آخر كلام فيات لينيا

[lolo2884]

الشعب المصري وثقافة السيارات
مين فينا ينكر ان 90 % من اللي جابو عربياتهم جابوها علي مزاج غيرهم مش علي مزاجو الشخصي مثال فيات لينيا ومش لينيا بس برافو و جراند بونتو عربيات تحفه لينيا ايطالي تركي قبل ما اشتريها كل ما اسأل حد يقولي بلاش دي مش معروفه بلاش مفيش ميكانيكي هيعرف يتعامل معاها بلاش قطع غيار غاليه بلاش توكيل وحش ومقرف بلاش ده الصيانة تعبانة قوي
يبقي الواحد العربية هتتطلع من عينو ويجيب عربيات الشعب المصري (النترا_لانسر)
عشان كده انا اول واحد شاري العربية في المنتدي
معايا اعلي فئه 77 حصان
109000
كتير قالو غالية هات لانسر او النترا احسن بعد المقارنة وتفكير عميق
ايه اللي انا عايزو من العربية بتاعتي :_
1‏_الامان :العربيه مزوده بايه بي اس و اتنين وسائد هوائه واخده 4 نجوم من 5 في اختبارات اوروبا و5نجوم اختبارات البيئه
2‏_ الاداء :السرعه الجنونيه هيا سبب الوفيات في الفترة الاخيرة عشان كدا بالنسبالي وبالنسبة لأي حد كل مابتزيد السرعة كل ماالخطر زاد وكمان اقصي سرعه مسموحه في مصر 120
عشان كدا 165 كم مش ضعيفه بالعكس كويسه بالنسبه ليا ولأي حد عشان الاخطار والمخالفات
وسحبها قوي
3‏_الكماليات : وسع العربيه طول وعرض قاعده مريحه جدا
موفرة في البنزين
كمبيوتر رحلات
حساس رجوع للخلف
جنوط 16
فوج لايت
مرايات وزجاج كهربا
مسخن رجاج خلفي
ثلاث مساند رأس في الخلف
تكييف بالخلف
مفتاح لوك وانلوك والشنطة
تابلوه شكله حلو والاضاءه جميله
تصميم ايطالي رائع
4‏_قطع الغيار ايطالي مقارنة بالسيارات الأخري قطع غيار عمر اطول واغلي بمبلغ صغير لايذكر
5‏_التوكيل قبل البيع محترمين جدا
وبعد البيع محترمين جدا وقطع الغيار متوفرة وقالوي كل حاجه عايزها نجبهالك في خلال اسبوع لو خلصت من عندهم
يبقي ايه يخليني ماجبهاش طالما دخلت دماغي
والحمد لله جبتها وليها معايا 5 شهور ومافيش عيوب تذكر
فيات لينيا عربية الشعب المصري قريبا
ياريت اي حد مايسألش اسأله مستفزه زي سحبها عامل ايه والتوكيل وقطع الغيار عشان قبل كدا عملت موضوع بعد 1500
كم وناس بتسأل اسأله اجابتها في الموضوع زي مايكونو قرو العنوان بس

[MomoMedo]

ربنا يبارك لك فيها
انا بحترم الاوروبي عموما و الفيات خصوصا
ياريت فعلا نفكر قبل ما ندفع فلوسنا في عربية ..

[loodaa]

ولله العظيم الكلام اللي بتقوله صح 100% انا برضة كنت عايز أشتري عربية والناس كلها تقول الفيات وحشة خليك في الهيونداي او شيفرولية او نيسسان (مع احترامي للنيسان و نص الهيونداي فقط) مش عارف اللي بيقول شيفرولية (مع احترامي الشديد لمالكيها ومن ضمنهم عمي ) على أي اساس موتور دايو في عربية اغلي 10000 من الدايو ومتور كبير له سرعة قصوى مش عارف كام في بلد لو عديت 90 كيلو داخل المدينة يبقى انجاز وبياكل البنزين بطريقة عجيبة. وبعدين عمر شفرولية في مصر كام سنة وهل في موديلات أفيو أو اوبترا مثلا موديل 1999 او حتي 2004 . والله زي ما بتقول فيات من احسن الشركات المحترمة و معظم الأوروبي كده. وكمان الفيات طول عمرها عربيات معمرة بدليل العربيات اللي بقالها 30 سنة وبتمشي في بلد كل مطب فيها يجيب اي عربية قديمة شوية الارض.

[SeiffoZ]

فيات دى من أعظم شركات السيارات فى العالم ..
تتساوى مع بى إم و مرسيدس ..
كفاية سيارات فيات .
و بتنتج فئة أعلى شوية - ألفا روميو
و بتنتج لانسيا
و كل ده فى مقر فيات الرئيسى مش مجرد مشاركة فيها بنسبة أسهم ...
لأ كلهم حاجة واحدة ..
و كفاية الفيرارى , و المازيراتى ..
أقول إيه كمان ... هيونداى إيه إللى تيجى جنب فيات!
فلتحيا اللينيا و البرافو و البونتو

[maxayma]

و الله انا مع حضرتك فى كل اللى بتقولوا الواحد لما بياخد كلام الناس بيحصر نفسه فى اللى هما شافيين انه كويس و علشان كده النتيجة اللى انت قولتلها ان الماركات اللى انت كتبتها هى اللى موجودة و بتتباع واى حاجة تانية حتى لو احسن زى فيات تبقى وحشة و يقولوا ابعد عنها بالرغم من انها ممكن تكون احسن بس المشكلة انها مش منتشرة و انا بصراحة شايف مادام العربية تمام و انت مقتنع بيها و انت شايف انها هتكون مناسبة لفلوسك ولاحتياجاتك زى مانت قولت كده لان المهم انت عايز اى فى العربية مش غيرك عايز ايه يبقى موضوع عدم انتشارها ده ميزة مش عيب انا بردهشايف ان احسن من ماركات كتير و كمان اسعارها اقل لكن الناس دايما مقتنعة ان الحاجة اللى مش معروفة تبقى وحشة كده زى الموبيلات الشعب فاكر ان نوكيا هو احسن ماركة علشان منتشر مع ان ده مش شرط و هو ده اللى للاسف اسمه ثقافة القطيع اللى للاسف الشعب المصرى و انا واحد منه هى دى ثقافته الناس تقول دا حلو كله يروح يشترى حتى لو هو عايز حاجة غيره بس طبعا فى الاخر هيعمل زى باقى القطيع :k46:

[S.S.E]

1‏_الامان :العربيه مزوده بايه بي اس


بالاضافه الى كده مزوده بايه بي دى وماشاء الله فى الثبات ممتازه جدا.
هو فى سؤال للأستاذ/lolo2884 أ/محمد الشحات قالى ممكن تِحسب البنزين يمشيك اد ايه والترافل ايه نظامه

[mezo73]

طبعا انا من احد مؤيديك
ولكن ليا تصور من خلال اني راكب تمبرا 1400 سي سي
وهو ان العيب في هذة العربيات يكمن في الموتور وتقدر تقول انة نقطة ضعف
لان الموتور 1400 وهورس باور قليل وهو دائما يزعجني في هذة العربيات وبالعربي بينغص عليا عشتي لان مش ممكن تكون عربية بالامكانيات والسعر والاسم ومش قدرين يطورو الموتور اللي بقالة من سنة 89 حتي الان وبيعملو علية تعديلات صغيرة وكل العربيات الموجودة دلوقتي او الاكثر انتشارا وهي Dohc وغالبا بتكون 1600 Cc وغالبا بتكون 110 Hp
المشكلة انهم لما طورو اضافو التربو علشان توصل ل 125 Hp تقريبا
ودي طبعا مشكلة لان نفس التكنولوجيا دي مستخدمة في الباسات والجيتا
موتور 1400 Cc تربو
في مشكلتين
الاولي ان التربو مابيشتغلش الا لما تعدي 120 كم اي انك تحت السرعة دي 77 Hp ولماتعدي السرعة تبقي 125 Hp
ثانيا ان التكنولوجيا دي غاليا جدا ولذلك شوف فرق السعر بين لينيا 77و 125
اوالبرافو 77 و125
او الجيتا والباسات 1600 Cc و1400 Cc تربو
هاتلاقي في فجوة في السعر جامدة جدا
غير ان صيانة التربو الله اعلم بيها
فأعتقد ان نظريا اختيارك 100*100 سليم انما عمليا Sory
لانك ارتضيت بالامر الواقع ورضيت ب 77 بس
علي فكرة انا لو كنت مكانك ممكن اخد نفس قرارك
بس في الواقع انا عاوز اغير لزيرو بس محتار جدا من السوق اولا ومن الاوبشن والقدرة للسيارة اللي بالتالي هاتأثر علي عمر الموتور
ارجو التواصل والتصحيح
وشكرا

[nnff909909]

77 حصان كفاية قوي على عربية وزنها حوالي طن
أنا بتكلم على الجراند بونتو

[فادى]

طبعا انا من احد مؤيديك
ولكن ليا تصور من خلال اني راكب تمبرا 1400 سي سي
وهو ان العيب في هذة العربيات يكمن في الموتور وتقدر تقول انة نقطة ضعف
لان الموتور 1400 وهورس باور قليل وهو دائما يزعجني في هذة العربيات وبالعربي بينغص عليا عشتي لان مش ممكن تكون عربية بالامكانيات والسعر والاسم ومش قدرين يطورو الموتور اللي بقالة من سنة 89 حتي الان وبيعملو علية تعديلات صغيرة وكل العربيات الموجودة دلوقتي او الاكثر انتشارا وهي Dohc وغالبا بتكون 1600 Cc وغالبا بتكون 110 Hp
المشكلة انهم لما طورو اضافو التربو علشان توصل ل 125 Hp تقريبا
ودي طبعا مشكلة لان نفس التكنولوجيا دي مستخدمة في الباسات والجيتا
موتور 1400 Cc تربو
في مشكلتين
الاولي ان التربو مابيشتغلش الا لما تعدي 120 كم اي انك تحت السرعة دي 77 Hp ولماتعدي السرعة تبقي 125 Hp
ثانيا ان التكنولوجيا دي غاليا جدا ولذلك شوف فرق السعر بين لينيا 77و 125
اوالبرافو 77 و125
او الجيتا والباسات 1600 Cc و1400 Cc تربو
هاتلاقي في فجوة في السعر جامدة جدا
غير ان صيانة التربو الله اعلم بيها
فأعتقد ان نظريا اختيارك 100*100 سليم انما عمليا Sory
لانك ارتضيت بالامر الواقع ورضيت ب 77 بس
علي فكرة انا لو كنت مكانك ممكن اخد نفس قرارك
بس في الواقع انا عاوز اغير لزيرو بس محتار جدا من السوق اولا ومن الاوبشن والقدرة للسيارة اللي بالتالي هاتأثر علي عمر الموتور
ارجو التواصل والتصحيح
وشكرا

تكنولوجيا المحرك لا تتناسب طرديا بعدد الأحصنة, ده معتقد شائع و خاطىء تماما,
محرك اللينيا بيطلع 77 حصان لأنه مصمم للمدن أساسا أكتر من طرق السفر, هو مصمم لاعطاء عزم كبير على سرعات منخفضة بدلا من اعطاء العزم على سرعات مرتفعة, و ده مفيد جدا فى المدن, و بيدى عمر أطول للمحرك, و مرونة للمحرك.
عيبه الوحيد على الطرق السريعة, بتلاقى السرعة القصوى أقل شوية, و التسارع العام بيبقى أقل.
أما موضوع ال16 صباب فملوش دعوة بالتكنولوجيا, الفكرة هنا أن محرك القاعدة ال77 حصان مصمم ليعطى اداء جيد داخل المدينة مع أفضل معدل لاستهلاك الوقود ممكن, عشان كده هو 8 صبابات فقط. و المستهلك يختار هو عايز ايه بالضبط, توفير أم سرعة أكبر. و كان ممكن يحطوا فيها محرك البرافو ال16 صباب.
التربو بيشتغل قبل ال120, التربو ملوش دعوة بسرعة العربية, ليه دعوة بسرعة دوران المحرك, هو بيشتغل غالبا بعد ال3000 لفة/دقيقة, لكن فيه انواع منه بتشتغل على السرعات المنخفضة للمحرك, لو تربو صغير, و فيه توين تربو, بيشتغل على كل السرعات.

[MohabSaeed]

موضوع جميل
احنا عموما فى كل حياتنا ماشين بنقلد و ديه طبيعه فيها
و لما بنطلع عن المألوف " القطيع " بنبقى مجانين و مش فاهمين حاجه و كلام كتير ........

عاوز تبقى صح هات لانسرايه او كورولايه و امسك موبايل نوكيا وهات تلفزيون توشيبا عيش يا برنس :-)
جتجيب فيات " فيات !!! ايه القرف ده هو حد دلوقتى بيركب فيات " و موبايل سامسونج او سونى او HTC !!!! ايه الموبايلات المضروبه ديه .

التقليد فى كل حاجه فى حياتنا ... حتى فى الاكل و اللبس و الحلاقه .
شئ غريب !
بس عموما كده احسن علاشان تكون الحاجات الكويسه بجد مميزه و غير منتشره .