مواصفات اللوجان من السبع الشكل الجديد تسليم فوري

[Hossam_Zaky]

الروماني الموجودة دلوقت موديلين فقط

الألوان الخمسة بغض النظر عن مسميات التوكيل للألوان :
فضي / شامبين ( بيسموه فيراني فاتح ) / رمادي مائل للأزرق ( بيسموه بترولي ) / أحمر ميتاليك معدني ( زي لون اللانسر البومة بيسموه نبيتي ) / رصاصي غامق جدا ( بيسموه فيراني غامق )

66000 هاف أوبشن :
تكييف / باور / كاسيت سي دي / زجاج كهرباء أمامي / سنتر

70000 فول أوبشن بتزيد عن الهاف بالأتي :
دركسيون متحرك أعلي و أسفل / ايرباج للسائق / زجاج كهرباء خلفي / مرايا كهرباء / اضواء ضباب في الأكصدام / المرايا الخارجية و الباكتات و المقابض بلون العربية / نيكل علي أسفل غطاء الشنطة الخلفية / الصالون داخل فيه حلية فضية علي بطانات الأبواب بيسموها نواكل

مع ملاحظة أن العربية أتعدل شكلها و بقت جميلة فعلا
مقدمة السيارة أخدت الشبكة الأمامية بتاعة السيمبول و الأكصدمات بقت بالكامل بلون العربية بعد تعديل شكلها لتصبح مدمجة أكتر و شكلها متناسق أكتر الشنطة الخلفية اتعدل شكلها و بقت أنسيابية و الفوانيس الخلفية أتعدل شكلها كمان و بقي شكلها أفخم من الأول
في الأخر أوجه عنايتكم الي أن العربية المغربي هي اللي حتنزل بسعر 56000 خالية تماما من أي نوع من الكماليات ( حتي الباور أو التكييف ) و حينزل كمان الموديلين اللي أتكلمت عليهم في الأول بس من المغرب بنفس المواصفات و حيكون سعرهم 64000 و 68000 مش الأسعار اللي التوكيل أعلن عنها في الأول
و فيه أحتمال أن التوكيل يغلي سعر العربية الروماني عشان يبين أن العربية المغربي أرخص

و أنهي حديثي بعد الأطالة أني مش مقتنع بأي من أسعار العربية سواء المغربي أو الروماني لأني شايف ان التوكيل أستغل رخص الأسعار و الغاء الجمارك في زيادة هامش ربحه و كمان لم يلتزم بأعلاناته عن الأسعار
لكن أعتقد أنها أفضل من الفيرنا و اللانوس و الأفيو لو بنتكلم في نفس متوسط الأسعار بس الأكسنت الجديدة تكسب مع زيادة في السعر لـ 77000 للي يقدر !
أسف علي الأطالة

[HAMZAWY]

الف شكر على المعلومات دى
ماعندكش فكرة قطع غيارها اخبارها ايه انا بقارن بينها وبين الفيرنا ياترى شايف انهى افضل؟

[moono]

مشكور جدا على المعلومات دى
مفيش صور بقى للشكل الجديد؟

[dabdob86]

الف شكر على المعلومات دى
ماعندكش فكرة قطع غيارها اخبارها ايه انا بقارن بينها وبين الفيرنا ياترى شايف انهى افضل؟

بعض اسعار قطع غيار اللوجان

http://www.nilemotors.net/Nile/showthread.php?t=29289

انا عن نفسى شايف ان اللوجان افضل من حيث الاعتمادية و التوكيل و الثبات و الموتور
و الفيرنا تكسب من حيث الشكل و رخص بعض اسعار قطع الغيار مقارنة باللوجان

[nav man]

امال اة ال56000 دا لسة مكتوبة في اهرام النهاردة, اعتقد ان دا توكيل محترم ومش هيكدب علي الناس,والشكل الجديد احلي من القديم.

[menabigboss]

امال اة ال56000 دا لسة مكتوبة في اهرام النهاردة, اعتقد ان دا توكيل محترم ومش هيكدب علي الناس,والشكل الجديد احلي من القديم.

فعلا حضرتك الشكل الجديد احسن من القديم.....
بس السغر ال 56000 ج هو للعربية الفاضية خالص ....من غير تكييف ولا باور .....ولا كاوتشات ولا فوانيس ولا حاجة خالص

[Hossam_Zaky]

التوكيل مكدبش
العربية البـ 56000 فعلا حتنزل شهر 5 الجاي بس بدون أي نوع من الكماليات يعني مش حيكون فيها حتي تكييف أو باور مساعد للدركسيون مع ملاحظة أن الموتور 1600 يعني الثقل حيكون متركز علي العجل الأمامي مع أجهزة نقل الحركة فطبعا حاجة غريبة أن العربية تكون من غير باور
يعني تقدر تعتبرها كأنك راكب 128 صناعة نظيفة بدون أي كماليات و الناس تحسدك علي الشكل الحلو بس

[emadosman63]

معنى هذا الكلام أن اللوجان الرومانى الشكل الجديد لاتختلف فى شىء عن المغربى الا فرق ز.يادة الفين جنيه للررومانى لكن هل التقفيل الرومانى أفضل من المغربى سؤال يستحق الاجابة من المتخصصين من واقع تاريخ كل بلد فى صناعة وتقفيل السيارات أو اى مؤشر أخر

[Amr_Moh]

التوكيل مكدبش
العربية البـ 56000 فعلا حتنزل شهر 5 الجاي بس بدون أي نوع من الكماليات يعني مش حيكون فيها حتي تكييف أو باور مساعد للدركسيون مع ملاحظة أن الموتور 1600 يعني الثقل حيكون متركز علي العجل الأمامي مع أجهزة نقل الحركة فطبعا حاجة غريبة أن العربية تكون من غير باور
يعني تقدر تعتبرها كأنك راكب 128 صناعة نظيفة بدون أي كماليات و الناس تحسدك علي الشكل الحلو بس

ليها زبونها

[SOBKY]

يا ريييييت اي صور للشكل الجديد ..
وشكرا .....

[masryxt]

يا ريييييت اي صور للشكل الجديد ..
وشكرا .....

http://www.nilemotors.net/Nile/showthread.php?t=65823&highlight=%E1%E6%CC%C7%E4

[emadosman63]

معنى هذا الكلام أن اللوجان الرومانى الشكل الجديد لاتختلف فى شىء عن المغربى الا فرق ز.يادة الفين جنيه للررومانى لكن هل التقفيل الرومانى أفضل من المغربى سؤال يستحق الاجابة من المتخصصين من واقع تاريخ كل بلد فى صناعة وتقفيل السيارات أو اى مؤشر أخر

فين ياجماعة أراء المتخصصين على سبيل المثال الأستاذة سبعاوى وشاركى وتوت وأبو عبدالله

[ahmed00700]

ممكن تكون العربية مزودة نقل حرك اتوموتيك

[nav man]

لامافيش منها اتوماتيك.دايما الحلو مايكملشب 56000 ومن غير اي كماليات.

[crazylambada]

النهاردة روحت التوكيل في العبور و شفت العربية
بجد العربية تحفة جددددددددددددددددا
و تستاهل تمنها بجد انا مكنتش مصدق اني قدام عربية الفول اوبشن ب67 الف جنيه خامات مستخدمة عالية و تقفي نضيف جدا
العربة متخدم عليها كويس بجد
و يعتبر ملهاش علاقة بالشكل القديم نهائيا