworld.com/referrals/cars/small-cars/subcompact-cars/

اما بالنسبة لموضوع انها غير مصممة للسفر فانا مش فاهم قصد حضرتك اية من النقطة دى و سأكتفى بعدم التعليق عليها .
و تقبل تحياتى

[sasam6]

البروتون طبعا

[حماده المصري]

يا باشا الموضوع انك بتقول رأيك و ممكن اوى يكون حد تانى عندة راى تانى مختلف عنك او مش مقتنع ، و كلام حضرتك او كلامى مش مسلم بية ، فهو يحتمل الصواب او الخطأ ، عشان كدة احنا بنتناقش و دى فايدة المنتدى .
و بعدين حسب كلام حضرتك انت قلت ان العفشة فى العربيتين ناشفة و ان الجين تو انعم حاجة بسيطة .
بصراحة انا مش شايف كدة خالص العفشة فى الجين مش انعم و لاحاجة هى هى و ان لم تكن انشف من عفشة الاكسنت و دة عن تجربة ، و طبعا دة مش عيب عشان دى عفشة رياضية و دى ضريبة الثبات .
موضوع الثبات الاكسنت ثباتها حلو و الجين ثباتها احلى و السر فى كدة ان الاكسنت اعلى و اخف وزنا من الجين 2 .
و بعدين انا مختلف معاك فى موضوع العربية سيارة مدينة فقط و غير مصممة للسفر و انها متنفعش عيلة
اولا موضوع تصنيف السيارات بيتحسب بحجم السيارة الخارجى و الداخلى
سيارات المدن زى ال بيكانتو و ال I10 و الالتو ، لكن النيو اكسنت من فئة السوبر مينى و دى نفس فئة الجين 2 و الياريس و الكليو و الريو و ممكن تتأكد من الرابط دة

http://www.mapsofworld.com/referrals/cars/small-cars/subcompact-cars/

اما بالنسبة لموضوع انها غير مصممة للسفر فانا مش فاهم قصد حضرتك اية من النقطة دى و سأكتفى بعدم التعليق عليها .
و تقبل تحياتى

الي مسلم بيه ان عفشه النيو اكسنت ناشفه بغض النظر عن كونها حلوه او وحشه

انا في نظري النيو اكسنت فلا ولو رجع الزمن كنت اشتريتها برضو

بس ده ميمنعش ان في فرق بينها وبين الجين برضو

وعامه عمر ما كانت الياريس ولا الكليو ولا الاكسنت عربيات سفر

ف كتر الف خيرهم انهم مستحملين السفر والروحه للجايه

العربيات دي عامه عمليه جدا جدا وانسب عربيات للاستعمال اليومي

لكن سفر والكلام ده متنفعلوش كل العربيات الصغيره

وبالنسبه الى انك مش فاهم انا اقولك هي ازاي مش مصممه للسفر

اتفرج على العفشه بتاعه العربيه خصوصا الخلفيه عباره عن ايه دنجل تنقليدي وبدائي جدا
على الاقل لو خلوها نظام خلفي مستقل يعني كل جنب لوحده كل جنب له مقص وفي ستابيليتي بار زي الالنترا ساعتها نقدر نقول انها بدات تبقى في العربيات الثابته
والالنترا معليهاش كلام في اي حاجه
لكن امسك طريق زي الصحراوي بالنترا وبعدين باكسنت هتلاقي فرق شاسع
انت ممكن مش حاسس ده عربيتك زيرو انما لما العربيه تبدا تقدم وتبوز حاجات فيها بيبان ساعتها فعلا فرق العربيات

هات عربيه الماني جايبه مقصات ومساعدين وكاوتشات واطلع بيها على طريق وصدقني انت هتلاقيها زي الفل

المازدا مثلا من العربيات المعروفه كل حاجه في عفشتها ممتازه
والله العظيم كانت مع صحبي جايبه اربع مساعدين ومقصين ومع ذالك تطلع بيها على طريق 190 ولا الهوااااا

و صحيح ان النيو اكسنت انت ممكن تجيب بيها 200 مستريح وممكن برضو تبقى بتتحكم بيها بس متقدرش تقول انها ثابته وامنه مع انك ممكن تعمل بيها كل الي انت عايزه

بالنسبه للقائمه موجود فيها عربيات كتير ومنها المرسيدس ال a class
دي لوحدها قصه تانيه متتقارنش ب ولا عربيه من الي موجودين

مع ذالك اول ما نزلت كانت بتتقلب بعد 120 بسبب خلل فيها
ورجعوا كل العربيات الشركه تاني ومعرفوش يعملوه اي حاجه فيها غير انهم ركبو لها esp ف زبطت

الافيو ثبات صباح الضياع بعد 100 وده عن تجربه سواقه ومع ذالك بشوف ناس بتجري بيها 160 وبتاخد غرز كمان بس عمرك ما تقدر تقول عربيه ثابته خالص

[ezzatfox]

وبالنسبه الى انك مش فاهم انا اقولك هي ازاي مش مصممه للسفر

اتفرج على العفشه بتاعه العربيه خصوصا الخلفيه عباره عن ايه دنجل تنقليدي وبدائي جدا
على الاقل لو خلوها نظام خلفي مستقل يعني كل جنب لوحده كل جنب له مقص وفي ستابيليتي بار زي الالنترا ساعتها نقدر نقول انها بدات تبقى في العربيات الثابته

يا سيدى الفاضل اولا العفشة مش هى المقياس اللى يتحدد بية العربية تسافر و لا لأ ، و ثبات العربية بيتحدد بحاجات كتير من ضمنها نظام التعليق الامامى و الخلفى ( العفشة ) و هناك عوامل اخرى تساهم فى ثبات السيارة مثل وزنها و تصميمها .
و بالنسبة لنظام التعليق الخلفى اللى حضرتك علقت علية فى النيو اكسنت فهو يسمى coupled Torsion beam axle suspension
اللى حضرتك قلت علية بدائى - النظام دة بتستخدمة كبرى الشركات و مثال على ذلك الهوندا سيتى و الاوبل استرا و النيو سيراتو او الكيا فورتى .
مثال اخر الفيرنا و الماتريكس نظام التعليق فيهم واحد سواء الامامى او الخلفى و هو dual link لكن هناك فرق كبير بين الاثنين فى الثبات
اللى انا عايز اقولة ان نظام التعليق ليس هو كل شىء و كمان انا مش جايب عربية race و معتقدش انى ممكن ازود عن 130 او 140 حتى لو طريق مفتوح - و لغاية السرعة دى الاكسنت ثباتها حلو جدا و دة اللى انا عايزة من العربية بالاضافة الى باقى مميزاتها التى لن اتنازل عنها لمجرد ان فى عربية ثانية ثابتة اكتر .
نقطة اخيرة النيو اكسنت لا يطلق عليها سيارة صغيرة