اشترى البكانتو منين

[A.Saad]

بفكر اشترى ان شاء الله بيكانتو
ممكن اعرف اجيبها منين بخلاف التوكيل طبعا
حد يكون اسعاره كويسة واقدر انزل فيها لحد كام
واستلم الورق بعد اد ايه

[A.Saad]

ايه يا جماعة
انتوا جبتوها ازاى طيب

[دينا أبوالعلا]

مردتش ارد من الاول قولت مش هفيدك قوي لان انا جبتها من معرض حد معرفه بنفس سعر التوكيل معتقدش يا احمد هتلاقي تفاوت فلاسعار
الورق وصل بعدها باسبوع ويمكن اقل بس انا جبتها فالزحمه فشهر 8 وانت ممكن تلاقي ورقها خلصان وتخدها علي طول
ومبروووووووووووووووك مقدما هتبقي زميل وجار

[A.Saad]

ده شرف لينا نكون زمايل
بعد ما اتشرفنا باننا جيران
بس اوعى تزنقى عليا

وعلى فكرة يا دينا فيه تفاوت فى الاسعار
لانى سالت معرض فى التليفون يوم الجمعة الللى فاتت كان عامل اعلان ونزلت معاه لسعر 63500 توكيل و 61500 خليجى
فانا طبعا كنت عايز يكون حد مضمون علشان ما ياخرش الورق
وكمان كان فيه احد الاعضاء اشتكى قبل كدة من شركة عربيات وطلع فيها مشاكل

[baswahab84]

انا جبت من ياسين امام نادي هليوبوليس و الورق كان جاهز

[YaSSerwIN]

عندك بردك معرض اوتو سمير ريان مشهور جدا ً

فى طريق النصر

[gebreel]

عندك ناشونال موتورز في شارع الطيران
عندك ستوب كار في عباس العقاد مع مصطفى النحاس قدام اليو ترن على طول
و فيه كمان حاجة زكي بس مش فاكر بالظيط الاسم ده في القطامية قرب الدائري للمعادي

بالنسبة للاسعار مش هتختلف كتير و ده عن تجربة

بالنسبة للورق عند زكي اللي في القطامية ده كنت هستلمها بعدها بيوم او اتنين
و ربنا يباركلك فيها مقدما