تجربتى مع قسم السمكرة و الدهان بمركز العبور

[معاذ الشرباصى]

السلام عليكم و رحمة الله و بركاته

زى ما حضراتكم عارفين, انى كنت خبطت كلب بعربيتى, و يوم المقابلة 19 ديسمبر و انا رايح العربية لقيتها بتطلع دخنة بيضاء من الخلف (شفتها من المراية) و ركنت على جنب طبعا, و الكلام ده كان قبل بوابات بتاعة مصر اسكندرية الصحراوى.

لما نزلت ابص على العربية, لقيت ان فى مياه بتتسرب من الرادياتير, و فى زى زيت كده (بس طبعا ساعتها كنت بكدب نفسى)و سبب الدخنة البيضاء دى ان المياه بالزيت دى بتمشى على ماسورة الشكمان للأخر و بعد كده بتتبخر.

ساعتها كلمت مهندس محمد عبدالصمد, اللى كان متواجد فى المقابلة وقالى لو بتمشى العربية تعالى علينا, حاولت امشيها, لكن مكنتش بتمشى تقريبا, ده غير انى فى نتشة جامدة جدا فى الفتيس. المهم دورنا على ونش, و خدناها على مركز صيانة العبور, و مهندس محمد عبدالصمد مشكورا جدا جدا خلاهم يدخلوا العربية جوه الجراج بتاع المركز, و يستلموها منى بالرغم ان ده كان يوم اجازة, و الطبيعى ان العربية تتساب بره المركز.

رحت سلمت كل حاجة يوم السبت 20 ديسمبر, و انتظرنا التقييم النهائى للخسائر, و أنا اكتر حاجة كانت عاملة رعب عندى النتشة بتاعة الفتيس.

بعد تقييم الوضع بالكامل, اتضح ان العربية محتاجة طقم تبريد بالكامل (مروحة + سربنتينة تكييف + رادياتير) ده بالاضافة الى خراطيم تبريد زيت الفتيس, و الاكصدام الامامى.

المشكلة الرئيسية كانت فى عدم توافر خراطيم التبريد فى الوقت ده, و بعتوا طلبوها من اليابان. مهندس محمد عبدالصمد قال لى ان الخراطيم دى ضغط عالى, و هو مش حابب اننا ناخد مجازفة و نجيب حاجات من هنا محلية, لأن جربوا قبل كده و لم تكن بالجودة المناسبة.

الخراطيم مهندس ماجد كلمنى و قالى انهم بلغوه انها المفروض توصل يوم 20 يناير, و ساعتها هيبدأ شغل فى العربية, و أكد لى ان الشغل مش هياخد اكتر من يومين بالكتير.

اللى حصل انها اتأخرت زيادة شوية عن الميعاد ده لأن كان فى مشاكل مع الجمارك, و مهندس احمد عبدالوهاب مشكورا تدخل, و الحاجة خرجت على طول.

نيجى للأستلام, انا استلمت يوم 26 يناير. التصور المحتمل للسبب فى اللى حصل كله: لما خبطت الكلب و نزل تحت العربية, فأتعوج الرادياتير و مداخل خراطم تبريد الفتيس فيه كمان. المروحة القميص بتاعها اتفك, فغالبا مع الضغط على الخراطيم, و خروج المروجة من مسارها بعد تحطم القميص, ففكت الخراطيم من مكانها, و ده كان سبب وجود زيت مع المياه.

خرجنا جربنا العربية, و الفتيس كويس علشان ده كان اهم حاجة ليا, و الحمد لله مكنش فى اى حاجة غلط. كتكييف كان كله تمام و شغال و كذلك التبريد.

الملاحظات اللى كانت عندى كانت فى تقفيل الاكصدام. مكنش معمول له finish كويس كدهان, ده غير ان بعض الكليبسات مكنتش راكبة كويس فى مكانها, العربية دخلت و خرجت كذا مرة لحد اما الحاجة اتعملت كويس بنسبة 90%, لأن فى حاجات مهندس مصطفى على قالى مش هنقدر نظبطها اكتر من كده (كانت شوية نتوئات على اطراف الاكصدام من الدهان).

بخصوص التكاليف فكانت كالأتى:

العمالة:
دهان: 210 جنيه
سمكرة: 120 جنيه
ميكانيكا: 255 جنيه
اجمالى العمالة: 585 جنيه

القطع المستبدلة:
مروحة بالقميص و الموتور: 2535.35 جنيه
رادياتير: 3002.20 جنيه
حامل اكصدام امامى: 96.96 جنيه
اكصدام امامى بدون الهواية: 950.56 جنيه
سربنتينة: 2212.15 جنيه
مثبت للرادياتير: 20.76 جنيه
خرطوم تبريد: 129.28 جنيه
خرطوم تبريد: 50.99 جنيه

اجمالى القطع المستبدلة: 8817.98 جنيه

Materials:
عدد 10 كليبسات: 20 جنيه
فريون (340 بس مش عارف الوحدة بتاعتها) : 200 جنيه
الدهان: 90 جنيه
شحومات: 30 جنيه

الاجمالى: 340.60

اجمالى الفاتورة: 9923.85

و بعد الضريبة 10%: 10916.23

دى كانت التفاصيل كلها, أى استفسار بخصوص الموضوع انا تحت امركم.

[توفيق طة]

يااااااااة ؟؟ قلبى معاك حقيقى ..

بس عندى سؤال ؟

هو الكلب يساوى كام ؟؟

تحيــــــــــاتى

الحمد لله يا معاذ انها جت على اد الكلب

وربنا يحفظك ويحفظنا جميعا

[shrafoo]

الحمد لله قدر الله وماشاء فعل
الله يعوض عليك

[Eng_aly]

ربنا يعوض عليك يا باشا وان شاء الله تبقى اخر الأحزان...

[zozza]

الحمدلله يا معاذ , قدّر الله وما شاء فعل.
انا برده كنت غيرت الكصدام في التوكيل من سنة تقريبا و الرش كان 100 100 الصراحة بس برده عندي نفس مشكلة الكلبسات الناقصة في الاكصدام الامامي

[معاذ الشرباصى]

يااااااااة ؟؟ قلبى معاك حقيقى ..

بس عندى سؤال ؟

هو الكلب يساوى كام ؟؟

تحيــــــــــاتى

شكرا لك يا باشمهندس

الحمد لله على كل شىء طبعا

انا هبقى انزل صور للسربنتينة المخبوطة و الرادياتير

الحمد لله يا معاذ انها جت على اد الكلب

وربنا يحفظك ويحفظنا جميعا

شكرا لك يا ابوعبدالله ... امين يا رب

الحمد لله قدر الله وماشاء فعل
الله يعوض عليك

شكرا لحضرتك

ربنا يعوض عليك يا باشا وان شاء الله تبقى اخر الأحزان...

شكرا لك يا باشمهندس على

حضرتك كنت متابع معايا التفاصيل اول بأول, ربنا يخليك على اهتمامك

الحمدلله يا معاذ , قدّر الله وما شاء فعل.
انا برده كنت غيرت الكصدام في التوكيل من سنة تقريبا و الرش كان 100 100 الصراحة بس برده عندي نفس مشكلة الكلبسات الناقصة في الاكصدام الامامي

محمود باشا

نفسنا كنا نشوفك جدا فى المقابلة اللى فاتت, بس تتعوض ان شاء الله

انا علشان الكليبسات دى اشوفها نزلت تحت العربية

[Ahmed Selim]

قدر الله و ما شاء فعل و الحمد لله أنها جت على أد كده.

أنا برضه كنت خبطت كلب فى صيف 2007 على طريق الساحل أمام مارينا.......المرحوم كان بيعدى الشارع فجأه بعد ما كان واقف باصص الناحية التانية.
الأضرار عندى كانت أقل من كده و لله الحمد بس مش عاوز أقولك....من ساعتها و أنا منين ما ألاقى كلب فى أى شارع بقف تقريباً لحد لما أشوف هو ناوى على أيه :)

ألف سلامة عليك و على العربية يا معاذ باشا

الحمد لله علي السلامة
و ربنا يعوضك خير ان شاء الله
بس انا شايف ان الاسعار دي عالية اوي زي اسعار قطع الغيار الاوروبي
يا ريت لو حد يفيدنا بمقارنة بين اسعار الاوروبي و الياباني

[CryptonX]

الف مبروك يا معاذ :)

الحمد الله انها " ميكانيكيا " رجعت زي الاول لان ده اهم من اي حاجة ( دهان او سمكرة ) !

اللي مجنني بقى حاجتين !

اسعار السمكرة و الدهان بالنسبة لتوكيل سيارات ياباني ! كويسسسسسسسة جدا ! ( طبعا اغلي من السمكرة برة بس برده ده توكيل ! )

اسعار قطع الغيار مقدرش اقول غالية او رخيصة علشان انا معرفش دي تعمل كام في باقي العربيات بس برده مبلغ محترم اوي ! معلش !